For Quick Alerts
    ALLOW NOTIFICATIONS  
    For Daily Alerts

    'ಡಿಕೆ' ಸಾಹೇಬ ಬರ್ತಿದ್ದಾನೆ ಬಾಗಿಲು ತೆಗೆಯೇ ಸೇಸಮ್ಮ

    By Rajendra
    |

    ಶೀರ್ಷಿಕೆಯಲ್ಲೇ ಕುತೂಹಲ ಮೂಡಿಸಿರುವ ಚಿತ್ರ ಪ್ರೇಮ್ ಅಭಿನಯದ 'ಡಿಕೆ'. ಈ ಚಿತ್ರದ ಶೀರ್ಷಿಕೆಯ ಅರ್ಥ ಏನಿರಬಹುದು, ಡಿಕೆ ಅಂದ್ರೆ ಯಾರು ಎಂಬುದಕ್ಕೆ ಉತ್ತರ ಸಿಗುವ ಸಮಯ ಬಂದೇ ಬಿಟ್ಟಿದೆ. ಆರು ತಿಂಗಳ ಹಿಂದೆ ಸೆಟ್ಟೇರಿದ ಚಿತ್ರ ಇದೀಗ ಬಿಡುಗಡೆಯಾಗಲು ಸಿದ್ಧವಾಗಿದೆ.

    ಇತ್ತೀಚೆಗೆ ಚಿತ್ರವನ್ನು ವೀಕ್ಷಿಸಿದ ಪ್ರಾದೇಶಿಕ ಸೆನ್ಸಾರ್ ಮಂಡಳಿ ಚಿತ್ರಕ್ಕೆ ಯು/ಎ ಸರ್ಟಿಫಿಕೇಟ್ ನೀಡಿದೆ. ಚಿತ್ರ ಇದೇ ಫೆಬ್ರವರಿ 13ರಂದು ತೆರೆ ಮೇಲೆ ರಾರಾಜಿಸಲಿದೆ. ವಿಜಯ್ ಕಂಪಳಿ (ಉದಯ ಪ್ರಕಾಶ್) ಅವರ ಆಕ್ಷನ್ ಕಟ್ ನಲ್ಲಿ ಮೂಡಿಬಂದಿರುವ ಚಿತ್ರ ಇದು.

    ಈ ಚಿತ್ರವನ್ನು ಪ್ರೇಮ್ ಅವರ ಬಾಳಸಂಗಾತಿ ರಕ್ಷಿತಾ ಅವರು ನಿರ್ಮಿಸಿದ್ದಾರೆ. ಪ್ರೇಮ್ ಜೊತೆ ಚೈತ್ರಾ ಚಂದ್ರನಾಥ್ ಅಭಿನಯಿಸಿದ್ದು ವಿಶೇಷ ಹಾಡಿನಲ್ಲಿ ಬಾಲಿವುಡ್ ನ ಸೆಕ್ಸಿ ಕ್ವೀನ್ ಸನ್ನಿ ಲಿಯೋನ್ ಅಭಿನಯಿಸಿದ್ದಾರೆ. "ಬಾಗಿಲು ತೆಗೆಯೇ ಸೇಸಮ್ಮ..." ಎಂಬ ಹಾಡು ಈಗಾಗಲೆ ಸ್ಯಾಂಡಲ್ ವುಡ್ ನಲ್ಲಿ ಹವಾ ಎಬ್ಬಿಸಿದೆ.

    ವಿವಾದಾತ್ಮಕ ಸ್ವಾಮೀಜಿ ಕಾಳಿ ಮಠದ ಋಷಿಕುಮಾರ ಅವರು ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಮಾಜಿ ಮುಖ್ಯಮಂತ್ರಿ ಎಚ್ ಡಿ ಕುಮಾರಸ್ವಾಮಿ ಹಾಗೂ ಹಾಲಿ ಇಂಧನ ಸಚಿವ ಡಿಕೆ ಶಿವಕುಮಾರ್ ಅವರ ಕಥೆ ಇರಬಹುದೇ ಎಂಬ ಸಣ್ಣ ಅನುಮಾನವೂ ಸ್ಯಾಂಡಲ್ ವುಡ್ ನಲ್ಲಿದೆ. ಆದರೆ ಆ ಮಾತನ್ನು ಪ್ರೇಮ್ ತಳ್ಳಿಹಾಕುತ್ತಾರೆ.

    ಚಿತ್ರದ ಇನ್ನೊಂದು ಹಾಡಿನಲ್ಲಿ ನರೇಂದ್ರ ಮೋದಿ, ಸೋನಿಯಾ ಗಾಂಧಿ, ಎಂ ಕರುಣಾನಿಧಿ ಹಾಗೂ ಜಯಲಲಿತಾ ಹೆಸರುಗಳನ್ನು ಬಳಸಿಕೊಂಡಿರುವುದು ಇನ್ನೊಂದು ವಿಶೇಷ. ಈ ಹಾಡನ್ನು ಹಾಡಲು ನಾಲ್ಕು ಮಂದಿ ಗಾಯಕರು ನಿರಾಕರಿಸಿದ ಬಳಿಕ ಕಡೆಯದಾಗಿ ಗಾಯಕ ಹೇಮಂತ್ ಅವರು ಒಪ್ಪಿಕೊಂಡು ಹಾಡಿದ್ದಾರೆ. ಅರ್ಜುನ್ ಜನ್ಯ ಅವರ ಸಂಗೀತ ಚಿತ್ರಕ್ಕಿದೆ. (ಏಜೆನ್ಸೀಸ್)

    English summary
    Kannada Satirical film 'DK' directed by Vijay Kampali, releases on 13th Februay. The movie got U/A certificate from regional censor board. Produced by actress Rakshita, the film stars Prem and Chaitra Chandranath in the lead roles. Actress Sunny Leone features in a special item song, making her Kannada film debut.

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X