ಕೊನೆಗೂ ಟ್ವಿಟ್ಟರ್ ಲೋಕಕ್ಕೆ ಕಾಲಿಟ್ಟ ಪವರ್ ಸ್ಟಾರ್, ಮೊದಲ ಟ್ವೀಟ್ ಏನು.?

ಅಭಿಮಾನಿಗಳ ಆಸೆ ಈಡೇರಿತು

ಪುನೀತ್ ರಾಜ್ ಕುಮಾರ್ ಟ್ವಿಟ್ಟರ್ ಲೋಕಕ್ಕೆ ಬರಬೇಕು ಎನ್ನುವುದು ಕೋಟ್ಯಾಂತರ ಅಭಿಮಾನಿಗಳ ಬೇಡಿಕೆ ಮತ್ತು ಆಸೆ ಆಗಿತ್ತು. ಅಂತಿಮವಾಗಿ ಅಭಿಮಾನಿಗಳ ಕೋರಿಕೆಯನ್ನ ಪುನೀತ್ ಪೂರೈಸಿದ್ದಾರೆ. ಅಧಿಕೃತವಾಗಿ ಪುನೀತ್ ರಾಜ್ ಕುಮಾರ್ ಹೆಸರಲ್ಲಿ ಖಾತೆಯೊಂದು ಚಾಲ್ತಿಗೆ ಬಂದಿದೆ. ಆದ್ರೆ, ಅದನ್ನ ಪುನೀತ್ ಬಳಸುತ್ತಾರಾ ಅಥವಾ ಅವರ ಹೆಸರಲ್ಲಿ ಯಾರಾದರೂ ಆಪ್ತರು ಬಳಸುತ್ತಾರಾ ಎಂಬುದು ಗೌಪ್ಯವಾಗಿದೆ.

ಫಾಲೋವರ್ಸ್ ಸಂಖ್ಯೆ ಎಷ್ಟಿದೆ.?

ಜುಲೈ 28 ರಂದು ಪುನೀತ್ ರಾಜ್ ಕುಮಾರ್ ಅವರು ಟ್ವಿಟ್ಟರ್ ಗೆ ಪ್ರವೇಶ ಮಾಡಿದ್ದಾರೆ. ಇದುವರೆಗೂ ಪುನೀತ್ ಖಾತೆಯಲ್ಲಿ 5 ಸಾವಿರಕ್ಕೂ ಹೆಚ್ಚು ಫಾಲೋವರ್ಸ್ ಇದ್ದಾರೆ. ಆದ್ರೆ, ಪುನೀತ್ ರಾಜ್ ಕುಮಾರ್ ಮಾತ್ರ ಯಾರನ್ನ ಫಾಲೋ ಮಾಡ್ತಿಲ್ಲ.

ಪುನೀತ್ ಮೊದಲ ಟ್ವೀಟ್ ಏನು.?

ಪುನೀತ್ ರಾಜ್ ಕುಮಾರ್ ಅವರು ಟ್ವಿಟ್ಟರ್ ಗೆ ಕಾಲಿಟ್ಟು ಸುಮಾರು ಒಂದು ತಿಂಗಳು ಆಗಿದೆ. ಆದ್ರೆ, ಇದುವರೆಗೂ ಯಾವುದೇ ಟ್ವೀಟ್ ಕೂಡ ಮಾಡಿಲ್ಲ. ಹೀಗಾಗಿ, ಈ ಬಗ್ಗೆ ಅನುಮಾನ, ಕುತೂಹಲ ಕಾಡುತ್ತಿದೆ. ಮೊದಲೇ ಪುನೀತ್ ಅವರಿಗೆ ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚು ಆಸಕ್ತಿ ಇಲ್ಲ. ಹಾಗಾಗಿ, ಏನೂ ಟ್ವೀಟ್ ಮಾಡಿಲ್ಲ ಎನ್ನಲಾಗಿದೆ.

ಪುನೀತ್ ಬಗ್ಗೆ ಮಾಹಿತಿಗಾಗಿ

ಇನ್ಮುಂದೆ ಪುನೀತ್ ರಾಜ್ ಕುಮಾರ್ ಅವರ ಬಗ್ಗೆ ಯಾವುದೇ ಮಾಹಿತಿ ಬೇಕು ಅಂದ್ರೆ ಪುನೀತ್ ರಾಜ್ ಕುಮಾರ್ ಅವರ ಅಧಿಕೃತ ಟ್ವಿಟ್ಟರ್ ಖಾತೆಯಿಂದ ಸಿಗಲಿದೆ. ಇದನ್ನೇ ಅವರ ಎಲ್ಲಾ ಅಭಿಮಾನಿಗಳು ಫಾಲೋ ಮಾಡ್ತಿದ್ದಾರೆ.