Don't Miss!
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- News Kotak Mahindra Bank: ಕೋಟಕ್ ಮಹಿಂದ್ರಾ ಬ್ಯಾಂಕ್ ಮೇಲೆ ಆರ್ಬಿಐ ನಿರ್ಬಂಧ: ಗ್ರಾಹಕರ ಮೇಲೆ ಪರಿಣಾಮಗಳೇನು?
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Sports DC vs GT IPL 2024: ಡೆಲ್ಲಿ ಕೋಟೆಯಲ್ಲಿ ವಿಜಯದ ಪತಾಕೆ ಹಾರಿಸುತ್ತಾ ಗುಜರಾತ್?; ಟಾಸ್ ವರದಿ, ಆಡುವ ಬಳಗ
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಪೊಗರು' ಮುಹೂರ್ತಕ್ಕೆ ಡೇಟ್ ಫಿಕ್ಸ್, ಚಿತ್ರಕ್ಕೆ ಪವರ್ ಸ್ಟಾರ್ ಪುನೀತ್ ಚಾಲನೆ
ಸ್ಯಾಂಡಲ್ ವುಡ್ ನ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅಭಿನಯದ 'ಪೊಗರು' ಚಿತ್ರ ಸೆಟ್ಟೇರಲು ಸಜ್ಜಾಗಿದೆ. ನಂದಕಿಶೋರ್ ನಿರ್ದೇಶನದಲ್ಲಿ ಪ್ರಾರಂಭವಾಗುತ್ತಿರುವ 'ಪೊಗರು' ಸಿನಿಮಾ ಪಕ್ಕಾ ಕಮರ್ಷಿಯಲ್ ಸ್ವಮೇಕ್ ಚಿತ್ರ. ಫಿಟ್ ಅಂಡ್ ಫೈನ್ ಆಗಿದ್ದ ಧ್ರುವ ಸರ್ಜಾ 'ಪೊಗರು' ಸಿನಿಮಾಗಾಗಿ 30 ಕೆಜಿ ತೂಕ ಇಳಿಸಿಕೊಳ್ಳಲು ನಿರ್ಧರಿಸಿದ್ದರು. ಅದರಂತೆ ಈಗಾಗಲೇ ಸಾಕಷ್ಟು ತೂಕ ಇಳಿಸಿರುವ ಆಕ್ಷನ್ ಪ್ರಿನ್ಸ್ 'ಪೊಗರು' ಚಿತ್ರಕ್ಕಾಗಿ ಸಖತ್ತಾಗಿಯೇ ತಯಾರಿ ಮಾಡಿಕೊಂಡಿದ್ದಾರೆ. 'ಭರ್ಜರಿ' ಸಿನಿಮಾ ಯಶಸ್ಸಿನ ಅಲೆಯಲ್ಲಿ ತೇಲುತ್ತಿರುವ ಧ್ರುವ ಬಿಗ್ ಸ್ಕ್ರೀನ್ ಮೇಲೆ ತಮ್ಮ ಅಭಿನಯದ ಮೂಲಕ 'ಪೊಗರು' ತೋರಲಿದ್ದಾರೆ.
ಹೊಸ ಚಾಲೆಂಜ್ ಸ್ವೀಕರಿಸಿದ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ
ನಂದಕಿಶೋರ್ ನಿರ್ದೇಶನದಲ್ಲಿ ಧ್ರುವ ಅಭಿನಯದ 'ಹಯಗ್ರೀವಾ' ಸಿನಿಮಾದ ಟೈಟಲ್ ಬದಲಾಗಿಯೇ 'ಪೊಗರು' ಆಗಿದೆ. ಸೋ, ಈ ಹಿಂದೆ ಸೆಟ್ಟೇರಿದ್ದ ಈ ಚಿತ್ರಕ್ಕೆ ಮತ್ತೊಮ್ಮೆ ಮಹೂರ್ತ ಏಕೆ? ಅಂತೆಲ್ಲಾ ಯೋಚಿಸಬೇಡಿ. ಯಾಕಂದ್ರೆ 'ಹಯಗ್ರೀವಾ' ಚಿತ್ರಕ್ಕೂ 'ಪೊಗರು' ಸಿನಿಮಾಗೂ ಯಾವುದೇ ಸಂಬಂಧವಿಲ್ಲ. ಯಾಕೆ ಅಂತ್ತೀರಾ? ಮುಂದೆ ಓದಿ..
