ಮೆಲ್ಬರ್ನ್ ಚಿತ್ರೋತ್ಸವ: 'ಸೂರರೈ ಪೊಟ್ರು' ಅತ್ಯುತ್ತಮ ಚಿತ್ರ, 'ಪಿಂಕಿ ಎಲ್ಲಿ?' ನಿರ್ದೇಶಕರಿಗೆ ಪ್ರಶಸ್ತಿ

'ಸೂರರೈ ಪೊಟ್ರು' ಅತ್ಯುತ್ತಮ ಸಿನಿಮಾ

ತಮಿಳು ನಟ ಸೂರ್ಯ ನಟಿಸಿದ್ದ ಸೂರರೈ ಪೊಟ್ರು ಸಿನಿಮಾ ಅತ್ಯುತ್ತಮ ಸಿನಿಮಾ ಮತ್ತು ಅತ್ಯುತ್ತಮ ನಟ ವಿಭಾಗದಲ್ಲಿ ಪ್ರಶಸ್ತಿಗೆ ಭಾಜನವಾಗಿದೆ. ಶೆರ್ನಿ ಚಿತ್ರದ ನಟನೆಗಾಗಿ ವಿದ್ಯಾ ಬಾಲನ್ ಅತ್ಯುತ್ತಮ ನಟಿಯಾಗಿ ಆಯ್ಕೆಯಾಗಿದ್ದಾರೆ. ಇನ್ನು ಸುಧಾ ಕೊಂಗರಾ ನಿರ್ದೇಶಿಸಿದ್ದ ಈ ಚಿತ್ರದಲ್ಲಿ ಸೂರ್ಯ ನಾಯಕನಾಗಿ ನಟಿಸಿದ್ದರು. ಅಮೇಜಾನ್ ಪ್ರೈಮ್‌ನಲ್ಲಿ ತೆರೆಕಂಡಿದ್ದ ಈ ಚಿತ್ರ ಅದ್ಭುತ ಪ್ರದರ್ಶನ ಕಂಡಿತ್ತು.

-ಅತ್ಯುತ್ತಮ ಸಿನಿಮಾ ವಿಭಾಗದಲ್ಲಿ ಕಾಯಟ್ಟಮ್ (ಮಲಯಾಳಂ), ಲೂಟ್ ಕೇಸ್ (ಹಿಂದಿ), ಲುಡೊ (ಹಿಂದಿ), ಶೆರ್ನಿ (ಹಿಂದಿ), ಸೂರರೈ ಪೊಟ್ರು (ತಮಿಳು), ತಶೆರ್ ಘರ್ವ್ (ಬಂಗಾಳಿ) ಚಿತ್ರಗಳು ನಾಮನಿರ್ದೇಶನವಾಗಿದ್ದವು.

ಅತ್ಯುತ್ತಮ ವೆಬ್ ಸಿರೀಸ್ ಮಿರ್ಜಾಪುರ್ 2

ಅತ್ಯುತ್ತುಮ ವೆಬ್ ಸಿರೀಸ್ ವಿಭಾಗದಲ್ಲಿ ಮಿರ್ಜಾಪುರ್ 2 ಪ್ರಶಸ್ತಿ ಪಡೆದುಕೊಂಡಿದೆ. ಅಕ್ಟೋಬರ್ 23, 2020ರಲ್ಲಿ ಅಮೇಜಾನ್ ಪ್ರೈಮ್‌ನಲ್ಲಿ ಪ್ರೀಮಿಯರ್ ಕಂಡಿತ್ತು.

- ಅತ್ಯುತ್ತುಮ ವೆಬ್ ಸಿರೀಸ್ ವಿಭಾಗದಲ್ಲಿ ಮಿರ್ಜಾಪುರ ಸೀಸನ್ 2, ಮಿಸ್‌ಮ್ಯಾಚ್ಡ್, ಫ್ಯಾಮಿಲಿ ಮ್ಯಾನ್ ಸೀಸನ್ 2, ಬಂದಿಷ್ ಬ್ಯಾಂಡಿಟ್ಸ್, ಚುಡೇಲ್ಸ್ ನಾಮನಿರ್ದೇಶನವಾಗಿತ್ತು.

