ಸಾಮಾಜಿಕ ಜಾಲತಾಣದಲ್ಲಿ ಹಲ್ ಚಲ್ ಎಬ್ಬಿಸಿದ ಸ್ಟಾರ್ ನಿರ್ಮಾಪಕರ ಪುತ್ರಿ!

ನಿರ್ಮಾಪಕರ ಪುತ್ರಿಯ ಹವಾ

ಸಾಮಾಜಿಕ ಜಾಲತಾಣದಲ್ಲಿ ಸದ್ಯ ಸದ್ದು ಮಾಡುತ್ತಿರುವ ಕನ್ನಡ ಸ್ಟಾರ್ ನಿರ್ಮಾಪಕರ ಪುತ್ರಿ ಸೌಂದರ್ಯ ಜಗದೀಶ್. ಪ್ರೊಡ್ಯೂಸರ್ ಜಗದೀಶ್ ಅವರ ಪುತ್ರಿ ಮಾಡಿಸಿರುವ ಫೋಟೋ ಶೂಟ್ ಇನ್‌ಸ್ಟಾಗ್ರಾಂ ನಲ್ಲಿ ವೈರಲ್ ಆಗಿದೆ. ಜಗದೀಶ್ 'ಮಸ್ತ್ ಮಜಾ ಮಾಡಿ', 'ಸ್ನೇಹಿತರು' ಇನ್ನು ಅನೇಕ ಚಿತ್ರಗಳನ್ನು ನಿರ್ಮಾಣ ಮಾಡಿದ್ದಾರೆ.

ಚಿತ್ರರಂಗಕ್ಕೆ ಬರ್ತಾರಾ ಸೌಂದರ್ಯ?

ತಂದೆ ಚಿತ್ರದಲ್ಲಿ ದೊಡ್ಡ ಹೆಸರು ಮಾಡಿದ್ದು ಚಿತ್ರರಂಗದ ದೊಡ್ಡ ಸ್ಟಾರ್ ಗಳ ಜೊತೆ ಉತ್ತಮ ಬಾಂದವ್ಯವನ್ನು ಹೊಂದಿದ್ದಾರೆ. ಸಹೋದರ ಸ್ನೇಹಿತ್ ಈಗಾಗಲೇ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ. ಸದ್ಯ ಸೌಂದರ್ಯ ಅವರ ಫೋಟೋಗಳನ್ನ ನೋಡಿರುವ ಗಾಂಧಿನಗರದ ಮಂದಿ ಒಳ್ಳೆ ನಾಯಕಿ ಆಗುವ ಸಾಧ್ಯತೆ ಇದೆ ಎನ್ನುತ್ತಿದ್ದಾರೆ.

ಹೆಸರಿಗೆ ತಕ್ಕಂತ ಸೌಂದರ್ಯ

ಸೌಂದರ್ಯ ಹಿಂದಿನಿಂದಲೂ ಫೋಟೋ ಶೂಟ್ ಮಾಡಿಸುತ್ತಾ ಬಂದಿದ್ದಾರೆ. ಸ್ಟಾರ್ ಕ್ಯಾಮೆರಾ ಮ್ಯಾನ್ ಭುವನ್ ಗೌಡ ಈ ಹಿಂದೆ ಸೌಂದರ್ಯ ಅವರ ಫೋಟೋಗಳನ್ನು ಕ್ಲಿಕ್ಕಿಸಿದ್ದರು. ಸದ್ಯ ಎಂಬಿಬಿಎಸ್ ವ್ಯಾಸಂಗ ಮಾಡುತ್ತಿದ್ದು ಹೆಸರಿಗೆ ತಕ್ಕಂತೆ ಸೌಂದರ್ಯವಾಗಿದ್ದಾರೆ.

ಚಿತ್ರರಂಗಕ್ಕೆ ಬೇಕಿದ್ದಾರೆ ನಾಯಕಿಯರು

ಸದ್ಯ ಕನ್ನಡ ಸಿನಿಮಾರಂಗದಲ್ಲಿ ನಾಯಕಿಯರ ಅಭಾವ ಹೆಚ್ಚಿದೆ. ಕನ್ನಡ ಸಿನಿಮಾಗಳಿಗೆ ಪರಭಾಷೆಯಿಂದ ನಾಯಕಿಯರನ್ನು ಕರೆತರಬೇಕಾಗಿದೆ. ಆದ್ದರಿಂದ ಸೌಂದರ್ಯ ಜಗದೀಶ್ ನಾಯಕಿಯಾಗಿ ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟರೆ ಸ್ಯಾಮಡಲ್ ವುಡ್ ಗೆ ಒಬ್ಬ ಹೀರೋಯಿನ್ ಸಿಕ್ಕಂತಾಗುತ್ತೆ.