'ಕುರುಕ್ಷೇತ್ರ' ನೋಡಲಿದ್ದಾರೆ ಮುನಿರತ್ನ: ಅಂದೇ ರಿಲೀಸ್ ದಿನಾಂಕ ಫಿಕ್ಸ್.!

ಐದು ರಾಜ್ಯಗಳಲ್ಲಿ ಕೆಲಸ

ಕುರುಕ್ಷೇತ್ರ ಚಿತ್ರೀಕರಣ ಕಂಪ್ಲೀಟ್ ಮಾಡಿದೆ. ದರ್ಶನ್ ಸೇರಿದಂತೆ ಎಲ್ಲಾ ಕಲಾವಿದರು ಡಬ್ಬಿಂಗ್ ಕೂಡ ಮುಗಿಸಿದ್ದಾರೆ. ಈಗೇನಿದ್ರೂ ಗ್ರಾಫಿಕ್ಸ್ ಕೆಲಸ ನಡೆಯುತ್ತಿದೆ. ಪೌರಾಣಿಕ ಸಿನಿಮಾವಾಗಿರುವುದರಿಂದ ಹೆಚ್ಚು ಕೆಲಸ ಇದೆ ಎಂಬ ಕಾರಣಕ್ಕೆ ಸಿನಿಮಾ ಬಿಡುಗಡೆ ಕೂಡ ಮುಂದಕ್ಕೆ ಹೋಗಿತ್ತು. ಬಾಂಬೆ, ಹೈದ್ರಾಬಾದ್, ಕೇರಳ, ಚೆನ್ನೈ, ಬೆಂಗಳೂರಿನಲ್ಲಿ ಗ್ರಾಫಿಕ್ಸ್ ಕೆಲಸ ಸಾಗುತ್ತಿದೆ.

ಸಿನಿಮಾ ನೋಡಲಿದ್ದಾರೆ ಮುನಿರತ್ನ

ಬಹುತೇಕ ಪೋಸ್ಟ್ ಪ್ರೊಡಕ್ಷನ್ ಕೆಲಸ ಮುಗಿದಿರುವ ಕಾರಣ ಮುನಿರತ್ನ ಅವರು ಕುರುಕ್ಷೇತ್ರ ಚಿತ್ರವನ್ನ ನೋಡಲಿದ್ದಾರಂತೆ. ಅಂದ್ರೆ, ನವೆಂಬರ್ 5 ರಂದು ಸಂಪೂರ್ಣ ಕೆಲಸ ಮುಗಿಯುತ್ತಂತೆ. ನವೆಂಬರ್ 10 ರಂದು 2ಡಿ ವರ್ಷನ್ ನಲ್ಲಿ ಕುರುಕ್ಷೇತ್ರ ನೋಡಲಿದ್ದಾರಂತೆ.

ಅಂದೇ ರಿಲೀಸ್ ಡೇಟ್ ಫಿಕ್ಸ್.!

ನವೆಂಬರ್ 10 ರಂದು ನಿರ್ಮಾಪಕ ಮುನಿರತ್ನ ಸಿನಿಮಾ ನೋಡಲಿದ್ದಾರೆ. ನೋಡಿದ ಬಳಿಕೆ ನಿರ್ಮಾಪಕರಿಗೆ ತೃಪ್ತಿಯಾದ್ರೆ, ಆಗಲೇ ರಿಲೀಸ್ ಡೇಟ್ ಫಿಕ್ಸ್ ಮಾಡ್ತಾರಂತೆ. ಇಲ್ಲವಾದಲ್ಲಿ, ಮತ್ತಷ್ಟು ಹೆಚ್ಚುವರಿ ಕೆಲಸಕ್ಕೆ ಸೂಚಿಸುತ್ತಾರಂತೆ. ಮೊದಲು ನಾನು ತೃಪ್ತಿಯಾಗಬೇಕು, ನಂತರ ಅಭಿಮಾನಿಗಳ ಮುಂದೆ ಸಿನಿಮಾ ಬರಲಿದೆ, ನನಗೆ ಇಷ್ಟವಾಗಿಲ್ಲ ಅಂದ್ರೆ, ಫ್ಯಾನ್ಸ್ ಒಪ್ಪಿಕೊಳ್ತಾರಾ ಎನ್ನುತ್ತಾರೆ ಮುನಿರತ್ನ.

ಕಾಂಪಿಟೇಶನ್ ಗೆ ನಾವು ರೆಡಿ

ಹಾಗ್ನೋಡಿದ್ರೆ, 'ಕುರುಕ್ಷೇತ್ರ' ಸಿನಿಮಾಗೂ ಮುಂಚೆ ಯಜಮಾನ ಸಿನಿಮಾ ಬರುತ್ತೆ ಎನ್ನಲಾಗಿದೆ. ಬಟ್, ಇದ್ಯಾವುದಕ್ಕೂ ತಲೆಕೆಡಿಸಿಕೊಳ್ಳದ ನಿರ್ಮಾಪಕ ಮುನಿರತ್ನ ಅವರು, ನಾವು ಯಾರ ಬಗ್ಗೆಯೂ ಯೋಚನೆ ಮಾಡಲ್ಲ. ನಮ್ಮ ಸಿನಿಮಾ ರೆಡಿಯಾಗಿದ ತಕ್ಷಣ ನಾವು ಬರ್ತೀವಿ. ಯಾರೇ ಬಂದ್ರು ನಾವು ಯೋಚನೆ ಮಾಡಲ್ಲ. ನಾವು ಬಂದೇ ಬರ್ತೀವಿ ಎಂದು ಮುನಿರತ್ನ ಸ್ಪಷ್ಟಪಡಿಸಿದ್ದಾರೆ.