ಶ್ರುತಿ ಮೀಟೂ ವಿವಾದದ ಬಗ್ಗೆ ಪ್ರಿಯಾಂಕಾಗೂ ಕಾಡ್ತಿದೆ 2 ಅನುಮಾನ.!

ಐಸಿಸಿ ಕಮಿಟಿ ಜೊತೆ ಚರ್ಚೆಯಾಗಿಲ್ಲ

'ಶ್ರುತಿ ಹರಿಹರನ್ ಅವರು ಮೀಟೂ ಆರೋಪ ಮಾಡುವ ಮುಂಚೆ, ನಮ್ಮ ಫೈರ್ ಸಂಸ್ಥೆಯ ಐಸಿಸಿ ಕಮಿಟಿ ಜೊತೆ ಚರ್ಚೆ ಮಾಡಬೇಕಿತ್ತು. ಇದು ನನ್ನ ಗಮನಕ್ಕೆ ಬಂದಿಲ್ಲ. ಇನ್ನು ಫೈರ್ ಸಂಸ್ಥೆಯ ಸುದ್ದಿಗೋಷ್ಠಿಯಲ್ಲಿ ಬರಿ ಹರಿಹರನ್ ಅವರದ್ದೇ ಸುದ್ದಿಯಾಯಿತು' ಎಂದು ಪ್ರಿಯಾಂಕಾ ಉಪೇಂದ್ರ
ಪ್ರಶ್ನಿಸಿದ್ದಾರೆ.

ಬರಿ ಶ್ರುತಿ ವಿಷ್ಯವೇಕೆ ದೊಡ್ಡದಾಯಿತು.?

'ನಮ್ಮ ಫೈರ್ ಸಂಸ್ಥೆಗೆ ಹಲವು ಮೀಟೂ ಆರೋಪ ಮತ್ತು ದೂರುಗಳು ಬಂದಿದ್ದವು. ಆದ್ರೆ, ಶ್ರುತಿ ಹರಿಹರನ್ ಅವರದ್ದೇ ಯಾಕೆ ಹೈಲೈಟ್ ಮಾಡಲಾಯಿತು.?' ಎಂದು ಫೈರ್ ಸಂಸ್ಥೆಯ ಮಾಜಿ ಅಧ್ಯಕ್ಷೆ ಪ್ರಿಯಾಂಕಾ ಉಪೇಂದ್ರ ಪ್ರಶ್ನಿಸಿದ್ದಾರೆ.

ಹೊರಗಿನ ಜನಕ್ಕೆ ಈ ಅನುಮಾನ ಬರುತ್ತೆ

'ಕಳೆದ ನಾಲ್ಕೈದು ದಿನಗಳಿಂದ ನಡೆದ ಬೆಳವಣಿಗೆಗಳನ್ನ ಗಮನಿಸಿದ್ರೆ, ಶ್ರುತಿ ಹರಿಹರನ್ ಅವರನ್ನ ಮೀಟೂ ಆರೋಪವನ್ನ ಹೊರಗೆ ಹೇಳಬೇಕು, ಅದಕ್ಕೆ ಫೈರ್ ಸಂಸ್ಥೆ ವೇದಿಕೆಯಾಗಬೇಕೆಂದು ಮೊದಲೇ ನಿರ್ಧರಿಸಿದ್ದರು ಎಂಬ ಅನುಮಾನ ಸಾಮಾನ್ಯ ಜನರಿಗೆ ಬರುತ್ತೆ' ಎಂದು ಪ್ರಿಯಾಂಕಾ ಅಭಿಪ್ರಾಯಪಟ್ಟಿದ್ದಾರೆ.

8 ತಿಂಗಳಿಂದ ಶ್ರುತಿ ಫೈರ್ ಸದಸ್ಯರು

'ಆರಂಭದಲ್ಲಿ ಶ್ರುತಿ ಹರಿಹರನ್ ಫೈರ್ ಸಂಸ್ಥೆಯಲ್ಲಿ ಇರಲಿಲ್ಲ. ಈಗ ಏಳೆಂದು ತಿಂಗಳ ಹಿಂದೆ ಸೇರಿಕೊಂಡಿದ್ದರು. ಚೇತನ್ ಅವರೇ ಅವರನ್ನ ನಮ್ಮ ವಾಟ್ಸಾಪ್ ಗ್ರೂಪ್ ಗೆ ಸೇರಿಸಿದ್ದರು. ಚೇತನ್ ಮತ್ತು ಶ್ರುತಿ ಇಬ್ಬರು ತುಂಬಾ ಆಕ್ಟೀವ್ ಆಗಿದ್ದರು. ತುಂಬಾ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿದ್ದಾರೆ' ಎಂದು ಪ್ರಿಯಾಂಕಾ ತಿಳಿಸಿದ್ದರು.

'ಫೈರ್' ದುರ್ಬಳಕೆ ಆಯ್ತಾ.?

ಪ್ರಿಯಾಂಕಾ ಉಪೇಂದ್ರ ಅವರು ಹೇಳುವ ಪ್ರಕಾರ ಫೈರ್ ಸಂಸ್ಥೆಯ ಉದ್ದೇಶಗಳು, ಕೆಲಸಗಳು ಬೇರೆಯಾಗಿದ್ದವು. ಎಲ್ಲವನ್ನೂ ಸಂಸ್ಥೆ ಒಳಗಡೆಯೇ ಬಗೆಹರಿಸುವ ನಿರ್ಧಾರವಿತ್ತು. ಆದ್ರೆ, ಶ್ರುತಿ ವಿಷ್ಯ ಬಂದಾಗ ಯಾಕೆ ಇಷ್ಟು ದೊಡ್ಡದಾಯಿತು ಎಂಬುದರ ಬಗ್ಗೆ ಸ್ಪಷ್ಟನೆ ಇಲ್ಲ. ಇದು ಸಾಮಾನ್ಯ ಜನರಿಗೂ ಅನುಮಾನ ಉಂಟು ಮಾಡುತ್ತಿದೆ. ಒಳ್ಳೆಯ ಉದ್ದೇಶದಿಂದ ಆರಂಭವಾದ ಫೈರ್, ಅಧಿಕೃತ ಚಾಲನೆಗೂ ಮುಂಚೆ ಗೊಂದಲದ ಗೂಡಾಗಿದೆ.