Don't Miss!
- Sports IPL 2024: ಐಪಿಎಲ್ನಲ್ಲಿ ವಿಶಿಷ್ಟ ದಾಖಲೆ ಬರೆದ ಜಯದೇವ್ ಉನಾದ್ಕಟ್; ಈ ಸಾಧನೆ ಮಾಡಿದ ಮೊದಲ ಭಾರತೀಯ
- Technology iPhones: ಬೇಕಿತ್ತಾ ಇದೆಲ್ಲ? ನಕಲಿ ಐಫೋನ್ ಮೂಲಕ ಆಪಲ್ಗೆ ಪಂಗನಾಮ ಹಾಕಿದವನಿಗೆ ಜೈಲೂಟ
- News Priyank Kharge Life Threat: ಎನ್ಕೌಂಟರ್ ಮಾಡುವುದಾಗಿ ಪ್ರಿಯಾಂಕ್ ಖರ್ಗೆಗೆ ಜೀವ ಬೆದರಿಕೆ!
- Lifestyle ಮದ್ಯದ ಅಮಲಲ್ಲಿ ತೇಲಾಡುತ್ತಿದ್ದ ಶಿಕ್ಷಕನಿಗೆ ಮಕ್ಕಳಿಂದಲೇ ಚಪ್ಪಲಿ ಏಟು..!
- Finance 2.3 ಲಕ್ಷ ರೂಪಾಯಿಗೆ 9 ನಿಂಬೆಹಣ್ಣು ಹರಾಜು, ಏನಿದರ ವಿಶೇಷತೆ ತಿಳಿಯಿರಿ
- Automobiles ಬುಕ್ ಮಾಡಿದ ರೈಲಿನ ಸೀಟಿನಲ್ಲಿ ಬೇರೆಯವರು ಕೂತಿದ್ರೆ ಏನ್ ಮಾಡಬೇಕು ಗೊತ್ತಾ? ಸಿಂಪಲ್ ಪರಿಹಾರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತೆಲುಗಿನ ನಂತರ ತಮಿಳು ಸಿನಿಮಾರಂಗಕ್ಕೆ ಕಾಲಿಡಲಿದ್ದಾರೆ ರಚಿತಾ ರಾಮ್
ಕನ್ನಡದ ಬ್ಯುಸಿ ನಟಿ ರಚಿತಾ ರಾಮ್ ತೆಲುಗು ಸಿನಿಮಾ ಒಂದರಲ್ಲಿ ನಟಿಸುತ್ತಿರುವುದು ಹೊಸ ಸುದ್ದದಿಯೇನಲ್ಲ. ಆದರೆ ರಚಿತಾ, ತಮಿಳು ಸಿನಿಮಾ ರಂಗಕ್ಕೂ ಕಾಲಿಡುತ್ತಿದ್ದಾರೆ.
ಕನ್ನಡದಲ್ಲಿ ಈಗಾಗಲೇ ಹಲವು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ ರಚಿತಾ ರಾಮ್, ಅವಕಾಶಗಳ ಮೇಲೆ ಅವಕಾಶಗಳು ಅವರನ್ನರಸಿ ಬರುತ್ತಲೇ ಇವೆ. ಇಷ್ಟು ಬ್ಯುಸಿಯಾಗಿರುವ ನಟಿಗೆ ಈಗ ತೆಲುಗು-ತಮಿಳು ಅವಕಾಶಗಳು ಸಹ ಹುಡುಕಿ ಬರುತ್ತಿವೆ.
ತೆಲುಗಿನ 'ಸೂಪರ್ ಮಚ್ಚಿ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ ರಚಿತಾ ರಾಮ್, ಇದು ಅವರ ನಟನೆಯ ಮೊದಲ ತೆಲುಗು ಸಿನಿಮಾ. ತೆಲುಗು ಸಿನಿಮಾ ಬಿಡುಗಡೆ ಆಗುವ ಮುನ್ನವೇ ರಚಿತಾ ಗೆ ತಮಿಳಿನಿಂದ ಆಫರ್ಗಳು ಬರಲಾರಂಭಿಸಿವೆ.
