ಭಾರತದ ಟಾಪ್ ರೇಟಿಂಗ್ ಸಿನಿಮಾಗಳಲ್ಲಿ 'ರಾಜಕುಮಾರ'

ಜನಮೆಚ್ಚಿದ ಚಿತ್ರ ರಾಜಕುಮಾರ

ಪುನೀತ್ ರಾಜ್ ಕುಮಾರ್ ಅಭಿನಯದ ರಾಜಕುಮಾರ ಸಿನಿಮಾ ಎಲ್ಲಾ ವರ್ಗದ ಪ್ರೇಕ್ಷಕರಿಗೂ ಇಷ್ಟವಾಗಿದೆ. ಆಕ್ಷನ್, ಕಮರ್ಷಿಯಲ್, ಮಾಸ್, ಕ್ಲಾಸ್ ಎಲ್ಲಾ ರೀತಿಯ ಆಡಿಯನ್ಸ್ ಗಳಿಂದ ಮೆಚ್ಚುಗೆ ಪಡೆದಿದೆ.

ಕನ್ನಡದ ರಾಜಕುಮಾರ ಟಾಪ್ ರೇಟಿಂಗ್

ಬುಕ್ ಮೈ ಶೋ ಮೂಲಕ ಸಿನಿಮಾ ನೋಡಿದ ಜನರು ತಮ್ಮ ಅಭಿಪ್ರಾಯ ಮತ್ತು ರೇಟಿಂಗ್ ಅನ್ನು ಕಮೆಂಟ್ ಮೂಲಕ ತಿಳಿಸಿರುತ್ತಾರೆ. ಅಷ್ಟೇ ಅಲ್ಲದೆ ನಿರೀಕ್ಷಿತ ಸಿನಿಮಾಗಳಿಗೂ ಓಟು ಮಾಡಿರುತ್ತಾರೆ. ಜನರ ಆಯ್ಕೆಯ ಪ್ರಕಾರ ಭಾರತದಲ್ಲಿ ಟಾಪ್ ರೇಟಿಂಗ್ ನಲ್ಲಿರೋ ಕನ್ನಡದ ಸಿನಿಮಾ ರಾಜಕುಮಾರ.

ಕನ್ನಡದ ಏಕೈಕ ಸಿನಿಮಾ

ಬುಕ್ ಮೈ ಶೋ ನಲ್ಲಿ ಜನರು ನೀಡಿರುವ ಅಭಿಪ್ರಾಯದ ಪ್ರಕಾರ ಮೊದಲ ಸ್ಥಾನದಲ್ಲಿ ಬಾಹುಬಲಿ , ಎರಡನೇ ಸ್ಥಾನದಲ್ಲಿ ತಮಿಳಿನ ವಿಕ್ರಂ ವೇದ ಮೂರನೇ ಸ್ಥಾನದಲ್ಲಿ ಥಾರ್: ರಾಗ್ನರಾಕ್ ಇದ್ದರೆ ನಾಲ್ಕನೇ ಸ್ಥಾನವನ್ನ ರಾಜಕುಮಾರ ಚಿತ್ರ ಪಡೆದುಕೊಂಡಿದೆ.

ರಾಜಕುಮಾರನದ್ದೇ ದರ್ಬಾರು

ಸ್ಯಾಂಡಲ್ ವುಡ್ ಇಂಡಸ್ಟ್ರಿಯಲ್ಲಿ ಪುನೀತ್ ರಾಜ್ ಕುಮಾರ್ ಅಭಿನಯದ 'ರಾಜಕುಮಾರ' ಸಿನಿಮಾ ಈ ವರ್ಷ ಅತಿ ಹೆಚ್ಚು ಕಲೆಕ್ಷನ್ ಮಾಡಿದೆ. ಆದ್ರೆ, ಅಧಿಕೃತವಾಗಿ ನಿಗದಿತ ಮೊತ್ತವನ್ನ ಚಿತ್ರತಂಡ ಪ್ರಕಟ ಮಾಡಿಲ್ಲ. ಮೂಲಗಳ ಪ್ರಕಾರ ಸುಮಾರು 70 ಕೋಟಿ ದಾಟಿದೆ ಎನ್ನಲಾಗಿದೆ. ಇದು ಕನ್ನಡ ಚಿತ್ರರಂಗದ ಆಲ್ ಟೈಮ್ ರೆಕಾರ್ಡ್ ಕೂಡ ಆಗಿದೆಯಂತೆ.