ನಿಂತು ಹೋದ 'ರಾಧಿಕಾ' ಚಿತ್ರದ ಬಗ್ಗೆ ನಿರ್ದೇಶಕ ಬಿಚ್ಚಿಟ್ಟ ಸತ್ಯ

ರಾಧಿಕಾ ಚಿತ್ರಕ್ಕೆ ಎಳ್ಳು-ನೀರು ಬಿಟ್ಟ ನಿರ್ದೇಶಕ

ನಿರ್ದೇಶಕ ರಘುರಾಮ್ ಚಂದನವನದಲ್ಲಿ ವಿಭಿನ್ನ ರೀತಿಯ ಸಿನಿಮಾ ಮಾಡಬೇಕು ಅನ್ನೋ ಉದ್ದೇಶದಿಂದ 'ನಮಗಾಗಿ' ಚಿತ್ರವನ್ನ ಡೈರೆಕ್ಟ್ ಮಾಡಲು ಮುಂದಾಗಿದ್ದರು. ಪ್ರಾರಂಭದಲ್ಲಿ ಚಿತ್ರೀಕರಣ ಭರದಿಂದ ಸಾಗಿತ್ತು. ಕೆಲ ದಿನಗಳ ನಂತರ ನಿರ್ಮಾಪಕರ ಸಮಸ್ಯೆಯಿಂದ ಚಿತ್ರ ನಿಂತು ಹೋಯಿತು.

ಅರ್ಧಕ್ಕೆ ನಿಂತ ಸಿನಿಮಾ

'ನಮಗಾಗಿ' ಸಿನಿಮಾವನ್ನ ವೇಣುಗೋಪಾಲ್ ಎನ್ನುವವರು ನಿರ್ಮಾಣ ಮಾಡಿದ್ದರು. ಶೂಟಿಂಗ್ ಪ್ರಾರಂಭವಾಗಿ ಕೆಲವೇ ದಿನಗಳಲ್ಲಿ ಸಮಸ್ಯೆಗಳು ಎದುರಾಗಿ ಚಿತ್ರ ನಿರ್ಮಾಣ ಮಾಡದೆ ಸುಮ್ಮನಾಗಿದ್ದರು. ನಂತರ ನಟಿ ರಾಧಿಕಾ ಕುಮಾರಸ್ವಾಮಿ ಅವರೇ ಚಿತ್ರವನ್ನ ನಿರ್ಮಾಣ ಮಾಡಲು ಮುಂದೆ ಬಂದಿದ್ದರು ಆದರೆ ಚಿತ್ರ ಮಾತ್ರ ಮುಂದುವರೆಯಲಿಲ್ಲ.

'ನಮಗಾಗಿ' ಚಿತ್ರದ ಕಥೆ ಅಂತ್ಯ

'ನಮಗಾಗಿ' ಸಿನಿಮಾದಿಂದ ಏನೆಲ್ಲಾ ಆಯ್ತು, ಚಿತ್ರದಿಂದ ಏನೆಲ್ಲಾ ಕಳೆದುಕೊಂಡೆ ಎನ್ನುವುದರ ಬಗ್ಗೆ ನಿರ್ದೇಶಕ ರಘುರಾಮ್ ಟ್ವಿಟ್ ಮಾಡಿದ್ದಾರೆ. ಸಾಕಷ್ಟು ಪ್ರಯತ್ನ ಪಟ್ಟರು ಚಿತ್ರೀಕರಣ ಮತ್ತೆ ಪ್ರಾರಂಭ ಮಾಡಲು ಸಾಧ್ಯವಾಗಲಿಲ್ಲ ಎನ್ನುವುದರ ಬಗ್ಗೆ ಬೇಸರ ವ್ಯಕ್ತ ಪಡಿಸಿದ್ದಾರೆ.

'ನಮಗಾಗಿ' ಚಿತ್ರ ಮುಗಿದ ಅಧ್ಯಾಯ

'ನಮಗಾಗಿ' ಸಿನಿಮಾ ಚಿತ್ರೀಕರಣ ಮತ್ತೆ ಶುರುವಾಗುವುದಿಲ್ಲ, ನಿರ್ಮಾಪಕರೇ ಪ್ರಯತ್ನ ಪಟ್ಟರು ನಾನು ನಿರ್ದೇಶನ ಮಾಡುವುದಿಲ್ಲ ಎಂದಿದ್ದಾರೆ ನಿರ್ದೇಶಕ ರಘುರಾಮ್. ಸತತ ಮೂರು ವರ್ಷ 'ನಮಗಾಗಿ' ಸಿನಿಮಾಗಾಗಿ ಎಲ್ಲಾ ಕೆಲಸ ಹಾಗೂ ಅಭಿನಯದ ಕಡೆಗೂ ಗಮನ ಕೊಡದೆ ಸಮಯ ವ್ಯರ್ಥ ಮಾಡಿದ್ದಾರೆ. ಹಾಗಾಗಿ ಇನ್ನು ಮುಂದೆ ನಮಗಾಗಿ ಚಿತ್ರ ಮುಗಿದ ಅಧ್ಯಾಯ.