ಈ ವರ್ಷ ಕಬ್ಜ ಬಿಡುಗಡೆಯಾಗುತ್ತಾ? ಆರ್ ಚಂದ್ರು ಕೊಟ್ಟ ಉತ್ತರಕ್ಕೆ ಪಕ್ಕದಲ್ಲೇ ಇದ್ದ ಉಪ್ಪಿ ಶಾಕ್!

ಬಿಡುಗಡೆ ದಿನಾಂಕ ಘೋಷಿಸಿ ಎಂದಿದ್ದ ಕೆಪಿ ಶ್ರೀಕಾಂತ್

ಇನ್ನು ಉಪೇಂದ್ರ ನಿರ್ದೇಶನದ ಉಐ ಚಿತ್ರಕ್ಕೆ ಬಂಡವಾಳ ಹೂಡಿರುವ ನಿರ್ಮಾಪಕ ಕೆಪಿ ಶ್ರೀಕಾಂತ್ ಅವರನ್ನು ಕಬ್ಜ ಟೀಸರ್ ಸಕ್ಸಸ್ ಕಾರ್ಯಕ್ರಮಕ್ಕೆ ಅತಿಥಿಯನ್ನಾಗಿ ಆಹ್ವಾನಿಸಿದ್ದರು. ಹಾಗೂ ಕಾರ್ಯಕ್ರಮದಲ್ಲಿ ಮಾತನಾಡಿದ ಕೆಪಿ ಶ್ರೀಕಾಂತ್ ಆರ್ ಚಂದ್ರು ಅವರಿಗೆ ಚಿತ್ರದ ಬಿಡುಗಡೆ ಘೋಷಿಸಿ ಚಿತ್ರದ ಮೇಲೆ ಹೈಪ್ ಮತ್ತಷ್ಟು ಹೆಚ್ಚಾಗುತ್ತೆ ಎಂದಿದ್ದೆ ಎಂದು ಹೇಳಿಕೆ ನೀಡಿದರು.

ಚಿತ್ರ ಇದೇ ವರ್ಷ ತೆರೆಗೆ ಬರುತ್ತಾ?

ಇನ್ನು ಟೀಸರ್ ಸಕ್ಸಸ್ ಮೀಟ್ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಆರ್ ಚಂದ್ರು ಅವರಿಗೆ ಚಿತ್ರ ಯಾವಾಗ ಬಿಡುಗಡೆಯಾಗಲಿದೆ, ಇದೇ ವರ್ಷ ತೆರೆಗೆ ಬರುತ್ತಾ ಎಂಬ ಪ್ರಶ್ನೆ ಎದುರಾಯಿತು. ಈ ಪ್ರಶ್ನೆಗೆ ಉತ್ತರಿಸಿದ ನಿರ್ದೇಶಕ ಆರ್ ಚಂದ್ರು ಕೆಪಿ ಶ್ರೀಕಾಂತ್ ಕೂಡ ಚಿತ್ರದ ರಿಲೀಸ್ ಡೇಟ್ ಘೋಷಣೆ ಮಾಡೋಣ ಎಂದಿದ್ರು ಅದಕ್ಕೆ ನಾನು ಇನ್ನೊಂದು ಹದಿನೈದು ದಿನ ಸಮಯ ಕೊಡಿ ಅಂತ ಕೇಳಿದ್ದೀನಿ ಎಂದು ಹೇಳಿಕೆ ನೀಡಿದರು. ಆರ್ ಚಂದ್ರು ಈ ರೀತಿಯ ಹೇಳಿಕೆ ನೀಡಿದ ಬೆನ್ನಲ್ಲೇ ಶಾಕಿಂಗ್ ಪ್ರತಿಕ್ರಿಯೆ ನೀಡಿದ ಉಪೇಂದ್ರ ಹಾಗಾದ್ರೆ ಡಿಸೆಂಬರ್‌ಗೂ ಸಹ ಕಬ್ಜ ಇಲ್ವಾ ಎಂದು ಚಂದ್ರು ಅವರ ಕಾಲನ್ನು ಎಳೆದರು.

ಡಿಸೆಂಬರ್‌ನಲ್ಲಿ ಥಿಯೇಟರ್ ಅಂಗಳಕ್ಕೆ ಕಬ್ಜ

ಇನ್ನು ಟೀಸರ್ ಸಕ್ಸಸ್ ಕಾರ್ಯಕ್ರಮದಲ್ಲಿ ಚಿತ್ರತಂಡದ ಈ ಮಾತುಕತೆಯನ್ನು ಕೇಳಿದರೆ ಚಿತ್ರವನ್ನು ಡಿಸೆಂಬರ್ ತಿಂಗಳಿನಲ್ಲಿ ಬಿಡುಗಡೆ ಮಾಡಲು ಯೋಜನೆ ನಡೆದಿರುವುದನ್ನು ಗಮನಿಸಬಹುದು. ಹೀಗಾಗಿ ಕಬ್ಜ ವರ್ಷಾಂತ್ಯಕ್ಕೆ ರಿಲೀಸ್ ಆಗುವ ಸಾಧ್ಯತೆಗಳಿದ್ದು ಕ್ರಿಸ್‌ಮಸ್ ಹಾಗೂ ಹೊಸ ವರ್ಷಕ್ಕೆ ಉಪ್ಪಿ ಹಾಗೂ ಕನ್ನಡ ಸಿನಿ ರಸಿಕರಿಗೆ ಸಿಗುವ ಗಿಫ್ಟ್ ಎನ್ನಬಹುದು.