'ದಿ ವಿಲನ್' ಟೀಸರ್ ಯಾವಾಗ? ನಮ್ ಪ್ರಶ್ನೆಗೆ, ಪ್ರೇಮ್ ಕೊಟ್ಟ ಉತ್ತರ!

'ದಿ ವಿಲನ್' ಟೀಸರ್ ರೆಡಿ ಆಗಿದೆ

''ದಿ ವಿಲನ್' ಸಿನಿಮಾದ ಟೀಸರ್ ರೆಡಿ ಆಗಿದೆ. ಅದನ್ನು ಅಣ್ಣಾವ್ರ ಹುಟ್ಟುಹಬ್ಬಕ್ಕೆ ಟೀಸರ್ ಬಿಡುಗಡೆ ಮಾಡಬೇಕು ಅಂತ ಪ್ಲಾನ್ ಮಾಡಿದ್ದೆ. ಆದರೆ ಆಗಲಿಲ್ಲ. ಸದ್ಯದಲ್ಲಿಯೇ ಯಾವಾಗ ಟೀಸರ್ ಬರುತ್ತದೆ ಅಂತ ಪಕ್ಕಾ ಹೇಳುತ್ತೇನೆ. ಎಲ್ಲ ಯಾಕೆ ಲೇಟ್ ಅಂತ್ತಾರೆ?. ಆದರೆ ತುಂಬ ಟೆಕ್ನಿಕಲ್ ಕೆಲಸ ಇರುತ್ತದೆ. ಸಡನ್ ಆಗಿ ಶೂಟ್ ಮಾಡಿ ಬಿಡುವುದಕ್ಕೆ ಆಗುವುದಿಲ್ಲ. ಚಿತ್ರದ ಶೂಟಿಂಗ್ ಮುಗಿದ ಮೇಲೆ ಟೀಸರ್ ಲಾಂಚ್ ಮಾಡುತ್ತೇನೆ.'' - ಪ್ರೇಮ್, ನಿರ್ದೇಶಕ.

ಇನ್ನೂ ಎರಡು ಹಾಡು ಬಾಕಿ ಇದೆ

''ಇನ್ನೂ ಎರಡು ಹಾಡು ಬಾಕಿ ಇದೆ. ಒಂದು ಶಿವಣ್ಣನ ಹಾಡು, ಮತ್ತೊಂದು ಸುದೀಪ್ ಅವರ ಹಾಡು. ನಾನು ಇದನ್ನು ಮೊದಲು ಮುಗಿಸಬೇಕಾಗಿದೆ. ಎರಡು ಹಾಡುಗಳ ಚಿತ್ರೀಕರಣ ಮುಗಿದ ನಂತರ ಟೀಸರ್ ರಿಲೀಸ್ ಮಾಡುತ್ತೇವೆ. ಈ ಎರಡು ಹಾಡುಗಳು ಮುಗಿದ ಮೇಲೆ ಇಡೀ ಚಿತ್ರದ ಚಿತ್ರೀಕರಣ ಪೂರ್ಣ ಆಗಿ ಕುಂಬಳಕಾಯಿ ಒಡೆಯುತ್ತೇವೆ. ನನ್ನ ಹಿಂದಿನ ಎಲ್ಲ ಸಿನಿಮಾಗಳು ಸಹ ಶೂಟಿಂಗ್ ಮುಗಿದ ನಂತರವೇ ಟೀಸರ್, ಟ್ರೇಲರ್ ರಿಲೀಸ್ ಮಾಡಿರುವುದು.'' - ಪ್ರೇಮ್, ನಿರ್ದೇಶಕ.

ನಾಳೆಯಿಂದ ಡಬ್ಬಿಂಗ್ ಶುರು ಆಗುತ್ತೆ

''ಈ ನಡುವೆ ಚುನಾವಣೆ ಕೂಡ ಇದೆ. ನಾಳೆಯಿಂದ ಡಬ್ಬಿಂಗ್ ನಡೆಯುತ್ತಿದೆ. ಟೀಸರ್ ಲಾಂಚ್ ಮಾಡುವುದಕ್ಕೆ ಇದೇ ದಿನ ಅಂತ ಇನ್ನೂ ನಿಗದಿ ಆಗಿಲ್ಲ. ಆದರೆ ಆ ಎರಡು ಸಾಂಗ್ ಶೂಟಿಂಗ್ ಮಾಡಿದ ನಂತರ ಟೀಸರ್ ಬಿಡುತ್ತೇನೆ. ಇಡೀ ಸಿನಿಮಾದ ಕಂಪ್ಲೀಟ್ ಮಾಡಿದ್ದೇನೆ. ಈ ಎರಡು ಹಾಡುಗಳು ಮಾತ್ರ ಈಗ ಉಳಿದಿದೆ.'' - ಪ್ರೇಮ್, ನಿರ್ದೇಶಕ.

ಎರಡು ಟೀಸರ್ ಬರುತ್ತದೆ

''ಸಿನಿಮಾದ ಟೀಸರ್ ಬಂದ ನಂತರ ಆಡಿಯೋ ರಿಲೀಸ್, ಸಿನಿಮಾ ಬಿಡುಗಡೆಯ ಡೇಟ್ ಎಲ್ಲ ಅನೌನ್ಸ್ ಮಾಡುತ್ತೇನೆ. ಎರಡು ಬೇರೆ ಬೇರೆ ರೀತಿಯ ಟೀಸರ್ ಮಾಡಿದ್ದೇನೆ. ಒಂದು ಶಿವಣ್ಣ, ಮತ್ತೊಂದು ಸುದೀಪ್ ಟೀಸರ್ ಆಗಿದೆ. ಸದ್ಯದಲ್ಲಿಯೇ ಉಳಿದ ಎಲ್ಲ ಮಾಹಿತಿ ಹೇಳುತ್ತೇನೆ.'' ಎಂದು ನಗುನಗುತ್ತಾ ಮಾತು ಮುಗಿಸಿದರು ಪ್ರೇಮ್.

ಅಂತು ಉತ್ತರ ಸಿಕ್ತು

'ದಿ ವಿಲನ್' ಟೀಸರ್ ಯಾವಾಗ? ಎನ್ನುವ ಮಹಾ ಪ್ರಶ್ನೆಗೆ ಪ್ರೇಮ್ ಅಂತು ಉತ್ತರ ನೀಡಿದ್ದಾರೆ. ನಿಶ್ಚಿತವಾಗಿ ಇದೇ ದಿನ ಟೀಸರ್ ಬಿಡುಗಡೆ ಮಾಡುತ್ತೇನೆ ಅಂತ ಹೇಳದೆ ಇದ್ದರೂ ಎರಡು ಹಾಡುಗಳ ಚಿತ್ರೀಕರಣ ನಂತರ ಎಂದು ಮಾತು ಕೊಟ್ಟಿದ್ದಾರೆ. ಟೀಸರ್ ಬರದೆ ಇದ್ದರೂ ಈ ಮಟ್ಟಕ್ಕೆ ಕ್ರೇಜ್ ಸೃಷ್ಟಿ ಮಾಡಿರುವ ಈ ಸಿನಿಮಾ ಮುಂದೆ ಏನೆಲ್ಲ ಮಾಡುತ್ತೆ ನೋಡಬೇಕು.