ದರ್ಶನ್-ಪ್ರೇಮ್ ಜೋಡಿಯ ಸಿನಿಮಾ ಸದ್ಯಕ್ಕೆ ಕನಸಷ್ಟೇ.!

ದರ್ಶನ್ ಜೊತೆ ಸಿನಿಮಾ ಮಾಡಿ

ಫೇಸ್ ಬುಕ್ ಲೈವ್ ನಲ್ಲಿ ದರ್ಶನ್ ಜೊತೆ ಸಿನಿಮಾ ಯಾವಾಗ ಮಾಡ್ತೀರಾ ಎಂದು ಅಭಿಮಾನಿಯೊಬ್ಬರು ಕೇಳಿದ್ದಕ್ಕೆ ಉತ್ತರ ಕೊಟ್ಟು ಪ್ರೇಮ್ ''ಅತಿ ಶೀಘ್ರದಲ್ಲಿ ಮಾಡ್ತೀನಿ'' ಅಂದ್ರು. ಆಮೇಲೆ ಮಾತು ಮುಂದುರಿಸಿದ ಪ್ರೇಮ್, ಕಥೆ ಮಾಡುವಾಗ ನಮಗೆ ಈ ಹೀರೋನೇ ಬೇಕು ಅಂತ ಮೈಂಡ್ ಗೆ ಬಂದ್ರೆ ಅವರ ಜೊತೆ ಸಿನಿಮಾ ಮಾಡ್ತೀನಿ. ಅಪ್ಪು, ಸುದೀಪ್, ಶಿವಣ್ಣ, ದರ್ಶನ್ ಎಲ್ಲರು ಜೊತೆಯಲ್ಲೂ ಸಿನಿಮಾ ಮಾಡ್ತೀನಿ'' ಅಂದ್ರು.

ಸಿನಿಮಾ ಪಕ್ಕಾ ಆಗಿಲ್ಲ

ಅಲ್ಲಿಗೆ ದರ್ಶನ್ ಜೊತೆ ಸಿನಿಮಾ ಮಾಡ್ಬೇಕು ಎನ್ನುವುದು ಪ್ರೇಮ್ ಮನಸ್ಸಿನಲ್ಲಿದೆ. ಆದ್ರೆ, ಯಾವ ಚಿತ್ರ ಮಾಡ್ಬೇಕು ಅನ್ನೋದು ಸದ್ಯಕ್ಕೆ ಫಿಕ್ಸ್ ಆಗಿಲ್ಲ ಅನ್ಸುತ್ತೆ. ಈ ಬಗ್ಗೆ ಇನ್ನು ಚರ್ಚೆ ಅಥವಾ ಕಥೆ ಫೈನಲ್ ಮಾಡಿಲ್ಲ ಅನ್ಸುತ್ತೆ. ಒಂದು ವೇಳೆ ಕಥೆ ಅಥವಾ ಸಮಯ ಓಕೆ ಆಗಿದೆ ಅಂತ ಹೇಳಿದ್ರು ಅಭಿಮಾನಿಗಳು ನಿಟ್ಟುಸಿರು ಬಿಡುಬಹುದಿತ್ತು. ಬಟ್, ಪ್ರೇಮ್ ಯಾವುದೇ ಖಚಿತ ಮಾಹಿತಿ ಈ ಬಗ್ಗೆ ಕೊಟ್ಟಿಲ್ಲ. ಅಲ್ಲಿಗೆ ಸಿನಿಮಾ ಮಾಡೋದು ಪಕ್ಕಾ ಆಗಿದ್ರೂ, ಯಾವಾಗ ಅಂತ ನಿರ್ಧಾರ ಆಗಿಲ್ಲ.

ಪ್ರೇಮ್ ಮುಂದಿನ ಚಿತ್ರ

'ದಿ ವಿಲನ್' ಸಿನಿಮಾ ಮುಗಿಸಿರುವ ಪ್ರೇಮ್ ಬಹುದೊಡ್ಡ ಪ್ರಾಜೆಕ್ಟ್ ಕೈಗೆತ್ತಿಕೊಳ್ಳುವ ಸೂಚನೆ ನೀಡಿದ್ದರು. ಈ ಮಧ್ಯೆ ಪತ್ನಿ ರಕ್ಷಿತಾ ಅವರ ಸಹೋದರನನ್ನ ಚಿತ್ರರಂಗಕ್ಕೆ ಪರಿಚಯ ಮಾಡ್ತಿದ್ದು, ಅದಕ್ಕೆ ಸಜ್ಜಾಗಿದ್ದಾರೆ. ಅದಾದ ಬಳಿಕ ಕಲಿ ಚಿತ್ರಕ್ಕೆ ಮತ್ತೆ ಜೀವ ಕೊಡ್ತಾರಂತೆ. ಅಲ್ಲಿಗೆ ಈ ಎರಡು ಸಿನಿಮಾ ಮುಗಿಯಷ್ಟರಲ್ಲಿ ಒಂದಿಷ್ಟು ವರ್ಷ ಬೇಕು.

ದರ್ಶನ್ ಸತತ ಸಿನಿಮಾ

ಈ ಕಡೆ ಕುರುಕ್ಷೇತ್ರ ಮತ್ತು ಯಜಮಾನ ಮುಗಿಸಿ ಒಡೆಯ ಆರಂಭಿಸಿರುವ ದರ್ಶನ್, ರಾಬರ್ಟ್, ಗಂಡುಗಲಿ ಮದಕರಿ ನಾಯಕ, ಮೆಜೆಸ್ಟಿಕ್ ನಿರ್ಮಾಪಕನ ಜೊತೆ ಒಂದು ಸಿನಿಮಾ ಮಾಡಲು ಮುಂದಾಗಿದ್ದಾರೆ. ಅಲ್ಲಿಗೆ ದರ್ಶನ್ ಈಗ ಒಪ್ಪಿಕೊಂಡಿರುವ ಚಿತ್ರಗಳನ್ನ ಮುಗಿಸಲು ಕೂಡ ಸಮಯ ಬೇಕಾಗಿದೆ. ಬಹುಶಃ ಇದೆಲ್ಲವನ್ನ ಗಮನಿಸಿದ್ರೆ ಪ್ರೇಮ್ ಮತ್ತು ದರ್ಶನ್ ಸಿನಿಮಾ ಸದ್ಯಕ್ಕಂತೂ ಆಗಲ್ಲ.