ಹೊಸ ವರ್ಷಕ್ಕೆ ಪ್ರೇಮ್ ಹೊಸ ಸಿನಿಮಾ, ಇದು 'ವಿಲನ್' ಮೀರಿಸುವ ಚಿತ್ರ.!

ಹೊಸ ವರ್ಷಕ್ಕೆ ಘೋಷಣೆ

'ದಿ ವಿಲನ್' ಸಿನಿಮಾ 50 ದಿನಗಳನ್ನ ಪೂರೈಸಿದ ಖುಷಿಯನ್ನ ಹಂಚಿಕೊಂಡ ನಿರ್ದೇಶಕ ಪ್ರೇಮ್, ಚಿತ್ರದ ಯಶಸ್ಸಿಗೆ ಕಾರಣವಾದ ಎಲ್ಲರಿಗೂ ಧನ್ಯವಾದ ತಿಳಿಸಿದ್ದಾರೆ. ಇದೇ ವೇಳೆ ''ನನ್ನ ಮುಂದಿನ ಸಿನಿಮಾವನ್ನ ಹೊಸ ವರ್ಷದ ಪ್ರಯುಕ್ತ ಅನೌನ್ಸ್ ಮಾಡ್ತೀನಿ'' ಎಂದು ಹೇಳಿದ್ದಾರೆ.

ಯಾವುದು ಪ್ರೇಮ್ ಹೊಸ ಸಿನಿಮಾ

ಪ್ರೇಮ್ ನಿರ್ದೇಶನ ಮಾಡಲಿರುವ ಮುಂದಿನ ಚಿತ್ರ ಯಾವುದು ಎಂಬುದು ಸದ್ಯಕ್ಕೆ ಮಾಹಿತಿ ಇಲ್ಲ. ಆದ್ರೆ, ದಿ ವಿಲನ್ ಸಿನಿಮಾ ಪ್ರೀ-ರಿಲೀಸ್ ವೇಳೆ ಅವರೇ ಹೇಳಿರುವಂತೆ ''ಏಳು ಭಾಷೆಯಲ್ಲಿ ಮೂಡಿಬರಲಿರುವ, ಏಳು ಭಾಷೆಯ ನಟರನ್ನೊಳಗೊಂಡು ಬಿಗ್ ಬಜೆಟ್ ಚಿತ್ರವೊಂದನ್ನ ಆರಂಭಿಸಿಲಿದ್ದೇನೆ'' ಎಂದು ತಿಳಿಸಿದ್ದರು. ಬಹುಶಃ ಅದೇ ಪ್ರಾಜೆಕ್ಟ್ ಗೆ ಈಗ ಚಾಲನೆ ಕೊಡ್ತಾರಾ ಕಾದುನೋಡಬೇಕು.

ಸ್ಕ್ರಿಪ್ಟ್ ಗೆ ಗ್ರೀನ್ ಸಿಗ್ನಲ್ ಸಿಕ್ಕಿತ್ತು

ಪ್ರೇಮ್ ಹೇಳಿದ್ದ ಪ್ರಕಾರ, ಆ ಸಿನಿಮಾವನ್ನ ಸಿ.ಆರ್ ಮನೋಹರ್ ಅವರೇ ನಿರ್ಮಾಣ ಮಾಡಲಿದ್ದಾರೆ. ಮೂರು ಭಾಷೆಯ ನಟರು ಕಥೆಯನ್ನ ಒಪ್ಪಿಕೊಂಡಿದ್ದಾರೆ. ಉಳಿದವರಿಗೆ ಸ್ಕ್ರಿಪ್ಟ್ ಕಳುಹಿಸಿ ಮಾತುಕತೆ ನಡೆಯುತ್ತಿದೆ. ಏಳು ಭಾಷೆಯ ದಿಗ್ಗಜ ನಟರು ಈ ಚಿತ್ರದಲ್ಲಿ ನಟಿಸಲಿದ್ದಾರೆ. ಮುಂದಿನ ವರ್ಷ ಆರಂಭ ಮಾಡ್ತೀನಿ ಎಂದು ಹೇಳಿಕೊಂಡಿದ್ದರು.

