ರಚ್ಚು ಮೇಲೆ ಫ್ಯಾನ್ಸ್ ಬೇಸರ: ಅಭಿಮಾನಿಗಳಿಗಾಗಿ 'ಖಡಕ್' ನಿರ್ಧಾರ ಘೋಷಿಸಿದ ಬುಲ್ ಬುಲ್

ಅಭಿಮಾನಿಗಳು ಬೇಸರ

'ಐ ಲವ್ ಯೂ' ಸಿನಿಮಾದಲ್ಲಿ ರಚಿತಾ ರಾಮ್ ತುಂಬಾ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದಾರೆ. ಒಂದು ಹಾಡು ಮತ್ತು ಕೆಲವು ದೃಶ್ಯಗಳಲ್ಲಿ ಹಾಟ್ ಆಗಿ ರಚ್ಚು ಅಭಿನಯಿಸಿದ್ದಾರಂತೆ. ಇದು ಅಭಿಮಾನಿಗಳಿಗೆ ನೋವು ಉಂಟು ಮಾಡಿದೆ. ರಚಿತಾ ರಾಮ್ ಇಷ್ಟು ಬೋಲ್ಡ್ ಮಾತ್ರ ಮಾಡಬಾರದು. ಇಂತಹ ಪಾತ್ರದಲ್ಲಿ ನೋಡಲು ಕಷ್ಟವಾಗುತ್ತೆ ಎಂದು ರಚ್ಚುಗೆ ತಿಳಿಸಿದ್ದಾರೆ.

ಮೊದಲ ಸಿನಿಮಾನೂ ಇದೆ

ಅಭಿಮಾನಿಗಳ ಪ್ರತಿಕ್ರಿಯೆ ಬಳಿ ನಟಿ ರಚಿತಾ ರಾಮ್ ಒಂದು ದೃಢವಾದ ನಿರ್ಧಾರಕ್ಕೆ ಬಂದು ಬಿಟ್ಟಿದ್ದಾರೆ. ಐ ಲವ್ ಯೂ ಸಿನಿಮಾದಲ್ಲಿ ಮಾಡಿರುವಂತಹ ಪಾತ್ರಗಳನ್ನ ಮುಂದಿನ ದಿನದಲ್ಲಿ ಮಾಡಲ್ಲ. ಇದೇ ಮೊದಲ ಸಿನಿಮಾ ಮತ್ತು ಇದೇ ಕೊನೆಯ ಸಿನಿಮಾ ಎಂದು ರಚಿತಾ ಬಹಿರಂಗವಾಗಿ ಹೇಳಿಕೆ ನೀಡಿದ್ದಾರೆ.

ಈ ಸಿನಿಮಾ ಒಪ್ಪಿದ್ದು ಕಥೆ ಕೇಳಿ

ಕೇವಲ ಒಂದು ಹಾಡು ಮತ್ತು ಕೆಲವು ದೃಶ್ಯಗಳನ್ನ ಕೇಳಿ ಈ ಸಿನಿಮಾ ಮಾಡಿಲ್ಲ. ಐ ಲವ್ ಯೂ ಚಿತ್ರದ ಕಥೆ ಕೇಳಿ ಇಷ್ಟಪಟ್ಟು ಮಾಡಿದ್ದು. ಆದ್ರೆ, ಆ ಪಾತ್ರ ಮಾಡಿದ್ಮೇಲೆ ಇಂತಹ ದೃಶ್ಯಗಳಲ್ಲಿ ನಟಿಸುವ ಅವಶ್ಯಕತೆ ಇತ್ತು. ಹಾಗಾಗಿ, ಅನಿವಾರ್ಯವಾಗಿ ಮಾಡಬೇಕಾಯಿತು ಎಂದು ರಚ್ಚು ಅಭಿಮಾನಿಗಳಿಗೆ ಸ್ಪಷ್ಟನೆ ನೀಡಿದ್ದಾರೆ.

ಅಭಿಮಾನಿಗಳ ಮಾತಿಗೆ ಮಣಿದ ರಚ್ಚು

ಹಾಗ್ನೋಡಿದ್ರೆ, ಅಭಿಮಾನಿಗಳ ಮಾತಿಗೆ ರಚಿತಾ ರಾಮ್ ತುಂಬಾ ಬೆಲೆ ಕೊಡ್ತಾರೆ. ಎಲ್ಲಿಯವರೆಗೂ ನನ್ನನ್ನು ಬೇಕು ಎಂದು ಅವಕಾಶ ಕೊಡ್ತಾರೋ ಅಲ್ಲಿಯವರೆಗೂ ನಾನು ಸಿನಿಮಾದಲ್ಲಿ ನಟಿಸುತ್ತೇನೆ. ಯಾವಾಗ ಬೇಡ ಅಂತಾರೋ ಹಾಹ ನಟನೆ ನಿಲ್ಲಿಸುತ್ತೇನೆ ಎಂದು ರಚಿತಾ ಈ ಹಿಂದೆಯೂ ಹೇಳಿಕೊಂಡಿದ್ದರು. ಈಗಲೂ ಅಭಿಮಾನಿಗಳಿಗೆ ಇಷ್ಟ ಆಗ್ತಿಲ್ಲ ಎಂಬ ಕಾರಣಕ್ಕೆ ನಾನು ಇಂತಹ ಪಾತ್ರ ಮಾಡಲ್ಲ ಎಂದು ತಿಳಿಸಿದ್ದಾರೆ.