ಹೊಸಪೇಟೆ - ಚಿತ್ರದುರ್ಗ ಹೆದ್ದಾರಿಯಲ್ಲಿ ಕಂಡ ಪುನೀತ್ ರಾಜ್ ಕುಮಾರ್

ರಸ್ತೆಗೆ ಇಳಿದ ರಾಜಕುಮಾರ

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ತಮ್ಮ ಆಡಿಯೋ ಸಂಸ್ಥೆಯ ಮೂಲಕ ಟಗರು ಚಿತ್ರದ ಆಡಿಯೋ ರಿಲೀಸ್ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ಹೊಸಪೇಟೆಯಿಂದ ಬೆಂಗಳೂರಿಗೆ ಬರುವಾಗ ಚಿತ್ರದುರ್ಗದ ರಸ್ತೆಯಲ್ಲಿ ಬೀದಿ ಬದಿಯಲ್ಲಿ ಮಾರುವ ಅಂಗಡಿಯಲ್ಲಿ ತಿಂಡಿ ತಿಂದಿದ್ದಾರೆ.

ಅಪ್ಪು ನೋಡಿ ಬೆರಗಾದ ಅಭಿಮಾನಿಗಳು

ಚಿತ್ರದುರ್ಗ-ಬೆಂಗಳೂರು ಹೈವೇ ನಲ್ಲಿ ಮಾರುತಿ ವ್ಯಾನ್ ನಲ್ಲಿ ತಿಂಡಿ ವ್ಯಾಪಾರ ಮಾಡುತ್ತಿದ್ದ ಪುಟ್ಟ ಅಂಗಡಿಯಲ್ಲಿ ಪುನೀತ್ ಮತ್ತು ಟೀಂ ಕೆಲ ಸಮಯ ಕಳೆದಿದೆ. ಅಷ್ಟೇ ಅಲ್ಲದೆ ಅಲ್ಲಿದ ಮಕ್ಕಳ ಜೊತೆ ಫೋಟೋ ತೆಗೆಸಿಕೊಂಡಿದ್ದಾರೆ ಅಪ್ಪು.

ಅಭಿಮಾನಿ ಮನೆಗೆ ಪವರ್ ಸ್ಟಾರ್ ದಂಪತಿ

ಈ ಬಾರಿಯೂ ಪುನೀತ್ ಹಾಗೂ ಪತ್ನಿ ಅಶ್ವಿನಿ ಅಭಿಮಾನಿ ಮನೆಗೆ ಭೇಟಿ ನೀಡಿದ್ದಾರೆ. ಹೊಸಪೇಟೆಯಲ್ಲಿ ಡಾ.ರಾಜ್ ಕುಟುಂಬಕ್ಕೆ ಅಪಾರ ಸಂಖ್ಯೆಯ ಅಭಿಮಾನಿಗಳಿದ್ದಾರೆ. ಹಾಗಾಗಿ ಅಲ್ಲಿಯ ಕೆಲ ಅಭಿಮಾನಿಗಳನ್ನ ಭೇಟಿ ಮಾಡಿದ್ದಾರೆ ಅಪ್ಪು.

ಎಲ್ಲರಲ್ಲಿ ಒಂದಾಗುವ ನಾಯಕ

ಪುನೀತ್ ರಾಜ್ ಕುಮಾರ್ ಎಲ್ಲರಲ್ಲಿಯೂ ಒಂದಾಗುವಂತಹ ಗುಣವಿರುವ ನಾಯಕ ನಟ. ಯಾವುದೇ ಕಾರ್ಯಕ್ರಮಗಳಿಗೆ ಹೋಗುವಾಗ ತಮ್ಮ ಟೀಂ ಜೊತೆಯಲ್ಲೇ ಪುನೀತ್ ಟ್ರಾವೆಲ್ ಮಾಡುತ್ತಾರೆ. ಇದೊಂದೇ ಅಲ್ಲ ಈ ರೀತಿಯ ಸಾಕಷ್ಟು ಉದಾಹರಣೆಗಳು ಪುನೀತ್ ವಿಚಾರದಲ್ಲಿ ಸಿಗುತ್ತವೆ.