ಚಿರಂಜೀವಿ ಫ್ಯಾಮಿಲಿಗೆ ರಾಜ್ ಕುಟುಂಬದ ವಿವಾಹ ಆಮಂತ್ರಣ

ನಟ ಚಿರಂಜೀವಿ ಹಾಗೂ ರಾಮ್ ಚರಣ್ ರಿಗೆ ರಾಜ್ ಕುಟುಂಬದ ವಿವಾಹ ಆಮಂತ್ರಣ ತಲುಪಿದೆ. ಖುದ್ದು ನಟ ಪುನೀತ್ ರಾಜ್ ಕುಮಾರ್ ಹೋಗಿ ಮದುವೆಗೆ ಆಹ್ವಾನ ನೀಡಿದ್ದಾರೆ.

ರಾಘವೇಂದ್ರ ರಾಜ್ ಕುಮಾರ್ ಎರಡನೇ ಪುತ್ರ ಯುವರಾಜ್ ಕುಮಾರ್ ಅವರ ವಿವಾಹ ಇದೇ ತಿಂಗಳು ನಡೆಯಲಿದೆ. ಚಿತ್ರರಂಗದ ಅನೇಕ ದಿಗ್ಗಜರನ್ನು ಮದುವೆಗೆ ಆಹ್ವಾನಿಸಲಾಗಿದೆ.

ತೆಲುಗು ನಟ ಚಿರಂಜೀವಿ ಹಾಗೂ ಅವರ ಪುತ್ರ ರಾಮ್ ಚರಣ್ ರಿಗೆ ಪುನೀತ್ ರಾಜ್ ಕುಮಾರ್, ವಿನಯ್ ರಾಜ್ ಕುಮಾರ್ ಮತ್ತು ಯುವರಾಜ್ ಕುಮಾರ್ ಮೂವರು ಹೋಗಿ ವಿವಾಹದ ಕರೆಯೋಲೆ ನೀಡಿದ್ದಾರೆ. ಕೆಲ ಸಮಯ ಅವರ ಜೊತೆಗೆ ಮಾತನಾಡಿದ್ದಾರೆ.

ರಾಜ್ ಕುಟುಂಬ ಹಾಗೂ ಚಿರಂಜೀವಿ ಫ್ಯಾಮಿಲಿ ಹಿಂದಿನಿಂದ ಕೂಡ ಒಳ್ಳೆಯ ಒಡನಾಟ ಇದೆ. ಪುನೀತ್ ರಾಜ್ ಕುಮಾರ್ ಮತ್ತು ರಾಮ್ ಚರಣ್ ಒಳ್ಳೆಯ ಗೆಳೆಯರಾಗಿದ್ದಾರೆ.

ಅಂದಹಾಗೆ, ಯುವರಾಜ್ ಕುಮಾರ್ ಹಾಗೂ ಶ್ರೀದೇವಿ ಭೈರಪ್ಪ ಮೇ 25 ರಂದು 26 ಬೆಂಗಳೂರಿನ ಅರಮನೆ ಮೈದಾನದಲ್ಲಿ ನಡೆಯಲಿದೆ.