ಕೆಜಿಎಫ್-2 ರಿಲೀಸ್ ದಿನಾಂಕ ಘೋಷಿಸಿದ ವಿಜಯ್ ಕಿರಗಂದೂರ್

ಕೆಜಿಎಫ್ ಭಾಗ 2 ಯಾವಾಗ?

'ಕೆಜಿಎಫ್' ಚಾಪ್ಟರ್ 2 ಚಿತ್ರದ ಅಂತಿಮ ಸುತ್ತಿನ ಸ್ಕ್ರಿಪ್ಟ್ ಕೆಲಸ ನಡೆಯುತ್ತಿದ್ದು, ಮಾರ್ಚ್ ಅಥವಾ ಏಪ್ರಿಲ್ ನಲ್ಲಿ ಶೂಟಿಂಗ್ ಆರಂಭವಾಗುತ್ತೆ'' ಎಂದು ನಿರ್ಮಾಪಕ ವಿಜಯ್ ಕಿರಗಂದೂರ್ ತಿಳಿಸಿದರು.

2020ಗೆ ರಿಲೀಸ್ ಆಗುತ್ತೆ?

ಮಾರ್ಚ್ ಅಥವಾ ಏಪ್ರಿಲ್ ನಲ್ಲಿ ಶೂಟಿಂಗ್ ಆರಂಭವಾದರೂ, 2020ರ ಜನವರಿಯಲ್ಲಿ ಚಿತ್ರದ ಶೂಟಿಂಗ್ ಮುಗಿಯಬಹುದು. ಬಹುಶಃ ಸಮ್ಮರ್ ಹಾಲಿಡೇಗೆ ಸಿನಿಮಾ ತೆರೆ ಮೇಲೆ ಬರಬಹುದು'' ಎಂದು ವಿಜಯ್ ಖಚಿತಪಡಿಸಿದರು. 2020ರ ಮಧ್ಯದಲ್ಲಿ ಬರುತ್ತಾ ಅಥವಾ ಅಂತ್ಯದಲ್ಲಿ ಬರುತ್ತಾ ಕಾದುನೋಡಬೇಕಿದೆ.

ಹೊಸ ವಿಲನ್ಸ್ ಎಂಟ್ರಿ

ಕೆಜಿಎಫ್ ಚಾಪ್ಟರ್ 2 ಸಿನಿಮಾದಲ್ಲಿ ಹೊಸ ಖಳನಾಯಕರು ಪ್ರವೇಶವಾಗಲಿದ್ದಾರೆ. ಸದ್ಯದ ಮಾಹಿತಿ ಪ್ರಕಾರ ಬಾಲಿವುಡ್ ನಟ ಸಂಜಯ್ ದತ್ ಪ್ರಮುಖ ಪಾತ್ರವೊಂದಕ್ಕಾಗಿ ಬರಬಹುದು ಎಂದು ಸ್ವತಃ ನಿರ್ಮಾಪಕರೇ ಸುಳಿವು ನೀಡಿದ್ದಾರೆ.

ಎಲ್ಲರೂ ಅವರೇ ಉಳಿಯಲಿದ್ದಾರೆ

ಇನ್ನುಳಿದಂತೆ ಕೆಜಿಎಫ್ ಚಿತ್ರದ ಚಾಪ್ಟರ್ 1ರಲ್ಲಿ ಇದ್ದವರೇ ಬಹುತೇಕರು ಚಾಪ್ಟರ್ 2ನಲ್ಲೂ ಮುಂದುವರಿಯಲಿದ್ದಾರೆ. ರವಿಬಸ್ರೂರ್ ಸಂಗೀತ, ಭುವನ್ ಗೌಡ ಕ್ಯಾಮೆರಾ, ಶ್ರೀನಿಧಿ ಶೆಟ್ಟಿ ನಾಯಕಿ, ವಸಿಷ್ಠ ಸಿಂಹ, ಅನಂತ್ ನಾಗ್, ಮಾಳವಿಕಾ ಎಲ್ಲರೂ ಮುಂದುವರೆಯಲಿದ್ದಾರಂತೆ.