ದರ್ಶನ್ ಸಿನಿಮಾ ಏನಾಯ್ತು

ಇನ್ನು ರಕ್ಷಿತಾ ಪ್ರೇಮ್ ಅವರೇ ಟಿವಿ ಶೋನಲ್ಲಿ ಹೇಳಿದ್ದ ಪ್ರಕಾರ, ಕರಿಯ ಚಿತ್ರದ ನಂತರ ದರ್ಶನ್ ಜೊತೆ ಪ್ರೇಮ್ ಇನ್ನೊಂದು ಸಿನಿಮಾ ಮಾಡಲಿದ್ದಾರೆ ಎಂದಿದ್ದರು. ಬಟ್, ಈ ಸಿನಿಮಾದ ಕಥೆ ಈಗ ಎಲ್ಲಿಯವರೆಗೂ ಬಂದಿದೆ. ಬಹುಶಃ ಈ ಪ್ರಾಜೆಕ್ಟ್ ಏನಾದರೂ ಅನೌನ್ಸ್ ಮಾಡ್ತಾರಾ ಎಂಬ ಕುತೂಹಲ ಕಾಡುತ್ತಿದೆ.

ರಕ್ಷಿತಾ ಸಹೋದರ ಚಿತ್ರ

ಇನ್ನು ರಕ್ಷಿತಾ ಪ್ರೇಮ್ ಅವರ ಸಹೋದರ ಚಿತ್ರರಂಗಕ್ಕೆ ಪ್ರವೇಶ ಮಾಡುತ್ತಿದ್ದು, ಸಕಲ ಸಿದ್ದತೆ ನಡೆಯುತ್ತಿದೆ. ದಿ ವಿಲನ್ ಸಿನಿಮಾದ ಒಂದು ಹಾಡಿನಲ್ಲಿ ರಕ್ಷಿತಾ ಸಹೋದರ ಕೂಡ ಕಾಣಿಸಿಕೊಂಡಿದ್ದರು. ಸಹೋದರನನ್ನು ಲಾಂಚ್ ಮಾಡುವ ಸಿನಿಮಾ ಬಗ್ಗೆ ಸ್ಪಷ್ಟತೆ ಸಿಕ್ಕಿಲ್ಲ.

'ಗಾಂಧಿಗಿರಿ'ಯಲ್ಲಿ ಪ್ರೇಮ್

ಈ ಮಧ್ಯೆ ಅರ್ಧದಲ್ಲಿಯೇ ಚಿತ್ರೀಕರಣ ನಿಲ್ಲಿಸಿದ್ದ 'ಗಾಂಧಿಗಿರಿ' ಸಿನಿಮಾ ಮತ್ತೆ ಆರಂಭವಾಗಿದೆ. ಪ್ರೇಮ್ ಮತ್ತು ಅರುಂಧತಿ ನಾಗ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ಈ ಚಿತ್ರವನ್ನ ರಘು ಹಾಸನ್ ನಿರ್ದೇಶನ ಮಾಡ್ತಿದ್ದಾರೆ. ರಾಗಿಣಿ ನಾಯಕಿಯಾಗಿ ಅಭಿನಯಿಸಿದ್ದಾರೆ.

ಹೊಸ ವರ್ಷಕ್ಕೆ ನಿರೀಕ್ಷಿಸಿ

ಇಷ್ಟೆಲ್ಲಾ ಕುತೂಹಲ ಪ್ರೇಮ್ ಮುಂದಿನ ಸಿನಿಮಾ ಬಗ್ಗೆ ಕಾಡುತ್ತಿದೆ. ಆದ್ರೆ, ಈ ಚಿತ್ರಗಳ ಪೈಕಿ ಯಾವುದಾದರೂ ಓಕೆ ಆಗುತ್ತಾ ಅಥವಾ ಇದನ್ನೆಲ್ಲ ಬಿಟ್ಟು ಬೇರೆ ಯಾವುದಾದರೇ ಸಿನಿಮಾ ಟೇಕ್ ಆನ್ ಆಗುತ್ತಾ ಹೊಸ ವರ್ಷದಲ್ಲಿ ನೋಡೋಣ.