ಅಪ್ಪಂದಿರ ದಿನದ ವಿಶೇಷ ಫೋಟೋ ಹಂಚಿಕೊಂಡ ರಾಧಿಕಾ

Recommended Video

ಇಂದು ಅಪ್ಪಂದಿರ ದಿನ. ಈ ವಿಶೇಷ ದಿನ ನಟಿ ರಾಧಿಕಾ ಪಂಡಿತ್ ಒಂದು ವಿಶೇಷ ಫೋಟೋವನ್ನು ತಮ್ಮ ಫೇಸ್ ಬುಕ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಪತಿ ಯಶ್ ಜೊತೆಗೆ ಮುದ್ದಾದ ಮಗಳು ಇರುವ ಫೋಟೋ ಇದಾಗಿದೆ. ಅಪ್ಪ ಮಗಳ ಈ ಫೋಟೋ ತುಂಬ ಚೆನ್ನಾಗಿದೆ. ತಂದೆಯ ಎದೆಯ ಮೇಲೆ ಮಗಳು ಮಲಗಿದ್ದರೆ, ಮಗಳಿಗೆ ಅಪ್ಪನ ಸಿಹಿ ಮುತ್ತು ಸಿಕ್ಕಿದೆ.

ಇಂತಹ ಸಿಹಿಯಾದ ಫೋಟೋವನ್ನು ರಾಧಿಕಾ ಪಂಡಿತ್ ಹಂಚಿಕೊಂಡಿದ್ದಾರೆ. ಅಭಿಮಾನಿಗಳಿಗೂ ಈ ಫೋಟೋ ತುಂಬ ಇಷ್ಟವಾಗಿದೆ. ಅಪ್ಪನನ್ನು ಸೂಪರ್ ಹೀರೋ ಎನ್ನುವ ಮೂಲಕ ಎಲ್ಲ ಮಕ್ಕಳ ತಂದೆಯರಿಗೆ ರಾಧಿಕಾ ಶುಭಾಶಯ ತಿಳಿಸಿದ್ದಾರೆ.

ಆಗಾಗ, ಮಗಳ ಫೋಟೋ ಹಂಚಿಕೊಳ್ಳುತ್ತಿರುವ ರಾಧಿಕಾ ಅಪ್ಪಂದಿರ ದಿನ ವಿಶೇಷವಾಗಿ ಈ ಫೋಟೋವನ್ನು ಶೇರ್ ಮಾಡಿದ್ದಾರೆ.

ಉಳಿದಂತೆ, ಕನ್ನಡ ಚಿತ್ರರಂಗದ ಅನೇಕ ನಟ, ನಟಿಯರು ತಮ್ಮ ತಂದೆಯರಿಗೆ ವಿಶ್ ಮಾಡಿದ್ದಾರೆ.