James Movie: 'KGF 2' ಮತ್ತು 'ಬೀಸ್ಟ್' ಚಿತ್ರವನ್ನು ಹಿಂದಿಕ್ಕಿದ 'ಜೇಮ್ಸ್', ಯಾವ ವಿಚಾರದಲ್ಲಿ ಗೊತ್ತಾ?

'ಕೆಜಿಎಫ್ 2' ಚಿತ್ರವನ್ನು ಬೀಟ್ ಮಾಡಿದ 'ಜೇಮ್ಸ್'!

'ಜೇಮ್ಸ್' ಸಿನಿಮಾ 'ಕೆಜಿಎಫ್ 2' ಚಿತ್ರವನ್ನು ಹಿಂದಿಕ್ಕಿದೆ. ಅರೆ ಇನ್ನು 'ಜೇಮ್ಸ್', 'ಕೆಜಿಎಫ್ 2' ಎರಡೂ ಸಿನಿಮಾಗಳು ರಿಲೀಸ್ ಆಗಿಲ್ಲ. ಆದರೂ ಪೈಪೊಟಿ ಹೇಗೆ ಅನ್ನಿಸ ಬಹುದು. ಹೌದು ಈ ಎರಡೂ ಚಿತ್ರಗಳು ರೇಟಿಂಗ್‌ನಲ್ಲಿ ಪೈಪೋಟಿ ನಡೆಸಿವೆ. ಐಎಂಡಿಬಿ ರೇಟಿಂಗ್‌ನಲ್ಲಿ 'ಕೆಜಿಎಫ್ 2' ಚಿತ್ರವನ್ನು 'ಜೇಮ್ಸ್' ಹಿಂದಿಕ್ಕಿದೆ. ಚಿತ್ರದ ಜನಪ್ರಿಯತೆಯ ಮೇಲೆ ಈ ರೇಟಿಂಗ್ ನಿರ್ಧಾರ ಆಗುತ್ತದೆ. ಚಿತ್ರದ ಬಗ್ಗೆ ಸಮೀಕ್ಷೆ ನಡೆಸಿ, ರೇಟಿಂಗ್ ನೀಡಲಾಗುತ್ತದೆ. ಇಲ್ಲಿ 'ಜೇಮ್ಸ್' ಚಿತ್ರಕ್ಕಿಂತಲೂ ಕೆಜಿಎಫ್ 2 ಕೆಳಗಿದೆ. 'ಜೇಮ್ಸ್' 3ನೇ ಸ್ಥಾನದಲ್ಲಿ ಇದ್ದರೆ, 'ಕೆಜಿಎಫ್ 2' ಸಿನಿಮಾ 5ನೇ ಸ್ಥಾನದಲ್ಲಿ ಇದೆ.

'ಬೀಸ್ಟ್' ಬೀಟ್ ಮಾಡಿದ ಅಪ್ಪು ಚಿತ್ರ!

'ಕೆಜಿಎಫ್ 2' ಮಾತ್ರವೇ ಅಲ್ಲ, ಈ ಸಿನಿಮಾ ತಮಿಳಿನ ನಿರೀಕ್ಷಿತ ಚಿತ್ರವಾದ 'ಬೀಸ್ಟ್' ಚಿತ್ರವನ್ನು ಕೂಡ ಹಿಂದಿಕ್ಕಿದೆ. ಈ ಪಟ್ಟಿಯಲ್ಲಿ 'ಬೀಸ್ಟ್' ಸಿನಿಮಾಗೆ 7ನೇ ಸ್ಥಾನ ಸಿಕ್ಕಿದೆ. 'ಜೇಮ್ಸ್' ಹೆಚ್ಚಿನ ರೇಟಿಂಗ್ ಪಡೆಯಲು ಕಾರಣ,ಈ ಚಿತ್ರಕ್ಕೆ ವಿಶ್ವಾದ್ಯಂತ ಇರುವ ಕ್ರೇಜ್. ರಿಲೀಸ್‌ಗೂ ಮೊದಲೇ ಇಷ್ಟೆಲ್ಲಾ ದಾಖಲೆ ಮಾಡುತ್ತಿರುವ 'ಜೇಮ್ಸ್' ರಿಲೀಸ್ ಬಳಿಕ ಹೇಗೆ ಅಬ್ಬರಿಸಬಹುದು ಎನ್ನುವ ಕುತೂಹಲ ಮೂಡಿದೆ.

