ಪುನೀತ್ ರಾಜ್ ಕುಮಾರ್ ಹೊಸಪೇಟೆಯ ಅಭಿಮಾನಿ ಮನೆಗೆ ಭೇಟಿ ನೀಡಿದ್ದೇಕೆ.?

ಹೊಸಪೇಟೆಯ ಅಭಿಮಾನಿ ಮನೆಗೆ ಪುನೀತ್ ಭೇಟಿ

ಪುನೀತ್ ಇತ್ತೀಚಿಗೆ ಭೇಟಿ ನೀಡಿದ ಅಭಿಮಾನಿಯ ಹೆಸರು ವಿಶ್ವ. ಸಾಕಷ್ಟು ವರ್ಷಗಳಿಂದ ಪುನೀತ್ ಅಭಿಮಾನಿಯಾಗಿರುವ ವಿಶ್ವ ಅಪ್ಪು ಅವ್ರನ್ನ ಮನೆಗೆ ಬರುವಂತೆ ಸಾಕಷ್ಟು ಹಿಂದೆಯೇ ಮನವಿ ಮಾಡಿದ್ರು. ಆ ಕೋರಿಕೆ ಇಂದು ಈಡೇರಿದೆ.

ಸಿನಿಮಾದಲ್ಲಿ ಅಪ್ಪು ಜೊತೆಯಲ್ಲಿ ಅಭಿನಯ

ಮೂರು ವರ್ಷದ ಹಿಂದೆ ಹೊಸಪೇಟೆಯ ವಿಶ್ವ ಪವರ್ ಸ್ಟಾರ್ ಹುಟ್ಟುಹಬ್ಬಕ್ಕೆ ಟಗರನ್ನ ಉಡುಗೊರೆಯಾಗಿ ನೀಡಿದ್ರು. ಅದಷ್ಟೇ ಅಲ್ಲದೆ ರಣವಿಕ್ರಮ ಸಿನಿಮಾದಲ್ಲಿ ಒಂದು ಪಾತ್ರವನ್ನೂ ನಿರ್ವಹಿಸಿದ್ರು. ವಿಶ್ವ ಹಾಗೂ ಇಡೀ ಕುಟುಂಬ ಡಾ ರಾಜ್ ಕುಮಾರ್ ಕುಟುಂಬದ ಅಭಿಮಾನಿಗಳು.

ನೆಚ್ಚಿನ ನಟನ ಆಗಮನಕ್ಕೆ ಸಂತಸ

ಬಳ್ಳಾರಿಯಿಂದ ಬೆಂಗಳೂರಿಗೆ ಬರುವ ಮುಂಚೆ ಅಪ್ಪು ವಿಶ್ವ ಅವರ ಮನೆಗೆ ಭೇಟಿ ನೀಡಿದ್ದಾರೆ. ಪುನೀತ್ ಬರುವುದನ್ನೇ ಕಾದಿದ್ದ ಅಭಿಮಾನಿ ಆರತಿ ಮಾಡಿ ಬರಮಾಡಿಕೊಂಡರು.

ಹಿರಿಯರನ್ನ ಪ್ರೀತಿಯಿಂದ ಮಾತನಾಡಿಸಿದ ಅಪ್ಪು

ಪುನೀತ್ ಬರ್ತಾರೆ ಅನ್ನೋದನ್ನ ತಿಳಿದ ವಿಶ್ವ ಅವರ ಅಕ್ಕಪಕ್ಕದ ಮನೆಯ ಮಕ್ಕಳು ಅಪ್ಪು ನೋಡಲು ಕಾತರರಾಗಿದ್ದರು. ಮನೆಗೆ ಬಂದ ಪುನೀತ್ ಮಕ್ಕಳ ಜೊತೆಯಲ್ಲಿ ಹಿರಿಯರನ್ನ ಪ್ರೀತಿಯಿಂದ ಮಾತನಾಡಿಸಿದ್ದಾರೆ.