ಸಿಗರೇಟು ಸೇದುತ್ತಿರುವ ರಚಿತಾ ರಾಮ್ ಫೋಟೋ ವೈರಲ್

ರಚಿತಾ ಕೈಗೆ ಸಿಗರೇಟು ಕೊಟ್ಟ ಪ್ರೇಮ್

ರಚಿತಾ ಕೈಗೆ ಸಿಗರೇಟು ಕೊಟ್ಟಿದ್ದು ಮತ್ಯಾರು ಅಲ್ಲ ನಿರ್ದೇಶಕ ಪ್ರೇಮ. ಏಕ್ ಲವ್ ಯಾ ಸಿನಿಮಾಗಾಗಿ ರಚಿತಾ ಸಿಗರೇಟು ಸೇದಿದ್ದಾರೆ. ಈ ಚಿತ್ರದಲ್ಲಿ ರಚಿತಾ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ವಿಶೇಷ ಅಂದ್ರೆ ಸ್ಯಾಂಡಲ್ ವುಡ್ ನ ಕ್ರೇಜಿ ಸ್ಟಾರ್ ರಕ್ಷಿತಾ ಕೂಡ ಒಂದು ಹಾಡಿನಲ್ಲಿ ಹೆಜ್ಜೆಹಾಕಿದ್ದಾರೆ.

ವರ್ಷಗಳ ಬಳಿಕ ರಕ್ಷಿತಾ ಅಭಿನಯ

ಅನೇಕ ವರ್ಷಗಳ ಬಳಿಕ ರಕ್ಷಿತಾ ಬಣ್ಣಹಚ್ಚಿದ್ದಾರೆ. ರಚಿತಾ ಮತ್ತು ರಕ್ಷಿತಾ ಇಬ್ಬರು ಒಂದೆ ಸಿನಿಮಾದಲ್ಲಿ ಕಾಣಿಸಿಕೊಂಡಿರುವುದು ಇಬ್ಬರ ನಟಿಯರ ಅಭಿಮಾನಿಗಳಿಗೆ ಫುಲ್ ಖುಷ್. ಅಂದ್ಹಾಗೆ ರಕ್ಷಿತಾ ಒಂದು ಹಾಡಿನಲ್ಲಿ ಮಾತ್ರ ಕಾಣಿಸಿಕೊಳ್ಳುತ್ತಿದ್ದಾರೆ. ರಚಿತಾ ರಾಮ್ ಪಾತ್ರ ಹೇಗಿರಲಿದೆ ಎನ್ನುವುದು ಇನ್ನು ರಿವೀಲ್ ಆಗಿಲ್ಲ.

ಬೋಲ್ಡ್ ಪಾತ್ರದಲ್ಲಿ ರಚಿತಾ

ಫೋಟೋಗಳನ್ನು ನೋಡುತ್ತಿದ್ದರೆ ರಚಿತಾ ಸಖತ್ ಬೋಲ್ಡ್ ಆಗಿ ಮಿಂಚಿದ್ದಾರೆ ಎನಿಸುತ್ತೆ. ಡ್ರಿಂಕ್ಸ್, ಸ್ಮೋಕ್ ಮಾಡುವ ಯುವತಿಯ ಪಾತ್ರದಲ್ಲಿ ರಚಿತಾ ಕಾಣಿಸಿಕೊಂಡಿದ್ದಾರೆ. ಇನ್ನು ವಿಶೇಷ ಅಂದರೆ ಚಿತ್ರದಲ್ಲಿ ರಚಿತಾ ಲಿಪ್ ಲಾಕ್ ದೃಶ್ಯದಲ್ಲಿಯೂ ಕಾಣಿಸಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ.

ರಾಣಾ ಅಭಿನಯದ ಮೊದಲ ಸಿನಿಮಾ

ಏಕ್ ಲವ್ ಯಾ ರಕ್ಷಿತಾ ಸಹೋದರ ರಾಣಾ ನಯಕನಾಗಿ ಕಾಣಿಸಿಕೊಳ್ಳುತ್ತಿರುವ ಸಿನಿಮಾ. ಮೊದಲ ಬಾರಿಗೆ ರಾಣಾ ಸಿನಿ ಪ್ರಿಯರ ಮುಂದೆ ಬರುತ್ತಿದ್ದಾರೆ. ಚಿತ್ರಕ್ಕೆ ರಕ್ಷಿತಾ ಬಂಡವಾಳ ಹೂಡಿದ್ದಾರೆ, ಪ್ರೇಮ್ ನಿರ್ದೇಶನ ಮಾಡುತ್ತಿದ್ದಾರೆ. ಈಗಾಗಲೆ ಸಾಕಷ್ಟು ಕುತೂಹಲ ಮೂಡಿಸಿರುವ ಸಿನಿಮಾದ ಮೊದಲ ಟೀಸರ್ ನಾಳೆ ಪ್ರೇಮಿಗಳ ದಿನಾಚರಣೆ ದಿನ ತೆರೆಗೆ ಬರುತ್ತಿದೆ.