ಧ್ರುವ-ನಂದಕಿಶೋರ್ ಹೊಸ ಚಿತ್ರ 'ಪೊಗರು'
'ಹಯಗ್ರೀವಾ' ಎನ್ನುವ ಟೈಟಲ್ ಮಾತ್ರ ಬದಲಾಗಿ 'ಪೊಗರು' ಸಿನಿಮಾ ಆಗಿದೆ ಅಂತ ನೀವೇನಾದರು ಅಂದುಕೊಂಡಿದರೆ ಅದು ತಪ್ಪು. ಯಾಕಂದ್ರೆ 'ಹಯಗ್ರೀವಾ' ಹಾಗೂ 'ಪೊಗರು' ಚಿತ್ರಕ್ಕೆ ಯಾವುದೇ ಸಂಬಂಧವಿಲ್ಲ. ಹೊಸ ಕತೆಯೊಂದಿಗೆ ಕ್ಯಾಚಿ ಟೈಟಲ್ ಜೊತೆಯಲ್ಲಿ ನಂದಕಿಶೋರ್ ಫ್ರೆಶ್ ಕಥೆಯನ್ನು ಪ್ರೇಕ್ಷಕರ ಮುಂದಿಡಲು ಬರುತ್ತಿದ್ದಾರೆ. ನಂದಕಿಶೋರ್ ನಿರ್ದೇಶನ ಮಾಡುತ್ತಿರುವ 'ಪೊಗರು' ಪಕ್ಕಾ ಕಮರ್ಷಿಯಲ್ ಸ್ವಮೇಕ್ ಚಿತ್ರ.
ಪುನೀತ್ ಚಿತ್ರಕ್ಕೆ ಚಾಲನೆ ನೀಡುವ ಸಾಧ್ಯತೆ
ನಾಳೆ (ಡಿಸೆಂಬರ್ 14) ಬೆಳ್ಳಂಬೆಳಗ್ಗೆ ರಾಜಾಜಿನಗರದ ರಸ್ತೆಯಲ್ಲಿರುವ ಗಣಪತಿ ದೇವಸ್ಥಾನದಲ್ಲಿ 'ಪೊಗರು' ಚಿತ್ರದ ಮುಹೂರ್ತ ಸಮಾರಂಭ ನಡೆಯಲಿದೆ. ನಂದಕಿಶೋರ್ ನಿರ್ದೇಶನದ ಎಲ್ಲಾ ಚಿತ್ರಗಳ ಪೂಜೆ ಇದೇ ದೇವಸ್ಥಾನದಲ್ಲಿ ನಡೆದಿದ್ದು, 'ಪೊಗರು' ಚಿತ್ರಕ್ಕೂ ಇದೇ ದೇವಸ್ಥಾನದಲ್ಲಿ ಚಾಲನೆ ಸಿಗಲಿದೆ. ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಚಿತ್ರಕ್ಕೆ ಕ್ಲಾಪ್ ಮಾಡುವ ಸಾಧ್ಯತೆಗಳಿವೆ.
ಧ್ರುವ ಲುಕ್ ನಲ್ಲಿ ಬದಲಾವಣೆ
'ಪೊಗರು' ಸಿನಿಮಾದಲ್ಲಿ ಧ್ರುವ ಸರ್ಜಾ ಶಾಲೆಯ ಹುಡುಗನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಇದೇ ಕಾರಣಕ್ಕಾಗಿ 30 ಕೆ ಜಿ ತೂಕ ಇಳಿಸಿಕೊಳ್ಳಲು ನಿರ್ದೇಶಕರು ಸೂಚನೆ ನೀಡಿದ್ದರು. ಈಗಾಗಲೇ ಸಾಕಷ್ಟು ತೂಕ ಇಳಿಸಿರುವ ಧ್ರುವ ಲುಕ್ ನಲ್ಲಿ ಬದಲಾವಣೆ ಕಾಣುತ್ತಿದೆ.
ಚಾಲೆಂಜಿಂಗ್ ಪಾತ್ರಕ್ಕೆ ಸಜ್ಜು
ನಿರ್ದೇಶಕ ನಂದಕಿಶೋರ್ ಕಲರ್ ಫುಲ್ ಆಗಿ ಸಿನಿಮಾನ್ನು ತೆರೆಮೇಲೆ ತರುವ ಡೈರೆಕ್ಟರ್. ಈ ಹಿಂದೆ ಮೂರು ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಕ್ಕಿಂತ ವಿಭಿನ್ನವಾಗಿ ಧ್ರುವರನ್ನ ಪ್ರೆಸೆಂಟ್ ಮಾಡುವ ಉದ್ದೇಶ ನಿರ್ದೇಶಕರದ್ದು.