ತಮಿಳು ಸಿನಿಮಾದ ಬಗ್ಗೆ ಶೀಘ್ರದಲ್ಲೇ ಘೋಷಣೆ: ರಚಿತಾ
ಈ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತನಾಡಿರುವ ರಚಿತಾ ರಾಮ್, ತಮಿಳು ಸಿನಿಮಾರಂಗದಲ್ಲಿ ಆಫರ್ಗಳು ಬರುತ್ತಿವೆ. ಒಂದು ಸಿನಿಮಾ ಪಕ್ಕಾ ಆಗುವುದರಲ್ಲಿದೆ. ಆ ಸಿನಿಮಾ ಬಗ್ಗೆ ನಾನೇ ಸದ್ಯದಲ್ಲೇ ಅನೌನ್ಸ್ ಮಾಡುವೆ' ಎಂದಿದ್ದಾರೆ ರಚಿತಾ ರಾಮ್.
ನಮಗೂ ತೆಲುಗು ಸಿನಿಮಾರಂಗಕ್ಕು ಹೆಚ್ಚು ವ್ಯತ್ಯಾಸವಿಲ್ಲ: ರಚಿತಾ
ತೆಲುಗು ಸಿನಿಮಾದಲ್ಲಿ ಕೆಲಸ ಮಾಡಿರುವ ಅನುಭವದ ಬಗ್ಗೆ ಮಾತನಾಡಿರುವ ರಚಿತಾ ರಾಮ್, 'ಕನ್ನಡ ಸಿನಿಮಾರಂಗದಲ್ಲಿ ಕೆಲಸ ಮಾಡಿದಂತೆಯೇ ಅಲ್ಲಿಯೂ ಸಹ. ನಮ್ಮ ಭಾಷೆ, ಅವರ ಭಾಷೆಯಲ್ಲಿ ಸಾಕಷ್ಟು ಸಾಮ್ಯತೆ ಇದೆ. ನಾನು ಕನ್ನಡದಲ್ಲಿ ಮಾತನಾಡಿದ್ದು ಅವರಿಗೆ ಅರ್ಥವಾಗುತ್ತದೆ' ಎಂದಿದ್ದಾರೆ
ಕಲ್ಯಾಣ್ ದೇವ್ ಜೊತೆಗೆ 'ಸೂಪರ್ ಮಚ್ಚಿ'
ತೆಲುಗಿನ 'ಸೂಪರ್ ಮಚ್ಚಿ' ಸಿನಿಮಾದಲ್ಲಿ ರಚಿತಾ ರಾಮ್ ನಟಿಸುತ್ತಿದ್ದಾರೆ. ಇದರ ನಾಯಕ ಕಲ್ಯಾಣ್ ದೇವ್. ಕೊರೊನಾ ಅನ್ಲಾಕ್ ಪ್ರಾರಂಭದಲ್ಲಿಯೇ ರಚಿತಾ, ಸೂಪರ್ ಮಚ್ಚಿ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದರು. ಈ ಸಿನಿಮಾದ ಮೇಲೆ ರಚಿತಾ ಗೆ ನಿರೀಕ್ಷೆಗಳಿವೆ.
Recommended Video
ಹಲವು ಸಿನಿಮಾಗಳಲ್ಲಿ ರಚಿತಾ ರಾಮ್ ಬ್ಯುಸಿ
ಇನ್ನು ಕನ್ನಡದಲ್ಲಿ, ಪ್ರೇಮ್ ನಿರ್ದೇಶನದ 'ಏಕ್ಲವ್ ಯಾ', ರಮೇಶ್ ಅರವಿಂದ್ ಜೊತೆಗೆ '100', ವಿಜಯ್ ಗೌಡ ನಿರ್ದೇಶನದ 'ಲಿಲ್ಲಿ', ಪ್ರಜ್ವಲ್ ದೇವರಾಜ್ ಜೊತೆ 'ವೀರಂ', ಧನಂಜಯ್ ಜೊತೆಗೆ 'ಡಾಲಿ', ಚಿರಂಜೀವಿ ಸರ್ಜಾ ಜೊತೆ ನಟಿಸಿದ್ದ 'ಏಪ್ರಿಲ್', ನೀನಾಸಂ ಸತೀಶ್ ಜೊತೆಗೆ 'ಮ್ಯಾಟ್ನಿ', ದಿಗಂತ್ ಜೊತೆಗೆ ಒಂದೂರಲ್ಲಿ ಒಬ್ಬ ರಾಜ, ತಮಿಳಿನ ಕೊಲಮಾವು ಕೋಕಿಲ ರೀಮೇಕ್ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ ರಚಿತಾ.