ನಾಡಪ್ರಭು 'ಕೆಂಪೇಗೌಡ' ಆದ ಪುನೀತ್ ರಾಜ್ ಕುಮಾರ್

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರು ಬಾಲನಟನಾಗಿ ಪೌರಾಣಿಕ ಚಿತ್ರಗಳಲ್ಲಿ ನಟಿಸಿದ್ದಾರೆ. ಆದ್ರೆ, ನಾಯಕನಟನಾದ ಮೇಲೆ ಅಂತಹ ಪಾತ್ರದಲ್ಲಿ ನಟಿಸಿಲ್ಲ. ಪುನೀತ್ ಅವರನ್ನ ಪೌರಾಣಿಕ ಹಾಗೂ ಐತಿಹಾಸಿಕ ಗೆಟಪ್ ನಲ್ಲಿ ನೋಡಬೇಕು ಎಂಬ ಆಸೆ ಅಭಿಮಾನಿಗಳಲ್ಲಿ ಕಾಡುವುದು ಸಹಜ.

ಇಂತಹ ಆಸೆಯೊಂದು ಈಗ ನೆರವೇರಿದೆ. ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಾಡಪ್ರಭು ಕೆಂಪೇಗೌಡ ಅವರ ಪಾತ್ರದಲ್ಲಿ ಕಂಗೊಳಿಸಿದ್ದಾರೆ. ಹೌದು, ಜಾಹೀರಾತು ಒಂದರಲ್ಲಿ ಕೆಂಪೇಗೌಡ ಪಾತ್ರವಿದ್ದು, ಅದನ್ನ ಅಪ್ಪು ನಿಭಾಯಿಸಿದ್ದಾರೆ.

ಕೇವಲ ಪುನೀತ್ ಮಾತ್ರವಲ್ಲದೇ, ದಕ್ಷಿಣ ಭಾರತದ ಖ್ಯಾತ ನಟಿ ತಮನ್ನಾ ಭಾಟಿಯಾ ಕೂಡ ಈ ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದಾರೆ. ಪೋತಿಸ್ ಎಂಬ ಬಟ್ಟೆ ಮಳಿಗೆಯ ಬಗ್ಗೆ ಈ ಜಾಹೀರಾತು ಮೂಡಿ ಬಂದಿದೆ.

'ರಣವಿಕ್ರಮ' ಸಿನಿಮಾದ ಹಾಡೊಂದರಲ್ಲಿ ಅಪ್ಪು ಪೌರಾಣಿಕ ಪಾತ್ರದ ಗೆಟಪ್ ನಲ್ಲಿ ಕಾಣಿಸಿಕೊಂಡಿದ್ದರು. ಅಭಿಮಾನಿಗಳು ಪುನೀತ್ ಹೊಸ ಗೆಟಪ್ ನೋಡಿ ಮೆಚ್ಚಿಕೊಂಡಿದ್ದರು. ಬಹುಶಃ ಮುಂದಿನ ದಿನಗಳಲ್ಲಿ ಅಭಿಮಾನಿಗಳ ಬಯಕೆ ಈಡೇರಿದರು ಅಚ್ಚರಿಯಿಲ್ಲ.