ಬಿಡುಗಡೆಗೆ ಮುನ್ನವೇ ಇತಿಹಾಸ ಸೃಷ್ಟಿಸಿದ 'ಚಕ್ರವ್ಯೂಹ'

ಚಿತ್ರದ ವಿತರಣಾ ಹಕ್ಕು:

ಗಾಂಧಿನಗರದಲ್ಲಿ ದೊರಕಿರುವ ಮೂಲ ಮಾಹಿತಿ ಪ್ರಕಾರ ಸುಮಾರು 7.20 ಕೋಟಿ ರೂಪಾಯಿಗಳಿಗೆ 'ಚಕ್ರವ್ಯೂಹ' ಚಿತ್ರದ ವಿತರಣಾ ಹಕ್ಕು ಮಾರಾಟವಾಗಿದೆ. ಅಂದಹಾಗೆ ಪವರ್ ಸ್ಟಾರ್ ಪುನೀತ್ ಅವರ ಸಿನಿ ಜರ್ನಿಯಲ್ಲಿ ಇದು ಹೊಸ ರೆಕಾರ್ಡ್.[ಅಪ್ಪು ಸಿನಿಮಾದಲ್ಲಿ ಯಂಗ್ ಟೈಗರ್ ಜೂ.ಎನ್.ಟಿ.ಆರ್.?]

ಸ್ಯಾಟಲೈಟ್ ಮತ್ತು ಆಡಿಯೋ ಹಕ್ಕು

'ಚಕ್ರವ್ಯೂಹ' ಸಿನಿಮಾ ಬಿಡುಗಡೆಗೆ ಮುನ್ನವೇ ಆತ್ಮವಿಶ್ವಾಸ ಇರುವ ವಿತರಕರು ಈಗಾಗಲೇ ಸ್ಯಾಟಲೈಟ್ ಹಕ್ಕು ಮತ್ತು ಚಿತ್ರದ ಆಡಿಯೋ ಹಕ್ಕುಗಳನ್ನು ಖರೀದಿಸಿದ್ದಾರೆ.

ಆಡಿಯೋ ಲಾಂಚ್ ಗೆ ತಮಿಳು ನಟ ಸೂರ್ಯ

ತಮಿಳಿನ 'ಎಂಗೇಯುಮ್ ಎಪ್ಪೋದುಮ್' ಖ್ಯಾತಿಯ ನಿರ್ದೇಶಕ ಎಮ್ ಸರವಣನ್ ಅವರು 'ಚಕ್ರವ್ಯೂಹ' ಚಿತ್ರದ ಆಡಿಯೋ ಲಾಂಚ್ ಗೆ ತಮಿಳಿನ 'ಸಿಂಗಂ' ನಟ ಸೂರ್ಯ ಅವರನ್ನು ಆಹ್ವಾನಿಸಿದ್ದಾರೆ.

ಪುನೀತ್ -ರಚಿತಾ ರಾಮ್ ಜೋಡಿಯ ಮೋಡಿ

ಇದೇ ಮೊದಲ ಬಾರಿಗೆ ಗುಳಿಕೆನ್ನೆ ಬೆಡಗಿ ರಚಿತಾ ರಾಮ್ ಮತ್ತು ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅವರು 'ಚಕ್ರವ್ಯೂಹ'ದ ಮೂಲಕ ಒಂದಾಗಿದ್ದು, ಇವರಿಬ್ಬರ ಜೋಡಿ ಸ್ಯಾಂಡಲ್ ವುಡ್ ನ ಮಂದಿಯನ್ನು ಮೋಡಿ ಮಾಡಲಿದ್ದಾರೆ.

ಜನವರಿ 2016 ಕ್ಕೆ ಚಿತ್ರ ತೆರೆಗೆ

ಪುನೀತ್, ರಚಿತಾ ರಾಮ್, ತಮಿಳು ನಟ ಅರುಣ್ ವಿಜಯ್ ಮತ್ತು ಬಹುಭಾಷಾ ನಟ ಅಭಿಮನ್ಯು ಸಿಂಗ್ ನೆಗೆಟಿವ್ ರೋಲ್ ನಲ್ಲಿ ಮಿಂಚಿರುವ 'ಚಕ್ರವ್ಯೂಹ' ಜನವರಿ 2016, ಹೊಸ ವರ್ಷಕ್ಕೆ ಭರ್ಜರಿಯಾಗಿ ತೆರೆ ಕಾಣುತ್ತಿದೆ.

ಹೊಸ ವರ್ಷಕ್ಕೆ 'ಚಕ್ರವ್ಯೂಹ' ಬ್ಲಾಕ್ ಬಸ್ಟರ್ ಹಿಟ್?

2015 ರಲ್ಲಿ ಪವರ್ ಸ್ಟಾರ್ ಪುನೀತ್ ಅವರ 'ಮೈತ್ರಿ' ಸಿನಿಮಾ ಪ್ರೇಕ್ಷಕರ ಮನಗೆದ್ದು ಬ್ಲಾಕ್ ಬಸ್ಟರ್ ಹಿಟ್ ಕಂಡಿತ್ತು. ಇದೀಗ 2016 ನಲ್ಲಿ 'ಚಕ್ರವ್ಯೂಹ' ಬಿಗ್ ಒಪನಿಂಗ್ ಪಡೆದುಕೊಳ್ಳುತ್ತಾ ಅಂತ ಕಾದು ನೋಡಬೇಕು.