ಸಮಂತಾಗೆ ಪ್ರಶಸ್ತಿ ಸಿಕ್ಕಿದೆ

ವೆಬ್ ಸಿರೀಸ್ ವಿಭಾಗದಲ್ಲಿ ಅತ್ಯುತ್ತಮ ನಟಿ ಪ್ರಶಸ್ತಿ ಸಮಂತಾ ಅಕ್ಕಿನೇನಿಗೆ ಹೋಗಿದೆ. ಅತ್ಯುತ್ತಮ ನಟ ಮನೋಜ್ ಬಾಜಪೇಯಿಗೆ ದೊರೆತಿದೆ. ಫ್ಯಾಮಿಲಿ ಮ್ಯಾನ್ 2 ಚಿತ್ರದ ನಟನೆಗಾಗಿ ಇವರಿಬ್ಬರಿಗೂ ಪ್ರಶಸ್ತಿ ಸಿಕ್ಕಿದೆ. 'ಫ್ಯಾಮಿಲಿ ಮ್ಯಾನ್' ಚಿತ್ರವೂ ವೈಯಕ್ತಿಕವಾಗಿ ಸಮಂತಾ ಮತ್ತು ಮನೋಜ್ ಭಾಜಪೇಯಿಗೆ ಒಳ್ಳೆಯ ಹೆಸರು ತಂದುಕೊಟ್ಟಿದೆ. ಈ ಸಿನಿಮಾದಲ್ಲಿ ನಟಿಸುವ ದೊಡ್ಡ ಸಂಭಾವನೆ ಪಡೆದಿದ್ದಾರೆ ಎಂದು ವರದಿಯಾಗಿತ್ತು. ನಟಿ ಸಮಂತಾಗೆ ಸುಮಾರು 6 ಕೋಟಿ ಸಂಭಾವನೆ ಹಾಗೂ ಮನೋಜ್ ಬಾಜಪೇಯಿಗೆ 8 ಕೋಟಿ ಸಂಭಾವನೆ ಪಡೆದಿರುವ ಬಗ್ಗೆ ಕೆಲವು ವೆಬ್‌ಸೈಟ್‌ಗಳು ವರದಿ ಮಾಡಿವೆ.

ಪಿಂಕಿ ಎಲ್ಲಿ? ಚಿತ್ರದ ಬಗ್ಗೆ

ಪೃಥ್ವಿ ಕೋಣನೂರು ನಿರ್ದೇಶಿಸಿರುವ 'ವೇರ್ ಈಸ್ ಪಿಂಕಿ' ಚಿತ್ರದಲ್ಲಿ ಅಕ್ಷತಾ ಪಾಂಡವಪುರ ಮತ್ತು ದೀಪಕ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರು. ಪೃಥ್ವಿ ಕೋಣನೂರು ಈ ಹಿಂದೆ 'ರೈಲ್ವೆ ಚಿಲ್ಡ್ರನ್' ಮತ್ತು 'ಅಲೆಗಳು' ಎಂಬ ಸಿನಿಮಾ ಮಾಡಿದ್ದರು. ಕೆನಡಾದ ಒಟ್ಟಾವಾ ಇಂಡಿಯನ್ ಫಿಲಂ ಫೆಸ್ಟಿವಲ್‌ ಅವಾರ್ಡ್‌ನಲ್ಲಿ 'ಪಿಂಕಿ ಎಲ್ಲಿ?' ಚಿತ್ರ ಎರಡು ಪ್ರಶಸ್ತಿ ಪಡೆದಿತ್ತು. ನಿರ್ದೇಶಕ ಪೃಥ್ವಿ ಕೋಣನೂರು ಅವರಿಗೆ ಅತ್ಯುತ್ತಮ ಚಿತ್ರಕಥೆ ಹಾಗೂ ಅಕ್ಷತಾ ಪಾಂಡವಪುರಗೆ ತೀರ್ಪುಗಾರರ ವಿಶೇಷ ಪ್ರಶಸ್ತಿ ಲಭಿಸಿತ್ತು. ಇದಕ್ಕೂ ಮುಂಚೆ ನ್ಯೂಯಾರ್ಕ್‌ನ ಇಂಡಿಯನ್ ಫಿಲಂ ಫೆಸ್ಟಿವಲ್‌ನಲ್ಲಿಯೂ 'ವೇರ್ ಈಸ್ ಪಿಂಕಿ' (ಪಿಂಕಿ ಎಲ್ಲಿ) ಚಿತ್ರಕ್ಕೆ ಎರಡು ಪ್ರಶಸ್ತಿ ಸಿಕ್ಕಿದೆ. ಅತ್ಯುತ್ತಮ ಚಿತ್ರಕಥೆ ಮತ್ತು ಅತ್ಯುತ್ತಮ ನಟಿ ವಿಭಾಗದಲ್ಲಿ ಅಕ್ಷತಾಗೆ ಅವಾರ್ಡ್ ದೊರೆತಿತ್ತು.