ದಾಖಲೆಗಳನ್ನೆಲ್ಲ ಬೆಚ್ಚಿಬೀಳಿಸಿದ ರಾಜರತ್ನ 'ರಾಜಕುಮಾರ'

ಟ್ರೈಲರ್ ಮಾಡಿದ ದಾಖಲೆ

'ರಾಜಕುಮಾರ' ಟ್ರೈಲರ್ ಬಿಡುಗಡೆಯಾದ 13 ದಿನಗಳಲ್ಲಿ 1.5 ಮಿಲಿಯನ್ ವೀಕ್ಷಕರು ನೋಡಿರುವುದು ವಿಶೇಷ ದಾಖಲೆಯೇ ಸರಿ. ಯ್ಯೂಟ್ಯೂಬ್ ನಲ್ಲಿ ಈ ಜಬರ್ ದಸ್ತ್ ಟ್ರೈಲರ್ 23 ಸಾವಿರ ಲೈಕ್ಸ್ ಪಡೆದಿತ್ತು. ಮಾರ್ಚ್ 6 ರಂದು ಟ್ರೈಲರ್ ಬಿಡುಗಡೆಯಾಗಿತ್ತು.[ವಿಡಿಯೋ: 'ರಾಜಕುಮಾರ'ನ ಟ್ರೈಲರ್ ಮತ್ತು ಆಡಿಯೋ ಬಿಡುಗಡೆ]

ಮೇಕಿಂಗ್ ವಿಡಿಯೋ ರೆಕಾರ್ಡ್!

'ರಾಜಕುಮಾರ' ಚಿತ್ರದ ಮೇಕಿಂಗ್ ವಿಡಿಯೋ ಬಿಡುಗಡೆ ಮಾಡಿದ್ದ ಚಿತ್ರತಂಡ ಅತ್ಯಾದ್ಭುತ ಪ್ರತಿಕ್ರಿಯೆ ಸಿಕ್ಕಿತ್ತು. ಚಿತ್ರದ ಮೇಕಿಂಗ್ ವಿಡಿಯೋವನ್ನ 'ಬೊಂಬೆ ಹೇಳುತೈತೆ' ಹಾಡಿನ ಜೊತೆ ನೋಡಿ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಕೇವಲ 8 ದಿನದಲ್ಲಿ 1 ಮಿಲಿಯನ್ ಜನರು ಈ ಮೇಕಿಂಗ್ ವಿಡಿಯೋವನ್ನ ವೀಕ್ಷಣೆ ಮಾಡಿದ್ದರು. 12 ಸಾವಿರ ಲೈಕ್ಸ್ ಪಡೆದಿತ್ತು.[ತೆರೆ ಹಿಂದಿನ 'ರಾಜಕುಮಾರ'ನಲ್ಲಿ ಕಾಣುತ್ತಾರೆ 'ಡಾ.ರಾಜ್ ಕುಮಾರ್'!]

'ಅಪ್ಪು ಡ್ಯಾನ್ಸ್' ಕಮಾಲ್

ಇನ್ನೂ ಪುನೀತ್ ರಾಜ್ ಕುಮಾರ್ ಅವರ ಹುಟ್ಟುಹಬ್ಬದ ವಿಶೇಷವಾಗಿ ಬಿಡುಗಡೆಯಾಗಿದ್ದ ಅಪ್ಪು ಡ್ಯಾನ್ಸ್ ವಿಡಿಯೋ, ಯ್ಯೂಟ್ಯೂಬ್ ನಲ್ಲಿದ್ದ ಹಳೇ ದಾಖಲೆಗಳನ್ನೆಲ್ಲ ಬ್ರೇಕ್ ಮಾಡಿದೆ. ಬಿಡುಗಡೆಯಾದ 2 ದಿನದಲ್ಲೇ ಸುಮಾರು 8.25 ಜನರು ನೋಡಿದ್ದು, 22 ಸಾವಿರ ಲೈಕ್ಸ್ ಪಡೆದುಕೊಂಡಿತ್ತು.['ಅಪ್ಪು ಡ್ಯಾನ್ಸ್'ಗೆ ಸ್ಯಾಂಡಲ್ ವುಡ್ ದಾಖಲೆಗಳೆಲ್ಲ ಧೂಳಿಪಟ!]

