James: ಪುನೀತ್ ರಾಜ್‌ಕುಮಾರ್ ಧ್ವನಿಯಲ್ಲಿ 'ಜೇಮ್ಸ್' ಮರುಬಿಡುಗಡೆ!

'ಜೇಮ್ಸ್' ಚಿತ್ರದಲ್ಲಿ ಇರಲಿದೆ ಅಪ್ಪು ಧ್ವನಿ!

'ಜೇಮ್ಸ್' ಚಿತ್ರವನ್ನು ನೋಡಿದ ಪ್ರತಿಯೊಬ್ಬರು ಅಪ್ಪು ಧ್ವನಿಯನ್ನು ಖಂಡಿತವಾಗಿ ಮಿಸ್ ಮಾಡಿಕೊಂಡಿದ್ದಾರೆ. ಪುನೀತ್ ರಾಜ್‌ಕುಮಾರ್ ಪಾತ್ರಕ್ಕೆ ನಟ ಶಿವರಾಜ್‌ಕುಮಾರ್ ಡಬ್ಬಿಂಗ್ ಮಾಡಿದ್ದಾರೆ. ಇದು ಅನಿವಾರ್ಗಿ ಮಾಡಲೇ ಬೇಕಾಗಿತ್ತು. ತೆರೆಯ ಮೇಲೆ ಪುನೀತ್‌ ಪಾತ್ರಕ್ಕೆ ಶಿವಣ್ಣನ ಧ್ವನಿ ಸರಿಯಾಗಿ ಹೊಂದಾಣಿಕೆ ಆಗಿದೆ. ಶಿವಣ್ಣ ಧ್ವನಿಯಲ್ಲಿ ಅಪ್ಪು ಅಭಿನಯ ನೋಡಿದವರು ಮೆಚ್ಚಿಕೊಂಡಿದ್ದಾರೆ. ಆದರೆ ಈಗ ಅಪ್ಪು ಧ್ವನಿ 'ಜೇಮ್ಸ್' ಚಿತ್ರದಲ್ಲಿ ಇರಲಿದೆ.

'ಜೇಮ್ಸ್' ಮುಂದಿನ ವಾರ ರೀ ರಿಲೀಸ್!

'ಜೇಮ್ಸ್' ಚಿತ್ರ ಕನ್ನಡ ಚಿತ್ರರಂಗದ ಪಾಲಿಗೂ ಕೂಡ ವಿಶೇಷ ಚಿತ್ರ. ಹಾಗಾಗಿ ಈ ಚಿತ್ರವನ್ನು ತೆರೆಗೆ ತರಲು 'ಜೇಮ್ಸ್' ಚಿತ್ರ ತಂಡ ಚಿಕ್ಕಾ ಪಟ್ಟೆ ಕಷ್ಟ ಪಟ್ಟಿದೆ. ಚಿತ್ರ ರಿಲೀಸ್ ಆಗುವ ಬಗ್ಗೆ ನಿರ್ದೇಶಕ ಚೇತನ್ ಕುಮಾರ್ ಫಿಲ್ಮೀ ಬೀಟ್ ಜೊತೆಗೆ ಮಾತನಾಡಿದ್ದಾರೆ. "ಮುಂದಿನ ವಾರ 'ಜೇಮ್ಸ್' ಮರು ಬಿಡುಗಡೆ ಆಗುತ್ತಿದೆ. ಇನ್ನು ಈ ಚಿತ್ರವನ್ನು ಶಿವಣ್ಣ ನೋಡಬೇಕು, ನಾವು ಚಿತ್ರವನ್ನು ನೋಡಿದ್ದೇವೆ. ಈಗ ಇರುವ ಚಿತ್ರಮಂದಿರಗಳಲ್ಲಿ ಅಪ್ಪು ಧ್ವನಿ ಇರುವ ಚಿತ್ರ ಅಪ್ಡೇಟ್ ಆಗುತ್ತದೆ" ಎಂದು ಸ್ಪಷ್ಟ ಪಡಿಸಿದ್ದಾರೆ.

'ಜೇಮ್ಸ್' ತಂಡದ ಪ್ರರಿಶ್ರಮಕ್ಕೆ ಫಲ!

ತಾಂತ್ರಿಕ ವಿಚಾರದ ಬಗ್ಗೆ ಮಾತನಾಡಿದ ಚೇತನ್ ಕುಮಾರ್, "ಜೇಮ್ಸ್ ಚಿತ್ರದಲ್ಲಿ ಅಪ್ಪು ಸರ್ ಧ್ವನಿ ತರಲು ಸಾಕಷ್ಟು ಪ್ರಯತ್ನ ಪಟ್ಟಿದ್ದೇವೆ. ತಾಂತ್ರಿಕ ಸಂಸ್ಥೆ ಒಂದಕ್ಕೆ ಇದರ ಕೆಲಸ ವಹಿಸಿದ್ದೇವು. ಅಪ್ಪು ಅವರ 15 ಗಂಟೆಯ ಧ್ವನಿ ಸಂಗ್ರಣೆಯಿಂದ, ಈ ಸಂಸ್ಥೆ ಜೇಮ್ಸ್ ಚಿತ್ರದಲ್ಲಿ ಅಪ್ಪು ಧ್ವನಿ ಉಳಿಸಿದೆ. ಮೂರು ವರ್ಷಗಳ ಪ್ರಯತ್ನದಲ್ಲಿ ಇದು ಈ ಸಂಸ್ಥೆಗೆ ಸಿಕ್ಕ ಮೊದಲ ಯಶಸ್ಸು" ಎಂದು ಹೇಳಿದ್ದಾರೆ.

Ott ಯಲ್ಲಿ 'ಜೇಮ್ಸ್' ರಿಲೀಸ್!

'ಜೇಮ್ಸ್' ಓಟಿಟಿಯಲ್ಲಿ ರಿಲೀಸ್ ಆಗಿದೆ. ಏಪ್ರಿಲ್ 14ಕ್ಕೆ ಜೇಮ್ಸ್ ಸೋನಿ ಲೈವ್‌ನಲ್ಲಿ ತೆರೆಗೆ ಬಂದಿದೆ. ಮಾರ್ಚ್ 17ರಂದು ಪುನೀತ್‌ ರಾಜ್‌ಕುಮರ್ ಹುಟ್ಟು ಹಬ್ಬಕ್ಕೆ ಅದ್ಧೂರಿಯಾಗಿ ರಿಲೀಸ್ ಆಗಿತ್ತು. ಕನ್ನಡ ಪ್ರೇಕ್ಷಕರು ತಮ್ಮ ನೆಚ್ಚಿನ ಸ್ಟಾರ್‌ಗೆ ಗೌರವ ಸಲ್ಲಿಸುವ ಮೂಲಕ ಚಿತ್ರವನ್ನು ಗಲ್ಲಾಪೆಟ್ಟಿಗೆಯಲ್ಲಿ ಗೆಲ್ಲಿಸಿದ್ದಾರೆ. ಚೇತನ್ ಕುಮಾರ್, ನಿರ್ದೇಶನದ ಈ ಚಿತ್ರದಲ್ಲಿ ಪ್ರಿಯಾ ಆನಂದ್, ಪುನೀತ್ ರಾಜ್ ಕುಮಾರ್‌ಗೆ ನಾಯಕಿಯಾಗಿ ನಟಿಸಿದ್ದಾರೆ.