ರಾಬರ್ಟ್, ಪೊಗರು, ಕೋಟಿಗೊಬ್ಬ 3 ಬಗ್ಗೆ ಪುನೀತ್ ರಾಜ್‌ಕುಮಾರ್ ಮಾತು

ತೆಲುಗು-ತಮಿಳು ಸಿನಿಮಾಗಳು ಚೆನ್ನಾಗಿ ಓಡಿವೆ: ಪುನೀತ್

'ಇತ್ತೀಚೆಗೆ ಬಿಡುಗಡೆ ಆದ ಕೆಲವು ತೆಲುಗು, ತಮಿಳು ಸಿನಿಮಾಗಳು ಚೆನ್ನಾಗಿ ಕಲೆಕ್ಷನ್ ಆಗಿವೆ. ನಮ್ಮ ಕನ್ನಡ ಸಿನಿಮಾಗಳು ಸಹ ಚೆನ್ನಾಗಿ ಕಲೆಕ್ಷನ್ ಆಗುವ ನಿರೀಕ್ಷೆ ಇದೆ' ಎಂದರು ಪುನೀತ್ ರಾಜ್‌ಕುಮಾರ್.

ಸ್ಯಾನಿಟಟೈಸೇಶನ್, ಮಾಸ್ಕ್ ಅವಶ್ಯಕ

'ಈ ಮುಂಚೆ ಸರ್ಕಾರದ ಆದೇಶ ಪಾಲಿಸುವುದು ಮುಖ್ಯವಾಗಿತ್ತು. ಈಗ ಚಿತ್ರಮಂದಿರಗಳಿಗೆ 100% ಅವಕಾಶ ನೀಡಿದ್ದಾರೆ. ಆದರೂ ಹೆಚ್ಚು ಜನರು ಒಂದೆಡೆ ಸೇರಿದಾಗ ಸ್ಯಾನಿಟೈಸೇಷನ್, ಮಾಸ್ಕ್ ಬಳಕೆ ಕಡೆಗೆ ಹೆಚ್ಚು ಗಮನ ಕೊಡೋಣ' ಎಂದರು ಪುನೀತ್ ರಾಜ್‌ಕುಮಾರ್.

ಸರ್ಕಾರದ ಆದೇಶ ಸಂತೋಶ ತಂದಿದೆ

ಇಷ್ಟು ದಿನ ಚಿತ್ರಮಂದಿರಗಳು ಶೇ 50% ಪ್ರೇಕ್ಷಕರಿಗೆ ಮಾತ್ರವೇ ಬಾಗಿಲು ತೆರೆದಿದ್ದವು. ಈಗ 100% ಸೀಟುಗಳನ್ನು ಭರ್ತಿ ಮಾಡಬಹುದು ಎಂದು ಸರ್ಕಾರ ಆದೇಶ ನೀಡಿದೆ ಇದು ಬಹಳ ಸಂತೋಶ ತಂದಿದೆ. ಈ ಹಿಂದೆ 50% ಆಕ್ಯುಪೆನ್ಸಿ ಇದ್ದಾಗಲೂ ಅದನ್ನು ನಷ್ಟವೆಂದು ಪರಿಗಣಿಸದೇ ಜನರ ಒಳಿತಿಗಾಗಿ ಸರ್ಕಾರದ ಆದೇಶ ಪಾಲನೆ ಮಾಡಿದ್ದಾರೆ ಚಿತ್ರಮಂದಿರಗಳ ಮಾಲೀಕರು ಎಂದರು ಪುನೀತ್ ರಾಜ್‌ಕುಮಾರ್.

ಏಪ್ರಿಲ್ 1 ಕ್ಕೆ ಯುವರತ್ನ ಬಿಡುಗಡೆ

ಪುನೀತ್ ರಾಜ್‌ಕುಮಾರ್ ನಟನೆಯ ಯುವರತ್ನ ಸಿನಿಮಾವು ಏಪ್ರಿಲ್ 1 ನೇ ತಾರೀಖು ಬಿಡುಗಡೆ ಆಗಲಿದೆ. ಜನವರಿ ಅಂತ್ಯದಿಂದ ಆರಂಭಗೊಂಡು ಮಾರ್ಚ್‌ ವರೆಗೂ ಸತತವಾಗಿ ಕನ್ನಡದ ಸ್ಟಾರ್ ನಟರ ಸಿನಿಮಾಗಳು ಒಂದರ ಹಿಂದೊಂದರಂತೆ ಬಿಡುಗಡೆ ಆಗಲಿವೆ. ಪುನೀತ್ ಅವರು ಪ್ರಸ್ತುತ ಜೇಮ್ಸ್ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.