ಪುನೀತ್ ರಾಜ್‌ಕುಮಾರ್ ಆಪ್ತ ಕಪಾಲಿ ಮೋಹನ್ ಆತ್ಮಹತ್ಯೆ

ಕಪಾಲಿ ಮೋಹನ್ ಮನೆಯ ಮೇಲೆ ಸಿಸಿಬಿ ರೇಡ್ ಆಗಿತ್ತು

ಕಪಾಲಿ ಮೋಹನ್ ಅವರ ಮೇಲೆ ಈ ಹಿಂದೆ ಸಿಸಿಬಿ ರೇಡ್ ಸಹ ನಡೆದಿತ್ತು. ಸ್ಯಾಂಡಲ್‌ವುಡ್‌ ನ ಕೆಲವು ಸ್ಟಾರ್ ನಟರ ಮನೆಗಳ ಮೇಲೆ ರೇಡ್ ನಡೆದಾಗ ಇವರ ಮನೆಯ ಮೇಲೂ ರೇಡ್ ಆಗಿ ವಶಕ್ಕೂ ಪಡೆದಿದ್ದರು.

ಹೋಟೆಲ್ ಉದ್ಯಮದ ಜೊತೆಗೆ ಸಿನಿಮಾ ನಿರ್ಮಾಣ

ಹೋಟೆಲ್ ಉದ್ಯಮದ ಜೊತೆಗೆ ಸಿನಿಮಾ ನಿರ್ಮಾಣ, ವಿತರಣೆಯಲ್ಲಿಯೂ ತೊಡಗಿಸಿಕೊಂಡಿದ್ದ ಕಪಾಲಿ ಮೋಹನ್, ಬಡ್ಡಿ ವ್ಯವಹಾರ ಸಹ ನಡೆಸುತ್ತಿದ್ದರು ಎನ್ನಲಾಗಿತ್ತು. ಈ ಹಿಂದೆ ಇವರ ಒಡೆತನದ ಆರ್‌.ಜಿ ಹೋಟೆಲ್ ಮೇಲೆ ರೈಡ್ ಆಗಿದ್ದಾಗ ಜೂಜು ಅಡ್ಡೆಯ ಆರೋಪ ಹೊರಿಸಲಾಗಿತ್ತು.

ಕುಂದಾಪುರ ಮೂಲದ ಕಪಾಲಿ ಮೋಹನ್

ಉಡುಪಿ ಜಿಲ್ಲೆ ಕುಂದಾಪುರ ತಾಲ್ಲೂಕಿನ ವಕ್ವಾಡಿಯವರಾಗಿರುವ ಕಪಾಲಿ ಮೋಹನ್ ಅವರು, ಇತ್ತೀಚೆಗೆ ಆರ್ಥಿಕವಾಗಿ ನಷ್ಟ ಅನುಭವಿಸಿದ್ದರು. ಈ ಹಿಂದೆಯೂ ಅವರು ಆತ್ಮಹತ್ಯೆಗೆ ಯತ್ನಿಸಿದ್ದರು ಎನ್ನಲಾಗಿದೆ.

ರಾಜ್ ಕುಟುಂಬದೊಂದಿಗೆ ಬಹು ಆತ್ಮೀಯತೆ

ಡಾ.ರಾಜ್ ಕುಮಾರ್ ಅವರ ಕುಟುಂಬ ಸದಸ್ಯರೊಂದಿಗೆ ಆತ್ಮೀಯ ಭಾವವನ್ನು ಅವರು ಹೊಂದಿದ್ದರು. ಪುನೀತ್ ರಾಜ್‌ಕುಮಾರ್ ಶಿವರಾಜ್ ಕುಮಾರ್ ಅವರೊಂದಿಗೆ ಆತ್ಮೀಯ ಸ್ನೇಹ ಅವರಿಗಿತ್ತು. ಇವರೊಂದಿಗೆ ವ್ಯವಹಾರ ಪಾಲುದಾರಿಕೆಯನ್ನೂ ಸಹ ಅವರು ಹೊಂದಿದ್ದರು ಎನ್ನಲಾಗಿದೆ.