ಹೇಗಿದೆ 'ಯುವರತ್ನ' ಚಿತ್ರದ ಟೈಟಲ್ ಡಿಸೈನ್ ?

'ರಾಜರತ್ನ' ಈಗ 'ಯುವರತ್ನ'ನಾಗಿದ್ದಾರೆ. 'ಯುವರತ್ನ' ನಟ ಪುನೀತ್ ರಾಜ್ ಕುಮಾರ್ ಅವರ ಬಹು ನಿರೀಕ್ಷಿತ ಸಿನಿಮಾವಾಗಿದೆ. ಈ ಚಿತ್ರದ ಟೈಟಲ್ ಡಿಸೈನ್ ಈಗ ಹೊರಬಂದಿದೆ.

ಸಿನಿಮಾದ ಟೈಟಲ್ ಡಿಸೈನ್ ಸಿದ್ಧವಾಗಿದ್ದು, ಚಿತ್ರದ ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಅದನ್ನು ತಮ್ಮ ಟ್ವಿಟ್ಟರ್ ಖಾತೆಯ ಮೂಲಕ ಹಂಚಿಕೊಂಡಿದ್ದಾರೆ. 'ಯುವರತ್ನ The Power Of Youth' ಎಂಬ ಟೈಟಲ್ ಗಮನ ಸೆಳೆಯುತ್ತಿದೆ.

ಅಭಿಮಾನಿಗಳಿಗೆ ಈ ಟೈಟಲ್ ಡಿಸೈನ್ ಮೆಚ್ಚುಗೆಯಾಗಿದೆ. ಈಗಾಗಲೇ ಸಾಕಷ್ಟು ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಅದರ ಬಗ್ಗೆ ಬರೆದುಕೊಳ್ಳುತ್ತಿದ್ದಾರೆ. ಒಂದೇ ಮಾತಿನಲ್ಲಿ ಹೇಳುವುದಾದರೆ ಟೈಟಲ್ ಡಿಸೈನ್ ಸರಳ ಮತ್ತು ಸುಂದರವಾಗಿದೆ.

ಅಂದಹಾಗೆ, ಹೊಂಬಾಳೆ ಪ್ರೊಡಕ್ಷನ್ಸ್ ನಲ್ಲಿ ಈ ಚಿತ್ರ ನಿರ್ಮಾಣ ಆಗುತ್ತಿದೆ. ಇದು ಸಂತೋಷ್ ಹಾಗೂ ಅಪ್ಪು ಕಾಂಬಿನೇಶನ್ ನ ಎರಡನೇ ಸಿನಿಮಾವಾಗಿದೆ. ತಮನ್ನಾ ಭಾಟಿಯಾ ಸಿನಿಮಾದ ನಾಯಕಿ ಆಗುವ ಸಾಧ್ಯತೆ ಹೆಚ್ಚಿದೆ.