Don't Miss!
- Sports IPL 2024: ಚಿನ್ನಸ್ವಾಮಿ ಸಾಮ್ರಾಜ್ಯದಲ್ಲಿ ರಾಜ್ಯಭಾರ ಮಾಡಿದ ವಿರಾಟ್; KKRಗೆ ಸವಾಲಿನ ಗುರಿ ನೀಡಿದ RCB
- Lifestyle 10 ವರ್ಷದಿಂದ ನಿರಂತರ ರಕ್ತ ಕುಡಿಯುತ್ತಿರುವ ಯುವತಿ..! ರಕ್ತವೇ ಟೀ, ಅದರಲ್ಲೇ ಊಟ..!
- News Rain Alert: ಕೊಡಗಿನ ವಿವಿಧಡೆ ಮಳೆ ಅಬ್ಬರ: ಮೋಡ ಕವಿದ ವಾತಾವರಣ
- Automobiles Brezza: ಮಾರುತಿ ಸುಜುಕಿ ಬ್ರೆಝಾ ಖರೀದಿಸಬೇಕೇ.. ಆನ್ ರೋಡ್ ಬೆಲೆ ಎಷ್ಟು? EMI ಏನು?
- Technology WhatsApp: ವಾಟ್ಸಾಪ್ನಲ್ಲಿ ಈ ಕರೆಗಳನ್ನು ಸ್ವೀಕರಿಸದಂತೆ ಕೇಂದ್ರದಿಂದ ಎಚ್ಚರಿಕೆ! ಯಾಕೆ ಗೊತ್ತಾ?
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಟಾಲಿವುಡ್ 'ಮೈತ್ರಿ'ಗೆ ಅಕ್ಕಿನೇನಿ ನಾಗಾರ್ಜುನ ಸಿದ್ಧ!
ಗಾಂಧಿನಗರದಲ್ಲಿ ಅಪರೂಪಕ್ಕೊಂದು ಚೆಂದದ ಸಿನಿಮಾ ತೆರೆಕಂಡಿದೆ. ಆಡಂಬರ-ಅಬ್ಬರವಿಲ್ಲದೆ ಇಡೀ ಫ್ಯಾಮಿಲಿ ಯಾವುದೇ ಅಂಜಿಕೆಯಿಲ್ಲದೆ ನೋಡಬಹುದಾದ ಸಿನಿಮಾ 'ಮೈತ್ರಿ'. ಎಲ್ಲಾ ವರ್ಗದ ಪ್ರೇಕ್ಷಕರನ್ನ ಸೆಳೆಯುತ್ತಿರುವ 'ಮೈತ್ರಿ' ಸಿನಿಮಾ ಮಲಯಾಳಂನಲ್ಲೂ ತೆರೆಕಾಣಲಿದೆ ಅನ್ನುವ ಸುದ್ದಿಯನ್ನ ಇದೇ 'ಫಿಲ್ಮಿಬೀಟ್ ಕನ್ನಡ'ದಲ್ಲಿ ನೀವು ಓದಿದ್ರಿ.
ಈಗ ಸಿಕ್ಕಿರುವ ಮತ್ತೊಂದು ಮಾಹಿತಿ ಪ್ರಕಾರ 'ಮೈತ್ರಿ' ಸಿನಿಮಾ ತೆಲುಗಿನಲ್ಲಿ ರೀಮೇಕ್ ಆಗಲಿದೆ. ಅಂದ್ಹಾಗೆ, ಟಾಲಿವುಡ್ ನಲ್ಲಿ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿರುವವರು ಯಾರು ಹೇಳಿ? ಬೇರಾರೂ ಅಲ್ಲ, ಅಕ್ಕಿನೇನಿ ನಾಗಾರ್ಜುನ. [ಪುನೀತ್ ರಾಜ್ ಕುಮಾರ್ ಮಲಯಾಳಂ 'ಮೈತ್ರಿ']
'ಕನ್ನಡದ ಕೋಟ್ಯಾಧಿಪತಿ'ಯನ್ನ ಇಲ್ಲಿ ಹೇಗೆ ಅಪ್ಪು ನಡೆಸಿಕೊಳ್ಳುತ್ತಾರೋ, ಅದೇ ರೀತಿ ತೆಲುಗಿನಲ್ಲಿ ಅಕ್ಕಿನೇನಿ ನಾಗಾರ್ಜುನ ಕಾರ್ಯಕ್ರಮದ ಹೋಸ್ಟ್ ಆಗಿದ್ದಾರೆ. ಅಲ್ಲದೇ, ಪುನೀತ್ ರಂತೆ ಸಮಾಜಸೇವೆಯಲ್ಲಿ ನಾಗಾರ್ಜುನ ಹೆಚ್ಚು ಸಕ್ರಿಯ.
ಇಬ್ಬರ ಸ್ಟಾರ್ ಗಿರಿಯಲ್ಲಿ ಕೊಂಚ ಸಾಮ್ಯತೆಯಿರುವ ಕಾರಣ 'ಮೈತ್ರಿ' ಸಿನಿಮಾ ಇನ್ನೂ ಪ್ರೊಡಕ್ಷನ್ ಹಂತದಲ್ಲಿರುವಾಗಲೇ ರೀಮೇಕ್ ಮಾಡುವ ಇಂಗಿತವನ್ನ ನಾಗಾರ್ಜುನ ವ್ಯಕ್ತಪಡಿಸಿದ್ದರಂತೆ.
ಆಗ ಈ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಳ್ಳದ ನಿರ್ಮಾಪಕ ರಾಜ್ ಕುಮಾರ್, ಇದೀಗ ನಾಗಾರ್ಜುನಗಾಗಿ ಸ್ಪೆಷಲ್ ಶೋ ಅರೇಂಜ್ ಮಾಡುತ್ತಿದ್ದಾರಂತೆ. ಎಲ್ಲೆಡೆ 'ಮೈತ್ರಿ'ಗೆ ಪ್ರಶಂಸೆ ಲಭ್ಯವಾಗುತ್ತಿರುವುದರಿಂದ ನಾಗಾರ್ಜುನ ಕೂಡ ಸಿನಿಮಾ ನೋಡೋಕೆ ಉತ್ಸುಕರಾಗಿದ್ದಾರೆ. [ಪುನೀತ್ 'ಮೈತ್ರಿ' ಚಿತ್ರಕ್ಕೆ ವಿಮರ್ಶೆಗಳ ಮುಕ್ತ ಪ್ರಶಂಸೆ]
ಹೈದರಾಬಾದ್ ನಲ್ಲೇ ನಾಗಾರ್ಜುನಗಾಗಿ ಸ್ಪೆಷಲ್ ಶೋ ನಡೆಯಲಿದ್ದು, ಚಿತ್ರವನ್ನ ಅವರು ಮೆಚ್ಚಿದ್ದೇ ಆದರೆ ಟಾಲಿವುಡ್ ಕೂಡ ನೂತನ 'ಮೈತ್ರಿ'ಗೆ ಸಾಕ್ಷಿಯಾಗಲಿದೆ.