ಕನ್ನಡದ ಈ ಸ್ಟಾರ್ ಕಲಾವಿದರು ವೋಟ್ ಮಾಡಿಲ್ಲ

ಹಕ್ಕು ಚಲಾಯಿಸದ ರಚಿತಾ ರಾಮ್

ಸ್ಟಾರ್ ಕಲಾವಿದರು ಮತದಾನ ಮಾಡಿದ ಫೋಟೋಗಳು ಸಾಮಾಜಿಕಾ ಜಾಲತಾಣದಲ್ಲಿ ಹರಿದಾಡುತ್ತಿವೆ. ಆದ್ರೆ ಈ ಲಿಸ್ಟ್ ನಲ್ಲಿ ನಟಿ ರಚಿತಾ ಫೋಟೋ ಕಾಣುತ್ತಿಲ್ಲ. ಬೆಂಗಳೂರು ಗ್ರಾಮಂತರ ಕ್ಷೇತ್ರಕ್ಕೆ ಸೇರುವ ಆರ್ ಆರ್ ನಗರದಲ್ಲಿ ರಚಿತಾ ವೋಟ್ ಮಾಡಬೇಕಿತ್ತು. ಆದ್ರೆ ಈ ಬಾರಿ ಲೋಕಸಭಾ ಚುನಾವಣೆಯಲ್ಲಿ ಡಿಂಪಲ್ ಕ್ವೀನ್ ಮತ ಚಲಾಯಿಸಿಲ್ಲ. ಸದ್ಯ 'ಆನಂದ್' ಚಿತ್ರದಲ್ಲಿ ಬ್ಯುಸಿ ಇರುವ ರಚಿತಾ ತನ್ನ ಹಕ್ಕು ಚಲಾಯಿಸದೆ ಇರುವುದು ಅನೇಕರಿಗೆ ಬೇಸರ ತಂದಿದೆ.

ವೋಟ್ ಮಾಡದ ರಶ್ಮಿಕಾ ಮಂದಣ್ಣ

ತೆಲುಗು ಚಿತ್ರರಂಗದಲ್ಲಿ ಮಿಂಚುತ್ತಿರುವ ಕನ್ನಡದ ನಟಿ ರಶ್ಮಿಕಾ ಈ ಬಾರಿ ಲೋಕಸಭಾ ಚುನಾವಣೆಯಲ್ಲಿ ಮತದಾನ ಮಾಡಿಲ್ಲ. ರಶ್ಮಿಕಾ ತವರೂರಾದ ವಿರಾಚಪೇಟೆಯಲ್ಲಿ ಮತದಾನ ಮಾಡಬೇಕಾಗಿತ್ತು. ಆದ್ರೆ ತನ್ನ ಹಕ್ಕು ಚಲಾಯಿಸದೆ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ತೆಲುಗು ನಟ ವಿಜಯ್ ದೇವರಕೊಂಡ ಜೊತೆ 'ಡಿಯರ್ ಕಾಮ್ರೇಡ್' ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ ಕಿರಿಕ್ ಬೆಡಗಿ.

ಇಟಲಿಯಲ್ಲಿ ಮೇಘನಾ- ಚಿರು

ನಟಿ ಮೇಘನಾ ರಾಜ್ ಮತ್ತು ಚಿರಂಜೀವಿ ಸರ್ಜಾ ವೋಟ್ ಮಾಡದೆ ವಿದೇಶಿ ಪ್ರವಾಸದಲ್ಲಿ ಜಾಲಿ ಮಾಡುತ್ತಿದ್ದಾರೆ. ಇಟಲಿ ಪ್ರವಾಸದಲ್ಲಿ ಇರುವ ಮೇಘನಾ ದಂಪತಿ ಈ ಬಾರಿಯ ಲೋಕಸಭಾ ಚುನಾವಣೆಯಲ್ಲಿ ಹಕ್ಕು ಚಲಾಯಿಸದೆ ಅನೇಕರ ಅಸಮದಾನಕ್ಕೆ ಕಾರಣರಾಗಿದ್ದಾರೆ. ಅಪ್ಪ-ಅಮ್ಮನ ಜೊತೆ ಬಂದು ಪ್ರತಿಬಾರಿಯೂ ಮತ ಚಲಾಯಿಸುತ್ತಿದ್ದ ಮೇಘನಾ ಈ ಬಾರಿ ಮತದಾನದ ಸಮಯದಲ್ಲಿ ಪತಿ ಚಿರು ಜೊತೆ ವಿದೇಶಿ ಫ್ಲೈಟ್ ಹತ್ತಿದ್ದಾರೆ.

ವಿದೇಶದಲ್ಲಿರುವ ಪುನೀತ್ ರಾಜ್ ಕುಮಾರ್

ಪ್ರತಿಬಾರಿಯೂ ತಪ್ಪದೆ ಬೆಳಗ್ಗೆಯೇ ಮತಗಟ್ಟಿಗೆ ಹೋಗಿ ಮತದಾನ ಮಾಡುತ್ತಿದ್ದ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಈ ಬಾರಿಯ ಲೋಕಸಭಾ ಚುನಾವಣೆಯಲ್ಲಿ ಮತದಾನ ಮಾಡಿಲ್ಲ. ವಿದೇಶಿ ಪ್ರವಾಸದಲ್ಲಿರುವ ಪುನೀತ್ ದಂಪತಿ ಲೋಕಸಭಾ ಚುನಾವಣೆಯಲ್ಲಿ ಮತ ಚಲಾಯಿಸದೆ ಇರುವುದು ಅನೇಕರ ಅಸಮದಾನಕ್ಕೆ ಕಾರಣವಾಗಿದೆ.

ಮೂರನೇ ಬಾರಿಯೂ ಮತದಾನ ಮಾಡದ ರಮ್ಯಾ

ಮಂಡ್ಯ ಲೋಕಸಭಾ ಕ್ಷೇತ್ರದ ಮತದಾರ ಪಟ್ಟಿಯಲ್ಲಿ ರಮ್ಯಾ ಹೆಸರಿದೆ. ಆದರೆ, ನಿನ್ನೆ (ಗುರುವಾರ) ನಡೆದ ಮೊದಲ ಹಂತದ ಲೋಕಸಭಾ ಚುನಾವಣೆಯಲ್ಲಿ ರಮ್ಯಾ ಮತದಾನ ಮಾಡಲು ಬರಲಿಲ್ಲ. ಅದಕ್ಕೂ ಹಿಂದೆ ಮಂಡ್ಯದಲ್ಲಿ ನಡೆದ ಲೋಕಸಭಾ ಮರು ಚುನಾವಣೆ, ಹಾಗೂ ವಿಧಾನಸಭೆ ಚುನಾವಣೆಯಲ್ಲಿಯೂ ರಮ್ಯಾ ವೋಟ್ ಒತ್ತಿರಲಿಲ್ಲ. ಮೂರು ಬಾರಿಯೂ ವೋಟ್ ಮಾಡದೆ ಹ್ಯಾಟ್ರಿಕ್ ಸಾಧನೆ ಮಾಡಿದ್ದಾರೆ.