'ಮಜೆಸ್ಟಿಕ್’ ಸಿನಿಮಾದ 16 ವರ್ಷದ ನೆನಪು

16 ವರ್ಷ ಪೂರೈಸಿದ ಮೆಜೆಸ್ಟಿಕ್ ಸಿನಿಮಾ

ಕನ್ನಡದ ಮೆಜೆಸ್ಟಿಕ್ ಸಿನಿಮಾ ಬಿಡುಗಡೆ ಆಗಿ 16 ವರ್ಷ ಪೂರ್ತಿ ಆಗಿದೆ. ಈ ಖುಷಿಯ ಸಂಭ್ರಮವನ್ನ ನೆಲಮಂಗಲ ಬಳಿಯ ಖಾಸಗಿ ರೆಸಾರ್ಟ್ ಅಲ್ಲಿ ‘ಮಜೆಸ್ಟಿಕ್' ಸಿನಿಮಾದ 16ನೇ ವರ್ಷದ ನೆನಪು ಎಂಬ ಹೆಸರಿನಲ್ಲಿ ಆಚರಣೆ ಮಾಡಲಾಯಿತು.

ಕಲಾವಿದರಿಗೆ ಗೌರವ ಅರ್ಪಣೆ

ಮೆಜೆಸ್ಟಿಕ್ ಚಿತ್ರದಲ್ಲಿ ಕೆಲಸ ಮಾಡಿದ ಪ್ರತಿ ಕಲಾವಿದರನ್ನ ಈ ಕಾರ್ಯಕ್ರಮಕ್ಕೆ ಆಹ್ವಾನ ಮಾಡಲಾಗಿತ್ತು. ಕಲಾವಿದರು ಹಾಗೂ ಟೆಕ್ನಿಷಿಯನ್ಸ್ ಗಳಿಗೆ ಅಭಿನಂದನೆ ಸಲ್ಲಿಸಿ ಸನ್ಮಾನ ಮಾಡಿದರು ದರ್ಶನ್.

ಸಂತಸ ವ್ಯಕ್ತ ಪಡಿಸಿದ ದಾಸ

ಮಜೆಸ್ಟಿಕ್ ಸಿನಿಮಾದ ನಿರ್ದೇಶಕರಾದ ಪಿ ಎನ್ ಸತ್ಯ, ಸಹ ನಿರ್ದೇಶಕರಾಗಿದ್ದ ಮಾದೇಶ್ ಹಾಗೂ ಸುರೇಶ್ ಗೋಸ್ವಾಮಿ, ಪ್ರಚಾರಕರ್ತ ವಿಜಯಕುಮಾರ್, ಛಾಯಾಗ್ರಾಹಕರಾದ ಎಂ ಆರ್ ಸೀನು ಹಾಗೂ ಅಣಜಿ ನಾಗರಾಜ್ , ಮ್ಯಾನೇಜರ್ ರಾಮು ಸ್ಥಿರ ಛಾಯಾಗ್ರಹಕ ರಮೇಶ್ ಇನ್ನು ಅನೇಕರನ್ನ ಒಟ್ಟಿಗೆ ಕಂಡು ದರ್ಶನ ಸಂತಸ ವ್ಯಕ್ತ ಪಡಿಸಿದರು.

ಹ್ಯಾಟ್ರಿಕ್ ಜೋಡಿ ಆಗಲು ನಿರ್ಧಾರ

ದರ್ಶನ್ ಅಭಿನಯದ ‘ಮಜೆಸ್ಟಿಕ್' ಹಾಗೂ ‘ಧರ್ಮ' ಸಿನಿಮಾಗಳನ್ನು ಎಂ ಜಿ ರಾಮಮೂರ್ತಿ ನಿರ್ಮಾಣ ಮಾಡಿದ್ದಾರೆ. ಎರಡು ಸಿನಿಮಾಗಳು ಸೂಪರ್ ಹಿಟ್ ಆಗಿದ್ದು ಅದೇ ಜೋಡಿ ಮತ್ತೆ ಒಂದಾಗಿ ಹ್ಯಾಟ್ರಿಕ್ ಹಿಟ್ ಪಡೆಯಲು ಮುಂದಾಗಿದೆ.