Don't Miss!
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಯಶ್-ರಾಧಿಕಾ ಮುದ್ದು ಮಗನ ಹೆಸರು ಬಹಿರಂಗ
ಸ್ಯಾಂಡಲ್ ವುಡ್ ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ಮುದ್ದು ಮಗನ ಹೆಸರು ಬಹಿರಂಗವಾಗಿದೆ. ಯಶ್ ಮತ್ತು ರಾಧಿಕಾ ಮಗನ ನಾಮಕರಣದ ವಿಡಿಯೋವನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳುವ ಮೂಲಕ ಮಗನ ಹೆಸರನ್ನು ರಿವೀಲ್ ಮಾಡಿದ್ದಾರೆ.
Recommended Video
ರಾಕಿಂಗ್ ಸ್ಟಾರ್ ಪುತ್ರನಿಗೆ ಏನು ಹೆಸರಿಡಲಿದ್ದಾರೆ ಎನ್ನುವ ಕುತೂಹಲ ಅಭಿಮಾನಿಗಳಲ್ಲಿ ಮನೆ ಮಾಡಿತ್ತು. ಮಗನ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹೊಂಚಿಕೊಂಡರೆ ಸಾಕು ಅಭಿಮಾನಿಗಳು ಹೆಸರಿನ ಬಗ್ಗೆ ಚರ್ಚೆ ಮಾಡುತ್ತಿದ್ದರು. ಇದೀಗ ಯಶ್ ದಂಪತಿಯ ಎರಡನೇ ಮಗುವಿನ ಹೆಸರನ್ನು ಬಹಿರಂಗ ಪಡಿಸುವ ಮೂಲಕ ಕುತೂಹಲಕ್ಕೆ ತೆರೆ ಎಳೆದಿದ್ದಾರೆ. ಮುಂದೆ ಓದಿ..
ಮುದ್ದು ಮಗನಿಗೆ ಹೆಸರು ಹುಡುಕಿದ ರಾಧಿಕಾ-ಯಶ್ ದಂಪತಿ
ಯಶ್ ಮುದ್ದು ಮಗನ ಹೆಸರು ಯಥರ್ವ್
ಅಂದ್ಹಾಗೆ ಯಶ್ ಮತ್ತು ರಾಧಿಕಾ ದಂಪತಿಯ ಮುದ್ದು ಮಗನಿಗೆ "ಯಥರ್ವ್ ಯಶ್" ಎಂದು ನಾಮಕರಣ ಮಾಡಿದ್ದಾರೆ. ಯಶ್ ಪುತ್ರಿಗೆ ಐರಾ ಎಂದು ನಾಮಕರಣ ಮಾಡಿದ್ದರು. ಈ ಹೆಸರಿನಲ್ಲಿ ಯಶ್ ಮತ್ತು ರಾಧಿಕಾ ಹೆಸರಿನ ಮೊದಲ ಅಕ್ಷರ ಇತ್ತು. ಹಾಗೆ ಪುತ್ರನ ಹೆಸರಿನಲ್ಲಿಯೂ ಸಹ Y ಮತ್ತು R ಅಕ್ಷರವಿದೆ.
ಯಥರ್ವ ಎಂದರೇನು?
ಯಥರ್ವ ಎಂದರೆ ಸಂಪೂರ್ಣ ಎಂದು ಅರ್ಥ. ಮಗನ ನಾಮಕರಣ ವಿಡಿಯೋವನ್ನು ಶೇರ್ ಮಾಡಿ ಯಶ್ ದಂಪತಿ "ನಮ್ಮನ್ನು ಪೂರ್ಣಗೊಳಿಸಿದವನು" ಎಂದು ಬರೆದುಕೊಂಡಿದ್ದಾರೆ ಜೊತೆಗೆ "ರಾರಾಜಿಸುತ ಬದುಕು ಮಗನೇ. ಹರಸಿ ಹಾರೈಸಿ" ಎಂದು ಹೇಳಿದ್ದಾರೆ.
ನಾಮಕರಣದ ವಿಡಿಯೋ ಹಂಚಿಕೊಂಡ ಯಶ್ ದಂಪತಿ
ಮಗನ ನಾಮಕರಣದ ಸಂಭ್ರಮದಲ್ಲಿ ಕುಟುಂಬದವರು ಮಾತ್ರ ಭಾಗಿಯಾಗಿದ್ದಾರೆ. ಹೂವಿನಿಂದ ಅಲಂಕರಿಸಿದ ಸುಂದರ ಮಂಟಪ ದಲ್ಲಿ ಯಶ್ ಇಬ್ಬರ ಮಕ್ಕಳು ರಾರಾಜಿಸುತ್ತಿದ್ದಾರೆ. ಸಾಂಪ್ರದಾಯಿಕ ಉಡುಪಿನಲ್ಲಿ ಯಶ್ ಮತ್ತು ರಾಧಿಕಾ ಕಂಗೊಳಿಸುತ್ತಿದ್ದಾರೆ. ರಾಧಿಕಾ ಪೋಷಕರು ಮತ್ತು ಯಶ್ ಪೋಷಕರು ಹಾಗೂ ತೀರಾ ಆಪ್ತರು ಮಾತ್ರ ನಾಮಕರಣ ಸಂಭ್ರಮದಲ್ಲಿ ಭಾಗಿಯಾಗಿದ್ದಾರೆ.
ಹೆಸರು ಹುಡುಕಿರುವುದಾಗಿ ಹೇಳಿದ್ದ ರಾಧಿಕಾ ಪಂಡಿತ್
ಮಗನಿಗೆ ಹೆಸರು ಹುಡುಕಿರುವ ಬಗ್ಗೆ ರಾಧಿಕ ಪಂಡಿತ್ ಕೆಲವು ದಿನಗಳ ಹಿಂದೆ ಹೇಳಿದ್ದರು. ಪೋಸ್ಟ್ ಹಾಕುವ ಮೂಲಕ 'ನನ್ನ ಪ್ರತಿದಿನ ಮುಂಜಾನೆಯ ಖುಷಿಯ ಔಷಧ' ಎಂದು ಬರೆದುಕೊಂಡು 'ಮಗನಿಗೆ ಮುದ್ದಾದ ಹೆಸರು ಹುಡುಕಿದ್ದೇವೆ. ಕೆಲವೇ ದಿನಗಳಲ್ಲಿ ಅದನ್ನು ಬಹಿರಂಗಪಡಿಸುತ್ತೇವೆ' ಎಂದಿದ್ದರು ಇದೀಗ ಹೆಸರು ಬಹಿರಂಗವಾಗಿದೆ.