10 ವರ್ಷದ 'ವ್ಯಾಲೆಂಟೈನ್ ಡೇ' ನೆನಪು ಹಂಚಿಕೊಂಡ ರಾಧಿಕಾ ಪಂಡಿತ್

Recommended Video

ಪ್ರೇಮಿಗಳ ದಿನದ ವಿಶೇಷವಾಗಿ ನಟಿ ರಾಧಿಕಾ ಪಂಡಿತ್ ತಮ್ಮ ಪ್ರೀತಿಯ ನೆನಪು ಮೆಲುಕು ಹಾಕಿದ್ದಾರೆ. ರಾಕಿಂಗ್ ಸ್ಟಾರ್ ಯಶ್ ಜೊತೆಗಿನ ಹತ್ತು ವರ್ಷದ 'ವ್ಯಾಲೆಂಟೈನ್ ಡೇ' ಆಚರಿಸಿರುವ ಕ್ಷಣದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ಯಶ್ ಜೊತೆಗಿರುವ 8 ಫೋಟೋಗಳನ್ನು ರಾಧಿಕಾ ತಮ್ಮ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ. ''ಇದರಲ್ಲಿ ಮೊದಲ ಎರಡು ವರ್ಷದ 'ವ್ಯಾಲೆಂಟೈನ್ ಡೇ' ಫೋಟೋ ಇಲ್ಲ. ತದನಂತರ ಏಂಟು ವರ್ಷದ ಫೋಟೋಗಳು ಇಲ್ಲಿದೆ. ಇದು ನಮ್ಮ ವ್ಯಾಲೆಂಟೈನ್ ಡೇ ಫೋಟೋಗಳು'' ಎಂದು ಹೇಳಿದ್ದಾರೆ.

ಅಂದ್ರೆ, ರಾಧಿಕಾ ಪಂಡಿತ್ ಮತ್ತು ಯಶ್ ಪ್ರೀತಿ ಹತ್ತು ವರ್ಷದ ಸಂಭ್ರಮ. 2016ರ ಡಿಸೆಂಬರ್ ತಿಂಗಳಲ್ಲಿ ಯಶ್-ರಾಧಿಕಾ ಮದುವೆಯಾಗಿದ್ದರು. ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ ದಂಪತಿಗೆ ಈಗ ಎರಡು ಮಕ್ಕಳಿದ್ದಾರೆ. ಹೆಣ್ಣು ಮಗುವಿಗೆ ಐರಾ ಎಂದು ಹೆಸರಿಟ್ಟಿದ್ದು, ಗಂಡು ಮಗುವಿಗೆ ಇನ್ನು ಹೆಸರಿಟ್ಟಿಲ್ಲ.

ಶಶಾಂಕ್ ನಿರ್ದೇಶನದಲ್ಲಿ ಮೂಡಿ ಬಂದ 'ಮೊಗ್ಗಿನ ಮನಸ್ಸು' ಸಿನಿಮಾ ಮೂಲಕ ಯಶ್ ಮತ್ತು ರಾಧಿಕಾ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟರು. ಅದೇ ವರ್ಷ 2008ರಲ್ಲಿಯೇ ಯಶ್ 'ರಾಕಿ' ಸಿನಿಮಾದಲ್ಲಿಯೂ ಅಭಿನಯ ಮಾಡಿದ್ರು. ಇದುವರೆಗೂ 'ಮೊಗ್ಗಿನ ಮನಸ್ಸು', 'ಡ್ರಾಮಾ', 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಮತ್ತು 'ಸಂತು ಸ್ಟೈಟ್ ಫಾರ್ವರ್ಡ್' ಚಿತ್ರಗಳಲ್ಲಿ ಒಟ್ಟಾಗಿ ಅಭಿನಯಿಸಿದ್ದಾರೆ.