ಮಫ್ತಿ ಪೊಲೀಸ್ ಆಗಲಿದ್ದಾರೆ ಡಿಂಪಲ್ ಕ್ವೀನ್ ರಚಿತಾ ರಾಮ್!

ಆರ್.ಜೆ.ಮಯೂರ್ ನಿರ್ದೇಶನ

ರಚಿತಾ ರಾಮ್ ತಮ್ಮ ಹೊಸ ಸಿನಿಮಾದಲ್ಲಿ ಪೊಲೀಸ್ ಪಾತ್ರವನ್ನು ಮಾಡಲಿದ್ದಾರೆ. ಈ ಚಿತ್ರವನ್ನು ಆರ್.ಜೆ.ಮಯೂರ್ ನಿರ್ದೇಶನ ಮಾಡಲಿದ್ದಾರೆ.

'ರಿಷಭಪ್ರಿಯ' ಬಳಿಕ

ಈ ಹಿಂದೆ ರಚಿತಾ ನಿರ್ಮಾಣದ 'ರಿಷಭಪ್ರಿಯ' ಕಿರುಚಿತ್ರವನ್ನು ನಿರ್ದೇಶನ ಮಾಡಿದ್ದ ಆರ್.ಜೆ.ಮಯೂರ್ ಇದೇ ಮೊದಲ ಬಾರಿಗೆ ದೊಡ್ಡ ಸಿನಿಮಾವನ್ನು ಮಾಡುತ್ತಿದ್ದಾರೆ.

ಮಫ್ತಿ ಪೊಲೀಸ್

ಚಿತ್ರದಲ್ಲಿ ರಚಿತಾ ಪೊಲೀಸ್ ಪಾತ್ರವನ್ನು ಮಾಡುತ್ತಿದ್ದರು, ಇಲ್ಲಿ ಅವರು ಖಾಕಿ ತೊಡುವುದಿಲ್ಲವಂತೆ. ಮಫ್ತಿ ಪೊಲೀಸ್ ವೇ‍ಷದಲ್ಲಿ ರಚಿತಾ ಚಿತ್ರದಲ್ಲಿ ಕಾಣಿಸಿಕೊಳಲಿದ್ದಾರೆ. ಇನ್ನು ಇಡೀ ಚಿತ್ರದಲ್ಲಿ ರಚಿತಾ ಲುಕ್ ಮತ್ತು ಡೈಲಾಗ್ ಗಳು ಸಖತ್ ಖಡಕ್ ಆಗಿ ಇರಲಿದೆಯಂತೆ.

ಡಿಸೆಂಬರ್ ನಲ್ಲಿ ಶುರು

ರಚಿತಾ ಅವರ ಈ ಹೊಸ ಸಿನಿಮಾ ಡಿಸೆಂಬರ್ ಮೂರನೇ ವಾರ ಶುರುವಾಗಲಿದ್ದು, ಜನವರಿ ಅಂತ್ಯಕ್ಕೆ ಶೂಟಿಂಗ್ ಮುಗಿಸುವ ಪ್ಲಾನ್ ಚಿತ್ರತಂಡದ್ದು. ಇನ್ನು ಅಂದುಕೊಂಡಂತೆ ಸಿನಿಮಾ ಮೇ ವೇಳೆಗೆ ರಿಲೀಸ್ ಆಗಲಿದೆ.

ಕನ್ನಡಿಗರಿಗೆ ಮಾತ್ರ

ಈ ಸಿನಿಮಾದ ಟೈಟಲ್ ಇನ್ನೂ ಫಿಕ್ಸ್ ಆಗಿಲ್ಲ. ಆದರೆ 'ಈ ಚಿತ್ರ ಕಡ್ಡಾಯವಾಗಿ ಕನ್ನಡಿಗರಿಗೆ ಮಾತ್ರ' ಎನ್ನುವ ಮೂಲಕ ನಿರ್ದೇಶಕರು ದೊಡ್ಡ ನಿರೀಕ್ಷೆ ಹುಟ್ಟಿಸಿದ್ದಾರೆ.

ಪೊಲೀಸ್ ಆದ ನಾಯಕಿಯರು

ಈ ಹಿಂದೆ ನಟಿ ಮಾಲಾಶ್ರೀ, ಪ್ರೇಮಾ, ರಾಗಿಣಿ, ಪ್ರಿಯಾಂಕ ಉಪೇಂದ್ರ ಪೊಲೀಸ್ ಆಗಿ ತೆರೆ ಮೇಲೆ ತಮ್ಮ ಖದರ್ ಪ್ರದರ್ಶನ ಮಾಡಿದ್ದರು. ಈಗ ರಚಿತಾ ಪೊಲೀಸ್ ಆಗಿ ಹೇಗೆ ಕಾಣಿಸುತ್ತಾರೆ ಎನ್ನುವ ಕುತೂಹಲ ಹೆಚ್ಚಾಗಿದೆ.