ಸೀರಿಯಲ್ ಸಹವಾಸ 'ಪುಟ್ಟಗೌರಿ' ರಂಜನಿಗೆ ಸಾಕಾಗಿ ಹೋಗಿದೆ.!

ಇನ್ಮೇಲೆ ಧಾರಾವಾಹಿಯಲ್ಲಿ ಅಭಿನಯಿಸಲ್ಲ.!

''ಪುಟ್ಟಗೌರಿ ಮದುವೆ' ಧಾರಾವಾಹಿ ಬಳಿಕ ಇನ್ನು ಮುಂದೆ ಯಾವುದೇ ಧಾರಾವಾಹಿಯಲ್ಲಿ ಅಭಿನಯಿಸುವುದಿಲ್ಲ'' ಎಂದು ಕಡ್ಡಿ ತುಂಡು ಮಾಡಿದ ಹಾಗೆ ನಟಿ ರಂಜನಿ ರಾಘವನ್ ಹೇಳಿದ್ದಾರೆ.

ಬೆಳ್ಳಿತೆರೆ ಮೇಲೆ ಗಮನ.!

ಸೀರಿಯಲ್ ನಲ್ಲಿ ಅಭಿನಯಿಸದೆ, ಸಿನಿಮಾಗಳಲ್ಲಿ ಹೆಚ್ಚಾಗಿ ತೊಡಗಿಕೊಳ್ಳುತ್ತಾರಂತೆ ರಂಜನಿ ರಾಘವನ್. ಅದಾಗಲೇ ಸ್ಯಾಂಡಲ್ ವುಡ್ ನಿಂದ ಉತ್ತಮ ಅವಕಾಶಗಳು ಲಭಿಸುತ್ತಿರುವ ಕಾರಣ ಬೆಳ್ಳಿತೆರೆ ಮೇಲೆ ಮಿನುಗಲು ರಂಜನಿ ನಿರ್ಧರಿಸಿದ್ದಾರೆ.

ಎರಡು ಸಿನಿಮಾ ಮಾಡಿರುವ ರಂಜನಿ

ಇತ್ತೀಚೆಗಷ್ಟೇ ತೆರೆಕಂಡಿದ್ದ 'ರಾಜಹಂಸ' ಚಿತ್ರದಲ್ಲಿ ನಾಯಕಿ ಆಗಿ ರಂಜನಿ ಅಭಿನಯಿಸಿದ್ದರು. ಸದ್ಯ 'ಸೂಫಿ' ಸಿನಿಮಾದಲ್ಲೂ ನಟಿಸಿದ್ದಾರೆ ರಂಜನಿ. ಉಳಿದ ಸಾಕಷ್ಟು ಆಫರ್ ಗಳು ರಂಜನಿ ಅವರನ್ನ ಹುಡುಕಿಕೊಂಡು ಬರುತ್ತಿದೆ.

ಗಾಯಕಿ ಕೂಡ ಹೌದು

ರಂಜನಿ ರಾಘವನ್ ಶಾಸ್ತ್ರೀಯ ಸಂಗೀತವನ್ನೂ ಅಭ್ಯಾಸ ಮಾಡಿದ್ದಾರೆ. ಗಾಯನದಲ್ಲಿ ರಂಜನಿ ಯಾರಿಗೂ ಕಮ್ಮಿ ಇಲ್ಲ. ಅಂದ್ಹಾಗೆ, ಸ್ಟಾರ್ ಫಿಲ್ಮ್ ಮೇಕರ್ಸ್ ಸ್ಕೂಲ್ ಆಫ್ ಫ್ಯಾಷನ್ ವತಿಯಿಂದ ಆಯೋಜಿತವಾಗಿದ್ದ 'ಮಿಸ್ಟರ್ ಅಂಡ್ ಮಿಸ್ ಸೂಪರ್ ಮಾಡೆಲ್ 2017'ರಲ್ಲಿ ಭಾಗವಹಿಸಿದ್ದ ರಂಜನಿ ರಾಘವನ್ ಮಹಿಳಾ ವಿಭಾಗದಲ್ಲಿ ಮೊದಲ ಸ್ಥಾನ ಕೂಡ ಪಡೆದುಕೊಂಡಿದ್ದಾರೆ.