ಬೋಲ್ಡ್ ಪಾತ್ರ ಒಪ್ಪಿಕೊಂಡ ರಿಯಲ್ ಕಾರಣ ತಿಳಿಸಿದ ರಚಿತಾ ರಾಮ್

ಪ್ರೇಮ್ ಜೊತೆ ಕೆಲಸ ಮಾಡುವ ಆಸೆ ಇತ್ತು

ನಿರ್ದೇಶಕ ಪ್ರೇಮ್ ಜೊತೆಗೆ ಒಂದು ಸಿನಿಮಾದಲ್ಲಿಯಾದರೂ, ಕೆಲಸ ಮಾಡಬೇಕು ಎನ್ನುವುದು ರಚಿತಾ ರಾಮ್ ಆಸೆಯಾಗಿತಂತೆ. ಈ ಪಾತ್ರ ಆಯ್ಕೆ ಮಾಡಲು ಇದೇ ಮೊದಲ ಕಾರಣ ಎಂದು ರಚಿತಾ ತಿಳಿಸಿದ್ದಾರೆ. ತಮ್ಮ ಸಿನಿಮಾಗಳಲ್ಲಿ ಪ್ರೇಮ್ ನಟಿಯರಿಗೆ ಕೊಡುವ ಪ್ರಾಮುಖ್ಯತೆ ರಚಿತಾಗೆ ತುಂಬ ಇಷ್ಟವಂತೆ. 'ಜೋಗಿ' ಚಿತ್ರವನ್ನು ಅವರು ಏಳು ಬಾರಿ ನೋಡಿದ್ದಾರಂತೆ.

ಇದು ತುಂಬ ತುಂಬ ವಿಭಿನ್ನ ಪಾತ್ರ

ರಚಿತಾ ರಾಮ್ ಮೊದಲ ಬಾರಿಗೆ ಇಂತಹ ವಿಭಿನ್ನ ಪಾತ್ರವನ್ನು ಪ್ರಯತ್ನ ಮಾಡುತ್ತಿದ್ದಾರಂತೆ. ನನ್ನ ಪಾತ್ರ ಬಹಳ ಇಷ್ಟ ಆಯ್ತು ಹಾಗಾಗಿ ಸಿನಿಮಾ ಒಪ್ಪಿಕೊಂಡೆ ಎಂದು ರಚಿತಾ ಹೇಳಿದ್ದಾರೆ. ಪಾತ್ರಕ್ಕಾಗಿ ಮೊದಲ ಬಾರಿಗೆ ಸ್ಮೋಕ್ ಮಾಡಿದ್ದೇನೆ. ದೃಶ್ಯಗಳು ತುಂಬ ಚೆನ್ನಾಗಿ ಬಂದಿವೆ. ಟೀಸರ್ ನಲ್ಲಿ ಒಂದು ಜಲಕ್ ಬಿಟ್ಟದ್ದು, ಸಿನಿಮಾದಲ್ಲಿ ಇನ್ನು ತುಂಬ ಇದೆ ಎಂದಿದ್ದಾರೆ ರಚಿತಾ.

ಪಾಸಿಟಿವ್ ಆದ್ರು, ನೆಗೆಟಿವ್ ಆದ್ರು ಸುದ್ದಿ ಸುದ್ದಿನೇ

ಟೀಸರ್ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಆಗುತ್ತಿರುವ ಟ್ರೋಲ್ ಗಳ ಬಗ್ಗೆ ರಚಿತಾ ರಾಮ್ ಪ್ರತಿಕ್ರಿಯೆ ನೀಡಿದ್ದಾರೆ. ''ಪಾಸಿಟಿವ್ ಆದ್ರು, ನೆಗೆಟಿವ್ ಆದ್ರು ಸುದ್ದಿ ಸುದ್ದಿನೇ. ನ್ಯೂಸ್ ಆಗಬೇಕು.. ಸದ್ದು ಮಾಡಬೇಕು. ನಾನು ಟ್ರೋಲ್ ಗಳನ್ನು ನೋಡಿದ್ದೇನೆ. ಒಬ್ಬ ವ್ಯಕ್ತಿ ಬಗ್ಗೆ ಒಳ್ಳೆಯದನ್ನು ಹೇಳೋಣ''. ಎಂದು ರಚಿತಾ ಪ್ರತಿಕ್ರಿಯಿಸಿದ್ದಾರೆ.

ಅಭಿಮಾನಿಗಳ ಬಗ್ಗೆ ರಚಿತಾ ಮಾತು

''ಜೀವನದಲ್ಲಿ ಯಾರೇ ಆಗಲಿ ಒಂದೇ ಸಲ ಎಡವುತ್ತಾರೆ. ನಾನು ಸಿನಿಮಾದಲ್ಲಿ ಒಂದು ಕಂಟೆಂಟ್ ಇರುವ ಕಾರಣಕ್ಕೆ ಈ ಪಾತ್ರ ಒಪ್ಪಿಕೊಂಡೆ. ಇಂತಹ ಪಾತ್ರ ಮಾಡಬೇಡಿ ಅಂತ ಅಭಿಮಾನಿಗಳು ಪ್ರೀತಿಯಿಂದ ಹೇಳುತ್ತಾರೆ. ಆದರೆ, ಸಿನಿಮಾ ನೋಡಿ, ಆ ನಂತರ ಹೇಳಿ. ಅಭಿಮಾನಿಗಳು ಇಲ್ಲದೆ ರಚಿತಾ ಸೊನ್ನೆ.'' ಎಂದು ರಚಿತಾ ಹೇಳಿದ್ದಾರೆ.