ಚಿತ್ರೀಕರಣದ ನಡುವೆ ಪುನೀತ್ ರಾಜ್‌ಕುಮಾರ್ ಮಹತ್ವದ ಕಾರ್ಯ

'ಕೊರೊನಾ ಒಂದು ಪುಟ್ಟ ವೈರಸ್ ಆದರೆ ಅಪಾಯಕಾರಿ'

ಕೊರೊನಾ ವೈರಸ್ ಬಗ್ಗೆ ಮಾತನಾಡಿ, 'ಕೊರೊನಾ ಒಂದು ಪುಟ್ಟ ವೈರಸ್ ಆದರೆ ಅಷ್ಟೇ ಅಪಾಯಕಾರಿ ವೈರಸ್, ಹಾಗಾಗಿ ಹಲವು ಸಾವು-ನೋವುಗಳಾಗಿವೆ. ಇದಕ್ಕೆ ಇನ್ನೂ ವ್ಯಾಕ್ಸಿನ್ ಸಿಕ್ಕಿಲ್ಲ, ಹಾಗಾಗಿ ನಾವೆಲ್ಲರೂ ಆದಷ್ಟು ಜಾಗೃತೆಯಾಗಿರಬೇಕು ಎಂದರು.

'ವೈದ್ಯರು, ಆರೋಗ್ಯ ಸಿಬ್ಬಂದಿ, ಪೊಲೀಸರ ಶ್ರಮವನ್ನು ಗೌರವಿಸೋಣ'

'ವೈದ್ಯರು, ಆರೋಗ್ಯ ಸಿಬ್ಬಂದಿ, ಪೊಲೀಸರು ಇದರೊಂದಿಗೆ ಹೋರಾಡುತ್ತಿದ್ದಾರೆ ಅವರ ಶ್ರಮವನ್ನು ನಾವೆಲ್ಲರೂ ಗೌರವಿಸೋಣ. ಹೊರಗೆ ಹೋದಾಗ ಕಡ್ಡಾಯವಾಗಿ ಮಾಸ್ಕ್ ಧರಿಸೋಣ. ಸ್ಯಾನಿಟೈಸರ್ ಬಳಸೋಣ, ಕೈ ಯನ್ನು ತೊಳೆದುಕೊಳ್ಳೋಣ' ಎಂದರು ಪುನೀತ್ ರಾಜ್‌ಕುಮಾರ್.

ಮಾಸ್ಕ್ ಹಾಕುವಂತೆ ಕೈ ಮುಗಿದು ಮನವಿ

ಕೆಲವು ದಿನಗಳ ಹಿಂದೆ ಹೊಸಪೇಟೆ ಸಮೀಪ ಪುನೀತ್ ರಾಜ್‌ಕುಮಾರ್ ಚಿತ್ರೀಕರಣ ನಡೆಸುವ ವೇಳೆ ಸಾವಿರಾರು ಸಂಖ್ಯೆಯಲ್ಲಿ ಜನ ಸೇರಿಬಿಟ್ಟಿದ್ದರು. ಆ ಸಮಯದಲ್ಲಿ ಪುನೀತ್ ಅವರು ಎಲ್ಲರಿಗೂ ಮಾಸ್ಕ್ ತೊಡುವಂತೆ ಕೈ ಮುಗಿದು ಮನವಿ ಮಾಡಿದ್ದರು. ಆ ವಿಡಿಯೋ ವೈರಲ್ ಆಗಿತ್ತು.

ಸಚಿವ ಆನಂದ್ ಸಿಂಗ್ ಮನೆಗೆ ಭೇಟಿ

ಜೇಮ್ಸ್ ಸಿನಿಮಾದ ಚಿತ್ರೀಕರಣ ಹೊಸಪೇಟೆ ಹಾಗೂ ಸುತ್ತ-ಮುತ್ತ ನಡೆಯುತ್ತಿದೆ. ಚಿತ್ರೀಕರಣವನ್ನು ಎಂಜಾಯ್ ಮಾಡುತ್ತಿರುವ ಪುನೀತ್, ಕೆಲವು ದಿನಗಳ ಹಿಂದೆ ತುಂಗಭದ್ರಾ ಡ್ಯಾಂ ಗೆ ಭೇಟಿ ನೀಡಿದ್ದರು, ನಂತರ ಸಚಿವ ಆನಂದ್ ಸಿಂಗ್ ಮನೆಗೂ ಭೇಟಿ ನೀಡಿ ಉಪಹಾರ ಸೇವಿಸಿದ್ದರು.