ಹೊಸ ಚಿತ್ರಕ್ಕೆ ಪವರ್ ಸ್ಟಾರ್ ಪುನೀತ್ ಅಂಕಿತ

ಪುನೀತ್ ರಾಜ್ ಕುಮಾರ್

'ಯಾರೇ ಕೂಗಾಡಲಿ' ಚಿತ್ರದ ಬಳಿಕ ಪುನೀತ್ ಯಾವ ಚಿತ್ರಕ್ಕೂ ಸಹಿಹಾಕಿರಲಿಲ್ಲ. ಈ ಬಾರಿಯ ಚಿತ್ರ ಸ್ವಂತ ಬ್ಯಾನಲ್ ನಲ್ಲೇ ಮೂಡಿಬರುತ್ತಿರುವುದು ವಿಶೇಷ. ನಾಯಕ ನಟನಾಗಿ ಪುನೀತ್ ಅಭಿನಯಿಸುತ್ತಿರುವ 20ನೇ ಚಿತ್ರ ಇದು. ಒಟ್ಟಾರೆ ಅಭಿನಯಿಸಿದ ಚಿತ್ರಗಳ ಸಂಖ್ಯೆ 34.

ಸದ್ಯಕ್ಕೆ 'ಕನ್ನಡದ ಕೋಟ್ಯಾಧಿಪತಿ 2'ರಲ್ಲಿ ಪುನೀತ್ ಬಿಜಿಯಾಗಿದ್ದಾರೆ. ರೀಮೇಕ್ ಚಿತ್ರಗಳ ಭರಾಟೆಯಲ್ಲಿ ಹೊಸತೇನಾದರೂ ಕೊಡಬೇಕೆಂಬ ಹುಮ್ಮಸ್ಸಿನಲ್ಲಿ ಅವರಿದ್ದಾರೆ. ಹಾಗಾಗಿ ಈ ಬಾರಿ ಆಕ್ಷನ್ ಕಟ್ ಹೇಳಲು ಕರ್ನಾಟಕ ಮೂಲದ ತೆಲುಗು ನಿರ್ದೇಶಕ ಜಯಂ ಸಿ ಪರಂಜಿ ಬರುತ್ತಿದ್ದಾರೆ.

ಜಯಂತ್ ಅವರು ತೆಲುಗಿನಲ್ಲಿ ಹಲವಾರು ಹಿಟ್ ಚಿತ್ರಗಳನ್ನು ಕೊಟ್ಟಂತಹ ನಿರ್ದೇಶಕ. ಪ್ರೇಮಿಂಚುಕುಂದಾಂ ರಾ, ಟಕ್ಕರಿ ದೊಂಗ, ಲಕ್ಷ್ಮಿ ನರಸಿಂಹ, ತೀನ್ ಮಾರ್ ಸೇರಿದಂತೆ ಹಲವು ಹಿಟ್ ಚಿತ್ರಗಳನ್ನು ಕೊಟ್ಟಿದ್ದಾರೆ. ಈ ಬಾರಿ ಪುನೀತ್ ಅವರಿಗೆಂದೇ ಒಂದು ಪಕ್ಕಾ ಕಥೆಯನ್ನು ರೆಡಿ ಮಾಡಿದ್ದಾರಂತೆ.

ಕಥೆ ಹಳೆಯದಾದರೂ ಪುನೀತ್ ಅವರಿಗೆ ಹೇಳಿಮಾಡಿಸಿದಂತಿದೆ ಎನ್ನುತ್ತವೆ ಮೂಲಗಳು. ಬಹುತೇಕ ಚಿತ್ರೀಕರಣ ವಿದೇಶದಲ್ಲೇ ನಡೆಯಲಿದೆ. ನಾಯಕಿ ಯಾರು ಎಂಬುದು ಇನ್ನೂ ಅಂತಿಮವಾಗಿಲ್ಲ. ಚಿತ್ರೀಕರಣ ಮೇ ತಿಂಗಳಿಂದ ಆರಂಭವಾಗಲಿದೆ. ಚಿತ್ರಕ್ಕೆ ಸಂಬಂಧಿಸಿದಂತೆ ಉಳಿದ ವಿವರಗಳನ್ನು ನಿರೀಕ್ಷಿಸಲಾಗಿದೆ. (ಏಜೆನ್ಸೀಸ್)