ಐ ಲವ್ ಯೂ ಚಿತ್ರ ನೋಡಿ ರಚಿತಾ ರಾಮ್ ತಾಯಿ ಹೇಳಿದ್ದೇನು?

ರಚಿತಾ ಅಕ್ಕ, ತಾಯಿ ಸಿನಿಮಾ ನೋಡಿದ್ರು

ಐ ಲವ್ ಯೂ ಚಿತ್ರವನ್ನ ರಚಿತಾ ರಾಮ್ ಅವರ ಅಕ್ಕ ನಿತ್ಯಾ ರಾಮ್ ಮತ್ತು ತಾಯಿ ನೋಡಿದರಂತೆ. ''ನನ್ನ ಮಗಳ ಸಿನಿಮಾ ಅನ್ನೋದಕ್ಕಿಂತ ಉಪೇಂದ್ರ-ರಚಿತಾ ಸಿನಿಮಾ ಅಂತ ಹೋಗಿದ್ದೆ. ತುಂಬಾ ಚೆನ್ನಾಗಿ ನಟಿಸಿದ್ದಿಯಾ. ಅದರಲ್ಲೂ ಆ ಹಾಡಿನಲ್ಲಂತೂ ಅದ್ಭುತ ಪರ್ಫಾಮೆನ್ಸ್. ಎಕ್ಸ್ ಪ್ರೆಶನ್ ಚಿಂದಿ. ಯೂ ಕಿಲ್ಡ್ ಹಿಟ್' ಎಂದು ಹೊಗಳಿದರಂತೆ.

ನೆಗಿಟೀವ್ ಬಗ್ಗೆ ಕೇರ್ ಮಾಡಲ್ಲ

'ನಮ್ಮ ತಾಯಿನೇ ಸಿನಿಮಾ ನೋಡಿ ಮೆಚ್ಚಿಕೊಂಡರು. ಇನ್ಯಾರು ಈ ಹಾಡಿನ ಬಗ್ಗೆ ಅಥವಾ ನನ್ನ ಪಾತ್ರದ ಬಗ್ಗೆ ನೆಗಿಟೀವ್ ಹೇಳಿಕೊಂಡರು ನಾನು ತಲೆಕೆಡಿಸಿಕೊಳ್ಳಲ್ಲ' ಎಂದು ರಚಿತಾ ರಾಮ್ ಟಿವಿ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.

'ಮಾಸ್ಟರ್ ಪೀಸ್' ಸಾಂಗ್ ಅದು

ಐ ಲವ್ ಯೂ ಚಿತ್ರದಲ್ಲಿರುವ ರೋಮ್ಯಾಂಟಿಕ್ ಹಾಡಿನ ಬಗ್ಗೆ ಮಾತನಾಡಿದ ರಚಿತಾ ರಾಮ್ ''ಇದು ಮಾಸ್ಟರ್ ಪೀಸ್ ಹಾಡು, ಕಿರಣ್ ಅವರು ಒಳ್ಳೆಯ ಹಾಡು ಕೊಟ್ಟಿದ್ದಾರೆ. ಅಷ್ಟು ಒಳ್ಳೆ ಹಾಡು ಬಂದಿದ್ದಕ್ಕೆ ನಮಗೆ ಪರ್ಫಾಮ್ ಮಾಡೋಕೆ ಸಾಧ್ಯವಾಗಿದ್ದು. ಚಿನ್ನಿ ಮಾಸ್ಟರ್ ಕೊರಿಯೋಗ್ರಫಿ ಸೂಪರ್. ರೋಮ್ಯಾಂಟಿಕ್ ಹಾಡುಗಳಿಗೆ ಅವರು ಫೇಮಸ್ ಅಂತ ಕೇಳಿದ್ದೆ, ಅದನ್ನ ಈ ಸಿನಿಮಾದಲ್ಲಿ ನೋಡಿದೆ'' ಎಂದು ಖುಷಿ ಹಂಚಿಕೊಂಡರು.

ಸಕ್ಸಸ್ ಮೀಟ್ ನಲ್ಲೂ ಭಾಗಿಯಾಗಿಲ್ಲ

ರಚಿತಾ ರಾಮ್ ತಮ್ಮ ಸಿನಿಮಾಗಳ ಪ್ರಚಾರದಲ್ಲಿ ಮಿಸ್ ಮಾಡದೆ ಭಾಗಿಯಾಗ್ತಾರೆ. ಆದರೆ ಐ ಲವ್ ಯೂ ಸಿನಿಮಾದಲ್ಲಿ ಪ್ರಚಾರದಿಂದ ಸ್ವಲ್ಪ ದೂರು ಉಳಿದಿದ್ದಾರೆ. ಕೆಲವೇ ಸಂದರ್ಶನ ಮಾತ್ರ ಕೊಟ್ಟಿದ್ದು, ಮುಖ್ಯವಾದ ಕಾರ್ಯಕ್ರಮಗಳಲ್ಲಿ ಭಾಗಿಯಾಗಿಲ್ಲ. ತೆಲುಗಿನ ಪ್ರೀ-ರಿಲೀಸ್ ಕಾರ್ಯಕ್ರಮ ಹಾಗೂ ಐ ಲವ್ ಯೂ ಸಕ್ಸಸ್ ಮೀಟ್ ನಲ್ಲೂ ಕಾಣಿಸಿಕೊಂಡಿಲ್ಲ. ಇದು ಹಲವು ಅನುಮಾನಕ್ಕೆ ಕಾರಣವಾಗಿದೆ.