'ಯಾರಿವನು ಕನ್ನಡದವನು' ಹಾಡು

'ರಾಜಕುಮಾರ' ಚಿತ್ರದ 'ಯಾರಿವನು ಕನ್ನಡದವನು' ಹಾಡಿಗೆ ಒಳ್ಳೆ ರೆಸ್ ಪಾನ್ಸ್ ಸಿಕ್ಕಿತ್ತು. ಆಡಿಯೋ ಬಿಡುಗಡೆಗೂ ಮುಂಚೆ ಈ ಹಾಡನ್ನ ಬಿಡುಗಡೆ ಮಾಡಲಾಗಿತ್ತು. 23 ದಿನಗಳಲ್ಲಿ 1.3 ಮಿಲಿಯನ್ ಜನರು ನೋಡಿದ್ದು, 22 ಸಾವಿರ ಲೈಕ್ಸ್ ಗಿಟ್ಟಿಸಿಕೊಂಡಿತ್ತು.[ಎಕ್ಸ್ ಕ್ಲೂಸಿವ್: 'ರಾಜಕುಮಾರ' ಚಿತ್ರದ 'ರಾಜರ ರಾಜ' ಹಾಡು ರಿಲೀಸ್]

'ರಾಜಕುಮಾರ' ಟೀಸರ್-2

ಚಿತ್ರದ ಎರಡನೇ ಟ್ರೈಲರ್ ಗೂ ಸೂಪರ್ ರೆಸ್ ಪಾನ್ಸ್ ಸಿಕ್ಕಿತ್ತು. 2ನೇ ಟ್ರೈಲರ್ ಬಿಡುಗಡೆಯಾದ 7 ದಿನದಲ್ಲಿ 5.5 ಲಕ್ಷ ಜನರು ವೀಕ್ಷಿಸಿದ್ದರು. ಈಗಲೂ ಅದರ ಸಂಖ್ಯೆ ಹೆಚ್ಚಾಗುತ್ತಲೇ ಇದೆ.[ಪುನೀತ್ 'ರಾಜಕುಮಾರ' ಟೀಸರ್ ನಲ್ಲಿವೆ ಹಲವು 'ಸರ್ಪ್ರೈಸ್'!]

'ರಾಜಕುಮಾರ' ಟೀಸರ್-1

'ರಾಜಕುಮಾರ' ಚಿತ್ರದ ಮೊದಲ ಟೀಸರ್ ರಿಲೀಸ್ ಆಗಿದ್ದ 7 ದಿನಗಳಲ್ಲಿ 8.3 ಲಕ್ಷ ಜನರು ನೋಡಿದ್ದರು.[ಪುನೀತ್ 'ರಾಜಕುಮಾರ' ಹೈ ವೋಲ್ಟೇಜ್ ಟೀಸರ್ ಔಟ್]

ಈ ವಾರ ಬಿಡುಗಡೆ

ಅಂದ್ಹಾಗೆ, 'ರಾಜಕುಮಾರ' ಮಾರ್ಚ್ 24 ರಂದು ರಾಜ್ಯಾದ್ಯಂತ ಬಿಡುಗಡೆಯಾಗುತ್ತಿದೆ. ಸಂತೋಷ್ ಆನಂದ್ ರಾಮ್ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದು, ಹರಿಕೃಷ್ಣ ಸಂಗೀತ ನೀಡಿದ್ದಾರೆ. ಹೊಂಬಾಳೆ ಫಿಲ್ಮ್ಸ್ ನಿರ್ಮಾಣವಾಗಿರುವ ಈ ಚಿತ್ರದಲ್ಲಿ ಪುನೀತ್ ಗೆ ಜೋಡಿಯಾಗಿ ಪ್ರಿಯಾ ಆನಂದ್ ಕಾಣಿಸಿಕೊಂಡಿದ್ದಾರೆ. ಉಳಿದಂತೆ ಶರತ್ ಕುಮಾರ್, ಪ್ರಕಾಶ್ ರೈ, ಚಿಕ್ಕಣ್ಣ, ಸಾಧುಕೋಕಿಲಾ, ರಂಗಾಯಣ ರಘು ಸೇರಿದಂತೆ ಹಲವು ಕಲಾವಿದರು ಬಣ್ಣ ಹಚ್ಚಿದ್ದಾರೆ.[ಸ್ವಲ್ಪ ಲೇಟಾದ್ರು 'ರಾಜಕುಮಾರ' ಟಿಕೆಟ್ ನಿಮಗೆ ಸಿಗಲ್ಲ! ಈಗಲೇ ಬುಕ್ ಮಾಡಿ]