'ಪವರ್ ಸ್ಟಾರ್-ರಾಕಿಂಗ್ ಸ್ಟಾರ್'ರನ್ನ ಮೆಚ್ಚಿದ ಟಾಲಿವುಡ್ 'ಸುಪ್ರೀಂ ಹೀರೋ'

'ಕನ್ನಡದ ಸ್ಟಾರ್' ಗಳ ಮೇಲೆ ಟಾಲಿವುಡ್ ಕಣ್ಣು

ಪರಭಾಷಾ ಸ್ಟಾರ್ ಗಳಿಗೆ ಕನ್ನಡದ ಸ್ಟಾರ್ ಕಲಾವಿದರ ಮೇಲೆ ಯಾವಾಗಲೂ ಕಣ್ಣು ಇದ್ದೇ ಇರುತ್ತೆ. ಸಾಮಾನ್ಯವಾಗಿ ಟಾಲಿವುಡ್ ಸ್ಟಾರ್ ಗಳು ಬೆಂಗಳೂರಿಗೆ ಬಂದಾಗ ನಿಮಗೆ ಕನ್ನಡ ಸ್ಟಾರ್ ಗಳ ಬಗ್ಗೆ ಹಾಗೂ ಕನ್ನಡ ಸಿನಿಮಾಗಳ ಬಗ್ಗೆ ಸಾಮಾನ್ಯವಾಗಿ ಮಾತನಾಡಿರ್ತಾರೆ. ಆದ್ರೀಗ, ಮೆಗಾ ಫ್ಯಾಮಿಲಿಯಿಂದ 'ಪವರ್ ಸ್ಟಾರ್' ಮತ್ತು 'ರಾಕಿಂಗ್ ಸ್ಟಾರ್' ಗೆ ಮೆಚ್ಚುಗೆ ವ್ಯಕ್ತವಾಗಿದೆ.

'ರಾಕಿಂಗ್ ಸ್ಟಾರ್' ಅಭಿನಯಕ್ಕೆ ಮೆಚ್ಚುಗೆ

ಸದ್ಯ ಸ್ಯಾಂಡಲ್ ವುಡ್ ನಲ್ಲಿ ಸಖತ್ ಕ್ರೇಜ್ ಕ್ರಿಯೆಟ್ ಮಾಡಿರುವ 'ಪವರ್ ಸ್ಟಾರ್' ಹಾಗೂ 'ರಾಕಿಂಗ್ ಸ್ಟಾರ್' ರನ್ನ ಮೆಚ್ಚಿಕೊಂಡಿರುವುದು ಮೆಗಾ ಫ್ಯಾಮಿಲಿಯವರು. ನಟ 'ಸಾಯಿ ಧರಮ್ ತೇಜ್' ನನಗೆ ಸ್ಯಾಂಡಲ್ ವುಡ್ ನಲ್ಲಿ ಪವರ್ ಸ್ಟಾರ್ ಹಾಗೂ ರಾಕಿಂಗ್ ಸ್ಟಾರ್ ಅಂದ್ರೆ ಇಷ್ಟ ಎಂದಿದ್ದಾರೆ.

ಅಭಿಮಾನಿಯ ಪ್ರಶ್ನೆಗೆ ಉತ್ತರಿಸಿದ ಸಾಯಿ

ಇತ್ತಿಚೆಗಷ್ಟೇ ನಟ ಸಾಯಿ ಧರಮ್ ತೇಜ ತಮ್ಮ ಫೇಸ್ ಬುಕ್ ನಲ್ಲಿ ಲೈವ್ ಮಾಡಿದ್ರು. ಲೈವ್ ನಲ್ಲಿ ಅಭಿಮಾನಿಯೊಬ್ಬರು ಕನ್ನಡದ ಯಾವ ಸ್ಟಾರ್ ಇಷ್ಟವಾಗ್ತಾರೆ ಅನ್ನೋ ಪ್ರಶ್ನೆಯನ್ನ ಕೇಳಿದ್ರು. ಅದಕ್ಕೆ ಉತ್ತರಿಸಿದ 'ಸಾಯಿ ಧರಮ್ ತೇಜ' ನನಗೆ ಪುನೀತ್ ಹಾಗೂ ಯಶ್ ಅಂದ್ರೆ ಇಷ್ಟವಾಗುತ್ತಾರೆ ಎಂದಿದ್ದಾರೆ.

ಪಕ್ಕದ ಇಂಡಸ್ಟ್ರಿಯಲ್ಲೂ ಕಾಣಿಸಿಕೊಳ್ತಾರಾ?

ಸ್ಯಾಂಡಲ್ ವುಡ್ ಕಲಾವಿದರಿಗೆ ಪಕ್ಕದ ಇಂಡಷ್ಟ್ರಿಯಲ್ಲೂ ಬಾರಿ ಬೇಡಿಕೆ ಇದೆ. ಅಲ್ಲಿಯ ಸಿನಿಮಾಮಂದಿ ಇಲ್ಲಿಯ ಚಿತ್ರಗಳನ್ನ, ಅವುಗಳ ಸಕ್ಸಸ್ ಅನ್ನ ನೋಡಿರುತ್ತಾರೆ. ಕೆ.ಜಿ.ಎಫ್ ತಮಿಳು, ತೆಲುಗಿನಲ್ಲೂ ತೆರೆಗೆ ಬರೋದ್ರಿಂದ ರಾಕಿಂಗ್ ಸ್ಟಾರ್ ರನ್ನ ಮುಂದಿನ ದಿನಗಳಲ್ಲಿ ಅಲ್ಲಿಯ ಸಿನಿಮಾಗಳಲ್ಲಿ ನೋಡೋ ಸಾಧ್ಯತೆಗಳಿವೆ.