Don't Miss!
- News ಬಂಡೀಪುರ: ಹುಲಿ ದಾಳಿಯಿಂದ ಮರಿಯಾನೆ ಸಾವು, ನಡುರಸ್ತೆಯಲ್ಲೇ ಮುಗಿಲು ಮುಟ್ಟಿದ ತಾಯಿಯ ಆಕ್ರಂದನ, ವಿಡಿಯೋ ವೈರಲ್
- Lifestyle 2 ಬಗೆಯ ಮಜ್ಜಿಗೆ ಸಾರು ರೆಸಿಪಿ: ಕಾಯಿ ಹಾಕಿದ, ಕಾಯಿ ಹಾಕದ ಸಾರಿನ ರೆಸಿಪಿ
- Technology ಒಪ್ಪೋ ಸಂಸ್ಥೆಯ ಈ ಫೋನ್ ಬೆಲೆಯಲ್ಲಿ ಭರ್ಜರಿ ಇಳಿಕೆ; ಆಫರ್ಗೆ ಗ್ರಾಹಕರು ಫಿದಾ!
- Automobiles ಭಾರತದ ರಸ್ತೆಯಲ್ಲಿ ಘರ್ಜಿಸುತ್ತಿರುವ ಪವರ್ಫುಲ್ ಎಪ್ರಿಲಿಯಾ ಬೈಕ್ಗಾಗಿ ಅಕ್ಸೆಸರೀಸ್ ಬಿಡುಗಡೆ
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತುಪ್ಪದ ಬೆಡಗಿ ರಾಗಿಣಿ..ಗುದ್ದಿದ್ರೆ ಗೂಳಿ..! ಹುಷಾರ್
'ತುಪ್ಪದ ಬೆಡಗಿ' ರಾಗಿಣಿ ಹರೆಯದ ಹುಡುಗರ ಕೆನ್ನೆಗೆ ತುಪ್ಪ ಸವರುವ ಕಾಲ ಮುಗಿದ್ಹೋಯ್ತು. ರಾಗಿಣಿ ಮೊದಲಿನ ಹಾಗೆ, ಕನಸಿನ ರಾಣಿ ಅಲ್ಲ. ಅವರ ಲೆವೆಲ್ ಬದಲಾಗಿದೆ. ರಾಗಿಣಿ ಈಗೇನಿದ್ದರೂ 'ಮಾಸ್ ಕ್ವೀನ್'.
ಐ.ಪಿ.ಎಸ್ ಓದಿ, ದುಷ್ಟರ ಎದೆ ಸೀಳಿದ ರಾಗಿಣಿ, ಅದೇ ಆಕ್ಷನ್ ಕ್ವೀನ್ ಇಮೇಜ್ ನಲ್ಲಿ ಮುಂದುವರಿಯುತ್ತಿದ್ದಾರೆ. ಇತ್ತೀಚೆಗಷ್ಟೆ 'ಶಿವಂ' ಚಿತ್ರದಲ್ಲಿ 'ನಾಗಿಣಿ'ಯಾಗಿ ಪಡ್ಡೆ ಹೈಕ್ಳ ಎದೆಗೆ ಕನ್ನ ಹಾಕಿದ್ದ ರಾಗಿಣಿ ಈಗ ಏಕಾಏಕಿ 'ರಣಚಂಡಿ'ಯಾಗ್ಬಿಟ್ಟಿದ್ದಾರೆ.
ಹೌದು, ರಾಗಿಣಿ ತಾಳಿರುವ ಹೊಚ್ಚ ಹೊಸ ಅವತಾರವೇ 'ರಣಚಂಡಿ'. ಹೆಣ್ ಚಿರತೆ ಮಾಲಾಶ್ರೀಗೆ ಮಾತ್ರ ಮೀಸಲಾಗಿದ್ದ 'ಚಂಡಿ', 'ಚಾಮುಂಡಿ' ಯಂತಹ ಟೈಟಲ್ ಗಳು ಇದೀಗ ರಾಗಿಣಿಗೂ ಒಲಿದು ಬರುತ್ತಿದೆ. ಹಾಗೆ, ರಾಗಿಣಿ ಒಪ್ಪಿಕೊಂಡಿರುವ ಹೊಸ ಸಿನಿಮಾ 'ವೀರ ರಣಚಂಡಿ'.
