ನಿರ್ಲಕ್ಷ್ಯ ಮಾಡಿರುವ 'ಕಹಿ ಸತ್ಯ' ಹೇಳುತ್ತಿದ್ದಾರೆ ಪುನೀತ್ ರಾಜ್ ಕುಮಾರ್

ಕಹಿ ಸತ್ಯ ಹೇಳುತ್ತಿದ್ದಾರೆ ಪುನೀತ್

ರಾಷ್ಟ್ರಪ್ರಶಸ್ತಿ ವಿಜೇತರಾದ ಜಾಸ್ಮಿನ್ ಮತ್ತು ಅವಿನಾಶ್ ರಾಯ್ ನಿರ್ದೇಶನ ಮಾಡಿರುವ ‘ಅಮೋಲಿ' ಸಾಕ್ಷ್ಯಾಚಿತ್ರಕ್ಕೆ ಪುನೀತ್ ರಾಜ್ ಕುಮಾರ್ ಧ್ವನಿಯಾಗಿದ್ದಾರೆ. ಭಾರತದಲ್ಲಿ ಕಾಣೆಯಾಗುತ್ತಿರುವ ಹೆಣ್ಣುಮಕ್ಕಳ ಸಾಕ್ಷ್ಯಾಚಿತ್ರ ಇದಾಗಿದೆ.

ಪ್ರತಿ 8 ನಿಮಿಷಕ್ಕೆ ಒಬ್ಬ ಬಾಲಕಿ ಕಾಣೆ

‘ದೇಶದಲ್ಲಿ ಪ್ರತಿ 8 ನಿಮಿಷಕ್ಕೆ ಒಬ್ಬ ಬಾಲಕಿ ಕಾಣೆಯಾಗುತ್ತಾಳೆ. ಇಲ್ಲಿಯವರೆಗೆ ಅಂದಾಜು 36 ಲಕ್ಷ ಮಕ್ಕಳನ್ನು ಮನೆಯವರಿಗೆ ತಿಳಿಯದಂತೆ ಕರೆದುಕೊಂಡಿ ಹೋಗಿ ವೈಶ್ಯಾವಾಟಿಕೆಗೆ ತಳ್ಳಲಾಗಿದೆ' ನಮ್ಮ ಮುಂದೆ ಇರುವ ನಮ್ಮ ಮಕ್ಕಳು ಸುರಕ್ಷಿತ ಎಂದು ತಿಳಿದುಕೊಂಡು ಇಂತಹ ದೊಡ್ಡ ಸಮಸ್ಯೆಯನ್ನು ನಾವು ನಿರ್ಲಕ್ಷ್ಯ ಮಾಡಿದ್ದೇವೆ ಎನ್ನುವುದು ಆಶ್ಚರ್ಯಕರ.

ಸ್ಟಾರ್ ನಟರ ಧ್ವನಿಯಲ್ಲಿ 'ಅಮೋಲಿ'

'ಅಮೋಲಿ' ಸಾಕ್ಷ್ಯಚಿತ್ರ ಕನ್ನಡ ಮಾತ್ರವಲ್ಲದೆ, ಹಿಂದಿ, ಇಂಗ್ಲಿಷ್, ತಮಿಳು ಮತ್ತು ಬಂಗಾಲಿ ಭಾಷೆಗಳಲ್ಲಿ ರಿಲೀಸ್ ಮಾಡಲಾಗಿದೆ. ಹಿಂದಿಯಲ್ಲಿ ರಾಜ್​ಕುಮಾರ್ ರಾವ್, ಇಂಗ್ಲಿಷ್​ನಲ್ಲಿ ವಿದ್ಯಾಬಾಲನ್, ತಮಿಳಿನಲ್ಲಿ ಕಮಲ್ ಹಾಸನ್ ಮತ್ತು ಬಂಗಾಲಿಯಲ್ಲಿ ಜಿಶು ಸೇನ್​ಗುಪ್ತ ಧ್ವನಿ ನೀಡಿದ್ದಾರೆ. ಈ ಚಿತ್ರಕ್ಕೆ ಕಲ್ಚರ್ ಮಷೀನ್ ಬಂಡವಾಳ ಹೂಡಿದೆ. ಕನ್ನಡದಲ್ಲಿ ಪಿಆರ್​ಕೆ ಆಡಿಯೋ ಸಂಸ್ಥೆಯಲ್ಲಿ ಸಾಕ್ಷ್ಯಚಿತ್ರ ಬಿಡುಗಡೆ ಮಾಡಲಾಗಿದೆ.

ನಾಲ್ಕು ಮಕ್ಕಳ ಜೀವನ ಕಥೆ

ಅಮೋಲಿ ಸಾಕ್ಷ್ಯಾಚಿತ್ರದಲ್ಲಿ ನಾಲ್ಕು ಕಾಣೆಯಾಗಿರುವ ಬಾಲಕಿಯರ ನೈಜ ಕಥೆಯನ್ನ ಬಿಚ್ಚಿಡಲಾಗಿದೆ. ಆದರೆ ಇದು ಕೇವಲ ಈ ನಾಲ್ಕು ಜನರ ವ್ಯಥೆ ಮಾತ್ರವಲ್ಲ ದೇಶದಲ್ಲಿ ಇಂತಹ ಸಾಕಷ್ಟು ಹೆಣ್ಣು ಮಕ್ಕಳು ಈ ಜಾಲದಲ್ಲಿ ಸಿಲುಕಿ ಪರದಾಡುತ್ತಿದ್ದಾರೆ.

ಪುನೀತ್ ಹಾಡಿದ್ದ 'ರಾಂಬೋ 2' ಹಾಡು ಬಿಡುಗಡೆಯಾಯ್ತು