IMDBಯಲ್ಲಿ ಯಾವ ಚಿತ್ರಕ್ಕೆ ಎಷ್ಟು ರೇಟಿಂಗ್!

ಇನ್ನು ಐಎಂಡಿಬಿಯ ರೇಟಿಂಗ್‌ನಲ್ಲಿ ಯಾವ ಚಿತ್ರಗಳು ಟಾಪ್‌ 10ರಲ್ಲಿ ಸ್ಥಾನ ಪಡೆದಿವೆ ಎನ್ನುವುದನ್ನು ನೋಡಿದರೆ. ಮಲಯಾಳಂನ 'ಸೆಲ್ಯೂಟ್' ಚಿತ್ರಕ್ಕೆ ಅಗ್ರಸ್ಥಾನ ಸಿಕ್ಕಿದೆ. ಎರಡನೇ ಸ್ಥಾನದಲ್ಲಿ 'RRR' ಚಿತ್ರ ಇದೆ. 'ಜೇಮ್ಸ್' ಚಿತ್ರ ಟಾಪ್‌ 3 ಚಿತ್ರವಾಗಿದೆ. ಬಾಲಿವುಡ್‌ನ 'ಬಚ್ಚನ ಪಾಂಡೆ' 4ನೇ ಸ್ಥಾನದಲ್ಲಿದೆ. ನಂಬರ್ 5ರಲ್ಲಿ 'ಕೆಜಿಎಫ್ 2' ಚಿತ್ರ ಇದೆ. ಹಾಗೆ 6 ನೇ ಸ್ಥಾನದಲ್ಲಿ 'ಡೇಂಜರಸ್', 7ನೇ ಸ್ಥಾನದಲ್ಲಿ 'ಬೀಸ್ಟ್', 8ನೇ ಸ್ಥಾನದಲ್ಲಿ 'ಮೇ ಡೇ', 9ನೇ ಸ್ಥಾನದಲ್ಲಿ 'ಹೀರೋ ಪಂತಿ' 2, 10ನೇ ಸ್ಥಾನದಲ್ಲಿ 'ಜಲ್ಸಾ' ಇದೆ.

ರೇಟಿಂಗ್ ಏನೇ ಇದ್ದರು ಸಿನಿಮಾ ನೋಡಲು ಜನ ಸಿದ್ಧ!

ಇನ್ನು 'ಜೇಮ್ಸ್' ಚಿತ್ರದ ವಿಚಾರಕ್ಕೆ ಬರುವುದಾದರೆ, ಜನ 'ಜೇಮ್ಸ್' ಸಿನಿಮಾವನ್ನು ಟ್ರೈಲರ್ ನೋಡಿ, ಹಾಡು ಕೇಳಿ, ರೇಟಿಂಗ್ ನೋಡುವುದಿಲ್ಲ. ಬದಲಿಗೆ ಸಿನಿಮಾ ಹೇಗೆ ಇರಲಿ, ಒಮ್ಮೆ ತೆರೆಮೇಲೆ ಪುನೀತ್‌ ರಾಜ್‌ಕುಮಾರ್ ಅವರನ್ನು ನೋಡಬೇಕು ಎನ್ನುವ ಕಾರಣಕ್ಕೆ 'ಜೇಮ್ಸ್' ಸಿನಿಮಾ ನೋಡಲು ಮುಂದಾಗಿದ್ದಾರೆ. ಹಾಗಾಗಿ 'ಜೇಮ್ಸ್' ಗೆದ್ದೇ ಗೆಲ್ಲುತ್ತೆ ಎಂದು ಹೇಳಲಾಗುತ್ತಿದೆ.