ಪ್ರಜ್ವಲ್ ಪತ್ನಿ ರಾಗಿಣಿ ಚಂದ್ರನ್ ಚಿತ್ರಕ್ಕೆ ಪುನೀತ್ ಬಂಡವಾಳ.!

ಅರ್ಧಕ್ಕೆ ನಿಂತು ಹೋಗಿದ್ದ ಚಿತ್ರ

ರಾಗಿಣಿ ಚಂದ್ರನ್ ಅಭಿನಯದ ಮಹಿಳಾ ಪ್ರಧಾನ ಚಲನಚಿತ್ರ 'ವಿಜಯದಶಮಿ' ಈಗಾಗಲೇ ಸೆಟ್ಟೇರಿ, ಅರ್ಧಕ್ಕೆ ನಿಂತು ಹೋಗಿತ್ತು. ರಘು ಸಮರ್ಥ ನಿರ್ದೇಶನದ ಈ ಚಿತ್ರಕ್ಕೆ ಪುನೀತ್ ರಾಜ್ ಕುಮಾರ್ ಇದೀಗ ಆಪತ್ಬಾಂಧವ ಆಗಿದ್ದಾರೆ.

ಹೊಸಬರ ಬೆನ್ನಿಗೆ ನಿಲ್ಲುತ್ತಿರುವ ಅಪ್ಪು

ಪಿ.ಆರ್.ಕೆ.ಪ್ರೊಡಕ್ಷನ್ಸ್ ಮೂಲಕ ಯುವ ಪ್ರತಿಭಾನ್ವಿತರಿಗೆ ಪುನೀತ್ ರಾಜ್ ಕುಮಾರ್ ಅವಕಾಶ ನೀಡುತ್ತಿದ್ದಾರೆ. 'ವಿಜಯದಶಮಿ' ಚಿತ್ರದಲ್ಲಿ ಹೊಸತನ ಇರುವ ಕಾರಣ, ಚಿತ್ರಕಥೆಯನ್ನು ಮೆಚ್ಚಿ ಬಂಡವಾಳ ಹಾಕಲು ಪುನೀತ್ ಮನಸ್ಸು ಮಾಡಿದ್ದಾರೆ.

ರೀ-ಲಾಂಚ್ ಮಾಡಲಿರುವ ಅಪ್ಪು

'ವಿಜಯದಶಮಿ' ಚಿತ್ರಕ್ಕೆ ಪುನೀತ್ ರಾಜ್ ಕುಮಾರ್ ಮರು ಜೀವ ನೀಡುತ್ತಿದ್ದಾರೆ. ಹೀಗಾಗಿ, 'ವಿಜಯದಶಮಿ' ಬದಲು ಬೇರೊಂದು ಶೀರ್ಷಿಕೆ ಫಿಕ್ಸ್ ಮಾಡಿ ರೀ-ಲಾಂಚ್ ಮಾಡುವ ಪ್ಲಾನ್ ಮಾಡಿದ್ದಾರೆ ಪುನೀತ್ ರಾಜ್ ಕುಮಾರ್.

ಪುನೀತ್ ನಿರ್ಮಾಣದ ಚಿತ್ರಗಳು

ಹೇಮಂತ್ ನಿರ್ದೇಶನದ 'ಕವಲುದಾರಿ', ರಾಜ್.ಬಿ.ಶೆಟ್ಟಿ ನಟನೆಯ 'ಮಾಯಾಬಜಾರ್', ಪನ್ನಗಭರಣ ನಿರ್ದೇಶನದ ಡ್ಯಾನಿಶ್ ಸೇಠ್ ನಟನೆಯ ಚಿತ್ರಗಳನ್ನು ಪುನೀತ್ ಈಗಾಗಲೇ ನಿರ್ಮಾಣ ಮಾಡುತ್ತಿದ್ದಾರೆ. ಈಗ ಇದೇ ಸಾಲಿಗೆ, ರಾಗಿಣಿ ಚಂದ್ರನ್ ಅಭಿನಯದ ಚಿತ್ರ ಸೇರಿದೆ.