ಅಪ್ಪ-ಅಮ್ಮನನ್ನು ಗುರುತಿಸಿದ ಯಥರ್ವ, ಮುದ್ದಾದ ವಿಡಿಯೋ ಹಂಚಿಕೊಂಡ ರಾಧಿಕಾ

ಅಪ್ಪ-ಅಮ್ಮನನ್ನು ಗುರುತಿಸಿದ ಯಥರ್ವ

ನಟ ಯಶ್ ಮತ್ತು ರಾಧಿಕಾ ಪಂಡಿತ್ ಅವರು ಎಂಗೇಜ್‌ಮೆಂಟ್ ಕ್ಷಣದ ಫೋಟೋ ಫ್ರೆಮ್ ನೋಡಿದ ಯಥರ್ವ, ಆ ಫೋಟೋ ಬಳಿ ಹೋಗಿ ಅಪ್ಪ-ಅಮ್ಮನ್ನು ಗುರುತಿಸುತ್ತಿದ್ದಾನೆ. ಸಹೋದರನಿಗೆ ಐರಾ ಸಾಥ್ ನೀಡಿದ್ದಾಳೆ.

ಅಪ್ಪ-ಅಮ್ಮ ಹೇಳಿಕೊಟ್ಟ ಐರಾ

ತೊದಲು ಮಾತಿನಲ್ಲಿ ಅಪ್ಪ-ಅಮ್ಮ ಎನ್ನುವ ಪ್ರಯತ್ನ ಮಾಡುತ್ತಿರುವ ಯಥರ್ವನಿಗೆ ಸಹೋದರಿ ಐರಾ ಹೇಳಿಕೊಡುತ್ತಿದ್ದಾಳೆ. ಐರಾ-ಯಥರ್ವ ಜೋಡಿಯ ಈ ಮುದ್ದು ವಿಡಿಯೋ ಈಗ ವೈರಲ್ ಆಗಿದೆ.

ವಿದ್ಯಾರ್ಥಿ ಶಿಕ್ಷಕಿಯಾದಾಗ....

ಮುದ್ದಾದ ವಿಡಿಯೋ ಹಂಚಿಕೊಂಡಿರುವ ರಾಧಿಕಾ ಪಂಡಿತ್ ಅದಕ್ಕೆ ಕ್ಯಾಪ್ಷನ್ ಸಹ ನೀಡಿದ್ದಾರೆ. 'ವಿದ್ಯಾರ್ಥಿ ಶಿಕ್ಷಕಿಯಾದಾಗ....ನನ್ನ ಕೆಲಸ ಮುಗಿತು' ಎಂದು ಬರೆದುಕೊಂಡಿದ್ದಾರೆ. ಅಂದ್ರೆ, ಐರಾಗೆ ಅಪ್ಪ-ಅಮ್ಮನ ಗುರುತಿಸುವಿಕೆನ್ನು ರಾಧಿಕಾ ಹೇಳಿಕೊಡುತ್ತಿದ್ದರು. ಈಗ ಯಥರ್ವನಿಗೆ ಐರಾ ಹೇಳಿಕೊಡುತ್ತಿದ್ದಾಳೆ. ವಿದ್ಯಾರ್ಥಿಯಾಗಿದ್ದ ಐರಾ ಶಿಕ್ಷಕಿಯಾಗಿದ್ದಾಳೆ.

ಫಾರ್ಮ್‌ಹೌಸ್‌ ವಿಡಿಯೋ ಸುದ್ದಿಯಾಗಿತ್ತು

ಇತ್ತೀಚಿಗಷ್ಟೆ ಹಾಸನದಲ್ಲಿರುವ ತಮ್ಮ ಫಾರ್ಮ್ ಹೌಸ್ ನಲ್ಲಿ ಯಶ್ ದಂಪತಿ ಇಬ್ಬರು ಮಕ್ಕಳ ಜೊತೆ ಸಮಯ ಕಳೆದಿದ್ದರು. ಫಾರ್ಮ್ ಹೌಸ್ ನಲ್ಲಿ ಮಗಳು ಐರಾ ಮಸ್ತಿ ಮಾಡುತ್ತಿರುವ ಫೋಟೋವನ್ನು ರಾಧಿಕಾ ಹಂಚಿಕೊಂಡಿದ್ದರು. ಅಪ್ಪ ಯಶ್ ಜೊತೆ ಹಸುವಿಗೆ ಬಾಳೆಹಣ್ಣು ತಿನಿಸುತ್ತಿರುವ ಫೋಟೋ ಹಂಚಿಕೊಂಡಿರುವ ರಾಧಿಕಾ "ಫಾರ್ಮ್ ಹೌಸ್ ಡೈರೀಸ್" ಎಂದು ಕ್ಯಾಪ್ಷನ್ ನೀಡಿದ್ದರು.