ಪಕ್ಕಾ ಕಮರ್ಷಿಯಲ್ ಆದ ಪವರ್ ಸ್ಟಾರ್ ಪುನೀತ್

ಡ್ಯುಯೆಟ್ ಸಾಂಗ್ ಹಾಡಿದ ಅಪ್ಪು

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಧ್ವನಿಯಲ್ಲಿ ಹೆಚ್ಚಾಗಿ ಇಂಟ್ರಡಕ್ಷನ್ ಸಾಂಗ್, ಟೈಟಲ್ ಸಾಂಗ್ ಅನ್ನು ಹಾಡಿಸುತ್ತಾರೆ. ಆದರೆ ಪವರ್ ಸ್ಟಾರ್ ಕೂಡ ರೊಮ್ಯಾಂಟಿಕ್ ಆಗಿರುವ ಹಾಡನ್ನ ಹಾಡುತ್ತಾರೆ ಅನ್ನೋದನ್ನ ನಿರೂಪಿಸಿದ್ದು ಅನೀಶ್ ಮತ್ತು ತಂಡ. ಅದೇ ಕಾರಣಕ್ಕೆ ಅಪ್ಪು ಮತ್ತೆ ಡ್ಯುಯೆಟ್ ಸಾಂಗ್ ಹಾಡಿದ್ದಾರೆ.

ರಂಗಾಗಿದೆ ಮನಸ್ಸಿನ ಬೀದಿ

ವಾಸು ನಾನ್ ಪಕ್ಕಾ ಕಮರ್ಷಿಯಲ್ ಸಿನಿಮಾದಲ್ಲಿನ 'ರಂಗಾಗಿದೆ ಈ ಮನಸ್ಸಿನ ಬೀದಿ' ಅನ್ನುವ ಹಾಡನ್ನು ಪುನೀತ್ ಹಾಡಿದ್ದಾರೆ. ಕಿರಣ್ ಈ ಹಾಡನ್ನ ಬರೆದಿದ್ದು ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜಿಸಿದ್ದಾರೆ.

ನಾರ್ವೆಯಲ್ಲಿ ಚಿತ್ರೀಕರಣ

ಕಳೆದ ಬಾರಿ ಅಕಿರ ಸಿನಿಮಾಗೆ ಪುನೀತ್ ಹಾಡಿದ ಹಾಡನ್ನ ಮೊಟ್ಟ ಮೊದಲ ಬಾರಿಗೆ ನಾರ್ವೆಯಲ್ಲಿ ಚಿತ್ರೀಕರಣ ಮಾಡುವ ಮೂಲಕ ಇತಿಹಾಸನ್ನ ಬರೆದಿತ್ತು ಸಿನಿಮಾತಂಡ. ಸ್ವತಃ ಅಪ್ಪು ಅವರೇ ಹಾಡನ್ನ ಕೇಳಿ ತುಂಬಾ ಖುಷಿ ಪಟ್ಟಿದ್ದರು. ಸದ್ಯ ವಾಸು ಪಕ್ಕಾ ಕಮರ್ಷಿಯಲ್ ಚಿತ್ರದ ಹಾಡನ್ನ ನಾರ್ವೆ ಮತ್ತು ಸ್ವೀಡನ್ ನಲ್ಲಿ ಶೂಟ್ ಮಾಡಲಿದ್ದಾರೆ.

ವಾಸು ಪಕ್ಕಾ ಕಮರ್ಷಿಯಲ್

ವಾಸು ಪಕ್ಕಾ ಕಮರ್ಷಿಯಲ್ ಅನೀಶ್ ನಾಯಕನಾಗಿ ನಟಿಸುತ್ತಿರುವ ಸಿನಿಮಾ, ವಿಂಕ್ ವಿಶಲ್ ಪ್ರೊಡಕ್ಷನ್ಸ್ ನಲ್ಲಿ ಚಿತ್ರ ನಿರ್ಮಾಣ ಆಗುತ್ತಿದೆ. ಅಜಿತ್ವಾಸನ್ ಉಗ್ಗಿನ ಚಿತ್ರವನ್ನ ನಿರ್ದೇಶನ ಮಾಡುತ್ತಿದ್ದಾರೆ. ಟೀಸರ್ ಬಿಡುಗಡೆ ಮಾಡಿ ಚಿತ್ರೀಕರಣ ಮುಗಿಸಿರುವ ಟೀಂ ಇನ್ನು ಕೆಲವೇ ದಿನಗಳಲ್ಲಿ ಚಿತ್ರವನ್ನ ತೆರೆ ಮೇಲೆ ತರಲಿದೆ.