ಈಗಷ್ಟೆ ಅನೌನ್ಸ್ ಆಗಿರುವ 'ವೀರ ರಣಚಂಡಿ' ಚಿತ್ರದ ಪೋಸ್ಟರ್ ಗಳು ಕೂಡ ರಿಲೀಸ್ ಆಗಿವೆ. 'ಲೇಡಿ ಡಾನ್' ಆಗಿ ಪೋಸ್ಟರ್ ನಲ್ಲಿ ಪೋಸ್ ಕೊಟ್ಟಿರುವ 'ರಾಗಿಣಿ' ಕೈಲಿ ಗನ್ ಕೂಡ ಹಿಡಿದಿದ್ದಾರೆ. ಸಾಲದ್ದಕ್ಕೆ 'ಹೆಸರು ನಂದಿನಿ....ಗುದ್ದಿದ್ರೇ ಗೂಳಿ' ಅನ್ನುವ ಅಡಿಬರಹ ಬೇರೆ ಇದೆ. [ತುಂಡುಡುಗೆಯಲ್ಲಿ ನೀರಿಗಿಳಿದ ರಾಗಿಣಿ ದ್ವಿವೇದಿ]
ರಾಗಿಣೆ ಸ್ಟೈಲು, ಟೈಟಲ್ಲು, ಸಬ್ ಟೈಟಲ್ಲು ನೋಡಿದ್ಮೇಲೆ, ಇದು ಆಕ್ಷನ್ ಸಿನಿಮಾ ಅಂತ ನಿಮಗೆ ನಾವು ಬಿಡಿಸಿ ಹೇಳಬೇಕಾಗಿಲ್ಲ. 'ವೀರ ರಣಚಂಡಿ' ಚಿತ್ರದ ಮೂಲಕ 'ಮಾಸ್ ಕ್ವೀನ್' ಅಂತ ಬಿರುದು ಪಡೆದಿರುವ ರಾಗಿಣಿ, ಚಿತ್ರದಲ್ಲಿ 'ಗೂಂಡಾ'.
ಲೇಡಿ ಡಾನ್ ಆಗಿ ಚಿತ್ರದಲ್ಲಿ ಡಕಾಯಿತಿ ಮಾಡುವ ರಾಗಿಣಿ, 'ವೀರ ರಣಚಂಡಿ' ಚಿತ್ರದಲ್ಲಿ ಎರಡು ವಿಭಿನ್ನ ಶೇಡ್ ಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. ''ಸಿನಿಮಾದಲ್ಲಿ ಹಳ್ಳಿ ಬ್ಯಾಕ್ ಡ್ರಾಪ್ ಇದೆ. ಮೊದಲು ರಾಗಿಣಿ ಗೂಂಡಾ ತರಹ ಕಾಣಿಸಿಕೊಳ್ಳುತ್ತಾರೆ. ಆಮೇಲೆ ಹಳ್ಳಿ ಸ್ಟೋರಿ ಶುರುವಾಗುತ್ತೆ. ರಾಗಿಣಿಯನ್ನ ಎರಡು ಬೇರೆ ಬೇರೆ ರೂಪಗಳಲ್ಲಿ ನೋಡಬಹುದು'' ಅಂತ 'ಫಿಲ್ಮಿಬೀಟ್ ಕನ್ನಡ'ಗೆ ತಿಳಿಸಿದ್ದಾರೆ ನಿರ್ದೇಶಕ ಆನಂದ್.ಪಿ.ರಾಜು. ['ನಾಟಿ ಕೋಳಿ' ಸಾರಿಗೆ 'ರಾಗಿಣಿ'ಯ ಮಿರ್ಚಿ ಮಸಾಲೆ]
ರಾಗಿಣಿಗೆ ಮೊದಲು ಐ.ಪಿ.ಎಸ್ ಓದಿಸಿದ ಆನಂದ್.ಪಿ.ರಾಜು, ಇದೀಗ ಅದೇ ರಾಗಿಣಿಯನ್ನ 'ಗೂಳಿ' ಮಾಡ್ತಿದ್ದಾರೆ. ಈಗಾಗಲೇ ಚಿತ್ರದ ಪ್ರೀಪ್ರೊಡಕ್ಷನ್ ಹಂತಕ್ಕೆ ಚಾಲನೆ ನೀಡಲಾಗಿದ್ದು, ಸದ್ಯದಲ್ಲೇ 'ವೀರ ರಣಚಂಡಿ'ಗೆ ಅಧಿಕೃತ ಚಾಲನೆ ಸಿಗಲಿದೆ. (ಫಿಲ್ಮಿಬೀಟ್ ಕನ್ನಡ)