'ಪೊಗರು' ಮುಹೂರ್ತಕ್ಕೆ ಡೇಟ್ ಫಿಕ್ಸ್, ಚಿತ್ರಕ್ಕೆ ಪವರ್ ಸ್ಟಾರ್ ಪುನೀತ್ ಚಾಲನೆ

ಧ್ರುವ-ನಂದಕಿಶೋರ್ ಹೊಸ ಚಿತ್ರ 'ಪೊಗರು'

'ಹಯಗ್ರೀವಾ' ಎನ್ನುವ ಟೈಟಲ್ ಮಾತ್ರ ಬದಲಾಗಿ 'ಪೊಗರು' ಸಿನಿಮಾ ಆಗಿದೆ ಅಂತ ನೀವೇನಾದರು ಅಂದುಕೊಂಡಿದರೆ ಅದು ತಪ್ಪು. ಯಾಕಂದ್ರೆ 'ಹಯಗ್ರೀವಾ' ಹಾಗೂ 'ಪೊಗರು' ಚಿತ್ರಕ್ಕೆ ಯಾವುದೇ ಸಂಬಂಧವಿಲ್ಲ. ಹೊಸ ಕತೆಯೊಂದಿಗೆ ಕ್ಯಾಚಿ ಟೈಟಲ್ ಜೊತೆಯಲ್ಲಿ ನಂದಕಿಶೋರ್ ಫ್ರೆಶ್ ಕಥೆಯನ್ನು ಪ್ರೇಕ್ಷಕರ ಮುಂದಿಡಲು ಬರುತ್ತಿದ್ದಾರೆ. ನಂದಕಿಶೋರ್ ನಿರ್ದೇಶನ ಮಾಡುತ್ತಿರುವ 'ಪೊಗರು' ಪಕ್ಕಾ ಕಮರ್ಷಿಯಲ್ ಸ್ವಮೇಕ್ ಚಿತ್ರ.

ಪುನೀತ್ ಚಿತ್ರಕ್ಕೆ ಚಾಲನೆ ನೀಡುವ ಸಾಧ್ಯತೆ

ನಾಳೆ (ಡಿಸೆಂಬರ್ 14) ಬೆಳ್ಳಂಬೆಳಗ್ಗೆ ರಾಜಾಜಿನಗರದ ರಸ್ತೆಯಲ್ಲಿರುವ ಗಣಪತಿ ದೇವಸ್ಥಾನದಲ್ಲಿ 'ಪೊಗರು' ಚಿತ್ರದ ಮುಹೂರ್ತ ಸಮಾರಂಭ ನಡೆಯಲಿದೆ. ನಂದಕಿಶೋರ್ ನಿರ್ದೇಶನದ ಎಲ್ಲಾ ಚಿತ್ರಗಳ ಪೂಜೆ ಇದೇ ದೇವಸ್ಥಾನದಲ್ಲಿ ನಡೆದಿದ್ದು, 'ಪೊಗರು' ಚಿತ್ರಕ್ಕೂ ಇದೇ ದೇವಸ್ಥಾನದಲ್ಲಿ ಚಾಲನೆ ಸಿಗಲಿದೆ. ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಚಿತ್ರಕ್ಕೆ ಕ್ಲಾಪ್ ಮಾಡುವ ಸಾಧ್ಯತೆಗಳಿವೆ.

ಧ್ರುವ ಲುಕ್ ನಲ್ಲಿ ಬದಲಾವಣೆ

'ಪೊಗರು' ಸಿನಿಮಾದಲ್ಲಿ ಧ್ರುವ ಸರ್ಜಾ ಶಾಲೆಯ ಹುಡುಗನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಇದೇ ಕಾರಣಕ್ಕಾಗಿ 30 ಕೆ ಜಿ ತೂಕ ಇಳಿಸಿಕೊಳ್ಳಲು ನಿರ್ದೇಶಕರು ಸೂಚನೆ ನೀಡಿದ್ದರು. ಈಗಾಗಲೇ ಸಾಕಷ್ಟು ತೂಕ ಇಳಿಸಿರುವ ಧ್ರುವ ಲುಕ್ ನಲ್ಲಿ ಬದಲಾವಣೆ ಕಾಣುತ್ತಿದೆ.

ಚಾಲೆಂಜಿಂಗ್ ಪಾತ್ರಕ್ಕೆ ಸಜ್ಜು

ನಿರ್ದೇಶಕ ನಂದಕಿಶೋರ್ ಕಲರ್ ಫುಲ್ ಆಗಿ ಸಿನಿಮಾನ್ನು ತೆರೆಮೇಲೆ ತರುವ ಡೈರೆಕ್ಟರ್. ಈ ಹಿಂದೆ ಮೂರು ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಕ್ಕಿಂತ ವಿಭಿನ್ನವಾಗಿ ಧ್ರುವರನ್ನ ಪ್ರೆಸೆಂಟ್ ಮಾಡುವ ಉದ್ದೇಶ ನಿರ್ದೇಶಕರದ್ದು.