ಪ್ರೇಮ ಕಾಶ್ಮೀರದಲ್ಲಿ ಪವರ್ ಸ್ಟಾರ್ ಪುನೀತ್: 'ಜೇಮ್ಸ್' ಚಿತ್ರೀಕರಣದ ಫೋಟೋ ವೈರಲ್

ಕಾಶ್ಮೀರದಲ್ಲಿ ಕನ್ನಡದ 'ಜೇಮ್ಸ್'

ಜೇಮ್ಸ್ ಚಿತ್ರೀಕರಣ ನಡುವೆಯೂ ಪವರ್ ಸ್ಟಾರ್ ಕಾಶ್ಮೀರದ ಜನರನ್ನು ಮಾತನಾಡಿಸುತ್ತಿರುವ ಫೋಟೋ ಅಭಿಮಾನಿಗಳ ಗಮನಸೆಳೆಯುತ್ತಿದೆ. ಇನ್ನು ಪುಟ್ಟ ಮಗುವಿನ ಜೊತೆ ಅಪ್ಪು ಸೆಲ್ಫಿ ಕ್ಲಿಕ್ಕಿಸಿಕೊಳ್ಳುತ್ತಿರುವ ಫೋಟೋ ಸಹ ಅಭಿಮಾನಿಗಳ ಮನಗೆದ್ದಿದೆ. ಪವರ್ ಸ್ಟಾರ್ ಜೊತೆ ರಂಗಾಯಣ ರಘು ಕೂಡ ಕ್ಯಾಮರಾಗೆ ಪೋಸ್ ನೀಡಿದ್ದಾರೆ.

ಹಾಡು ಮತ್ತು ಆಕ್ಷನ್ ದೃಶ್ಯ ಚಿತ್ರೀಕರಣ

ಅಂದಹಾಗೆ ಕಾಶ್ಮೀರದ ರಮಣೀಯ ಸ್ಥಳದಲ್ಲಿ ಚಿತ್ರದ ಪ್ರಮುಖ ಹಾಡಿನ ಚಿತ್ರೀಕರಣ ಮಾಡಲಾಗುತ್ತಿದೆ. ಹಾಡಿನ ಜೊತೆಗೆ ಆಕ್ಷನ್ ದೃಶ್ಯ ಕೂಡ ಸೆರೆಹಿಡಿಯಲಾಗುತ್ತಿದೆ. ಹಾಡಿಗೆ ನಿರ್ದೇಶಕ ಎ ಹರ್ಷ ನೃತ್ಯ ನಿರ್ದೇಶನ ಮಾಡುತ್ತಿದ್ದಾರೆ. ಸಾಹಸ ದೃಶ್ಯಗಳು ವಿಜಯ್ ಅವರ ಸಾರಥ್ಯದಲ್ಲಿ ಮೂಡಿಬರುತ್ತಿದೆ.

ಉತ್ತರ ಕಾರ್ನಟಕದಲ್ಲಿ ಚಿತ್ರೀಕರಣ ಮಾಡಿದ್ದ ಸಿನಿಮಾತಂಡ

ಅಂದಹಾಗೆ ಜೇಮ್ಸ್ ಸಿನಿಮಾದ ಬಹುತೇಕ ಚಿತ್ರೀಕರಣ ಉತ್ತರ ಕರ್ನಾಟಕ ಭಾಗದಲ್ಲಿ ನಡೆದಿದೆ. ಉತ್ತರ ಕರ್ನಾಟಕದ ಚಿತ್ರೀಕರಣ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಉತ್ತರ ಕರ್ನಾಟಕ ಚಿತ್ರೀಕರಣ ಬಳಿಕ ಕಾಶ್ಮೀರ ಕಡೆ ಪಯಣ ಬೆಳೆಸಿದ್ದಾರೆ.

Recommended Video

ದೇವರಾಣೆ ನಾನು ಇದನ್ನೆಲ್ಲ ಮಾಡಿಲ್ಲ ಎಂದ ವಿವಾದಿತ ನಿರ್ಮಾಪಕ | Filmibeat Kannada

ಪ್ರಿಯಾ ಆನಂದ್ ನಾಯಕಿ

ಚೇತನ್ ಕುಮಾರ್ ನಿರ್ದೇಶಿಸುತ್ತಿರುವ ಜೇಮ್ಸ್ ಚಿತ್ರದಲ್ಲಿ ಪ್ರಿಯಾ ಆನಂದ್ ನಾಯಕಿಯಾಗಿದ್ದಾರೆ. ಪ್ರಿಯಾ ಎರಡನೇ ಬಾರಿ ಪವರ್ ಸ್ಟಾರ್ ಜೊತೆ ತೆರೆಹಂಚಿಕೊಳ್ಳುತ್ತಿದ್ದಾರೆ. ಇನ್ನು ನಟಿ ಅನು ಪ್ರಭಾಕರ್ ಹಾಗೂ ತೆಲುಗು ನಟ ಶ್ರೀಕಾಂತ್ ಕೂಡ ಪ್ರಮುಖ ಪಾತ್ರದಲ್ಲಿ ಬಣ್ಣ ಹಚ್ಚುತ್ತಿದ್ದಾರೆ.