ರಾಧಿಕಾ-ಯಶ್ ರ ಮುದ್ದು ಮಕ್ಕಳಿಗೆ ಇಂದು ಮಹತ್ವದ ದಿನ

ತಮ್ಮನಿಗೆ ರಾಖಿ ಕಟ್ಟಿದ ಐರಾ

ಮುದ್ದು ಪುಟಾಣಿ ಐರಾ ವರ್ಷ ತುಂಬದ ಮುದ್ದು ತಮ್ಮನ ಕೈಗೆ ರಾಖಿ ಕಟ್ಟಿದ್ದಾಳೆ. ಅಷ್ಟೆ ಅಲ್ಲ ರಾಖಿ ಕಟ್ಟಿ ಸಿಹಿ ಮುತ್ತನ್ನು ಸಹ ಕೊಟ್ಟಿದ್ದಾಳೆ.

ತಮ್ಮನಿಗೆ ಆರತಿ ಮಾಡಿದ ಐರಾ

ಅಕ್ಕ ಐರಾ ತಮ್ಮನಿಗೆ ರಾಖಿ ಕಟ್ಟಿ ಆರತಿ ಮಾಡಿದ್ದಾಳೆ. ಈ ಎಲ್ಲಾ ಚಿತ್ರಗಳನ್ನು ರಾಧಿಕಾ ಪಂಡಿತ್ ಇನ್‌ಸ್ಟಾಗ್ರಾಂ ನಲ್ಲಿ ಪೋಸ್ಟ್ ಮಾಡಿದ್ದು, ರಾಖಿ ಹಬ್ಬಕ್ಕೆ ಈ ಚಿತ್ರಗಳು ಇನ್ನಷ್ಟು ಕಳೆ ತಂದಿವೆ.

ಯಶ್‌ರಿಂದ ರಾಖಿ ಹಬ್ಬ ಆಚರಣೆ

ನಟ ಯಶ್ ಅವರೂ ಸಹ ಇಂದು ರಾಖಿ ಹಬ್ಬ ಆಚರಣೆ ಮಾಡಿದರು. ಯಶ್ ಅವರ ಪ್ರೀತಿಯ ಸಹೋದರಿ ನಂದಿನಿ ಯಶ್ ಅವರಿಗೆ ರಾಖಿ ಕಟ್ಟಿದರು. ರಾಖಿ ಆಚರಣೆಯನ್ನು ಯಶ್ ಮಿಸ್ ಮಾಡುವುದಿಲ್ಲ. ತಂದೆಯ ಗುಣ ಮಕ್ಕಳಿಗೂ ಬಂದಿದೆ ಎನ್ನಬಹುದು.

ಮಕ್ಕಳ ತುಂಟಾಟ ದಾಖಲಿಸುವ ರಾಧಿಕಾ

ರಾಧಿಕಾ ಪಂಡಿತ್ ತಮ್ಮ ಮಕ್ಕಳ ವಿವಿಧ ಚಟುವಟಿಕೆಗಳ ಚಿತ್ರಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ. ಇತ್ತೀಚೆಗಷ್ಟೆ ಮಗಳು ಐರಾ ಕಾಮಿಕ್ಸ್ ಪುಸ್ತಕ ಓದುತ್ತಿರುವ ಚಿತ್ರ ಹಾಕಿದ್ದರು. ಪುಸ್ತಕಗಳನ್ನು ಕೊಟ್ಟಿದ್ದು ಅನುಪ್ರಭಾಕರ್ ಮತ್ತು ರಘು ಮುಖರ್ಜಿ ದಂಪತಿ ಎಂದು ಸಹ ಹೇಳಿದ್ದರು.