'ಅಮರ್' ಚಿತ್ರಕ್ಕೆ ತಾರಾ ಮೆರುಗು: ವಿಶೇಷ ಪಾತ್ರದಲ್ಲಿ ಇಬ್ಬರು ತಾರೆಯರು.! ಯಾರವರು.?

'ಅಮರ್' ಚಿತ್ರದಲ್ಲಿ ಡಿಂಪಲ್ ಕ್ವೀನ್.!

ಅಭಿಶೇಕ್ ಅಭಿನಯಿಸುತ್ತಿರುವ ಚೊಚ್ಚಲ ಚಿತ್ರ 'ಅಮರ್'ನಲ್ಲಿ ಡಿಂಪಲ್ ಕ್ವೀನ್ ರಚಿತಾ ರಾಮ್ ಕೂಡ ಇರಲಿದ್ದಾರೆ. ಚಿತ್ರದ ಸ್ಪೆಷಲ್ ಸಾಂಗ್ ನಲ್ಲಿ ರಚಿತಾ ರಾಮ್ ಸೊಂಟ ಬಳುಕಿಸಲಿದ್ದಾರೆ.

ನಿರೂಪ್ ಭಂಡಾರಿ ಕೂಡ ಇರ್ತಾರೆ.!

ಡಿಂಪಲ್ ಕ್ವೀನ್ ರಚಿತಾ ರಾಮ್ ಮಾತ್ರ ಅಲ್ಲ. ನಿರೂಪ್ ಭಂಡಾರಿ ಕೂಡ 'ಅಮರ್' ಚಿತ್ರದಲ್ಲಿ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. 'ರಾಜರಥ' ಆದ್ಮೇಲೆ, ನಿರೂಪ್ ಭಂಡಾರಿ ಕಾಣಿಸಿಕೊಳ್ಳುತ್ತಿರುವುದು ಈ ಸಿನಿಮಾದಲ್ಲೇ.

ಬೈಕ್ ರೇಸರ್ ಆಗಿ ಅಭಿಶೇಕ್

ಅಂದ್ಹಾಗೆ, 'ಅಮರ್' ಚಿತ್ರದಲ್ಲಿ ಅಭಿಶೇಕ್ ಬೈಕ್ ರೇಸರ್ ಪಾತ್ರ ನಿರ್ವಹಿಸುತ್ತಿದ್ದಾರೆ. ಬಹುತೇಕ ಪ್ರಯಾಣದಲ್ಲೇ ಚಿತ್ರದ ಕಥೆ ಸಾಗುತ್ತದೆ. ಅಭಿಶೇಕ್ ಗೆ ತಾನ್ಯ ಹೋಪ್ ಜೋಡಿಯಾಗಿದ್ದಾರೆ.

'ಅಮರ್' ಚಿತ್ರತಂಡ...

ಅಭಿಶೇಕ್, ತಾನ್ಯ ಜೊತೆಗೆ ದೀಪಕ್ ಶೆಟ್ಟಿ, ಸುಧಾರಾಣಿ ಪ್ರಮುಖ ಪಾತ್ರದಲ್ಲಿ ಇದ್ದಾರೆ. ಸಿನಿಮಾದಲ್ಲಿ ಚಿಕ್ಕಣ್ಣ ಕಾಮಿಡಿ ಕಲರವ ಇರಲಿದೆ. ಅರ್ಜುನ್ ಜನ್ಯ ಸಂಗೀತ ಸಂಯೋಜಿಸುತ್ತಿದ್ದಾರೆ.