ನಿರೂಪಕಿ ಆಗಿ ಬದಲಾಗಲಿದ್ದಾರೆ ಗ್ಲಾಮರ್ ಕ್ವೀನ್ ರಾಗಿಣಿ ದ್ವಿವೇದಿ

ತುಪ್ಪದ ಬೆಡಗಿ ರಾಗಿಣಿ ದ್ವಿವೇದಿ ಕೈನಲ್ಲಿ ಈಗ ಸಿಕ್ಕಾಪಟ್ಟೆ ಸಿನಿಮಾಗಳಿವೆ. ತಮ್ಮ ಬಿಜಿ ಶೆಡ್ಯೂಲ್ ಮಧ್ಯೆ ಕೂಡ ರಾಗಿಣಿ ಈಗ ನಿರೂಪಕಿಯಾಗುತ್ತಿದ್ದಾರೆ. ರಾಗಿಣಿ ಇದೀಗ ಒಂದು ಅವಾರ್ಡ್ ಶೋ ನಲ್ಲಿ ಅಂಕರ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

2017ನೇ ಸಾಲಿನ 'ಸೌತ್ ಫಿಲ್ಮ್ ಫೇರ್ ಅವಾರ್ಡ್ಸ್' ಕಾರ್ಯಕ್ರಮ ಇದೇ ಜೂನ್ 17ಕ್ಕೆ ನಡೆಯಲಿದೆ. ಈ ಕಾರ್ಯವನ್ನು ಕನ್ನಡದ ನಟಿ ರಾಗಿಣಿ ಹೋಸ್ಟ್ ಮಾಡುತ್ತಿರುವುದು ವಿಶೇಷವಾಗಿದೆ. ಅಂದಹಾಗೆ, ಈ ಬಾರಿಯ 'ಸೌತ್ ಫಿಲ್ಮ್ ಫೇರ್ ಅವಾರ್ಡ್ಸ್' ಹೈದರಾಬಾದ್ ನಲ್ಲಿ ಅದ್ಧೂರಿಯಾಗಿ ನಡೆಯಲಿದೆ.

ರಾಗಿಣಿ ಇದೇ ಮೊದಲ ಬಾರಿಗೆ ಅಂಕರ್ ಆಗಿ ಒಂದು ಅವಾರ್ಡ್ಸ್ ಕಾರ್ಯಕ್ರಮದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ನಿರೂಪಕಿಯಾಗಿ ಮೊದಲ ಅನುಭವದ ಬಗ್ಗೆ ರಾಗಿಣಿ ತುಂಬ ಉತ್ಸುಕರಾಗಿದ್ದಾರೆ. ರಾಗಿಣಿಗೆ ಈ ಕಾರ್ಯಕ್ರಮದಲ್ಲಿ ತೆಲುಗು ನಟ ಅಲ್ಲು ಸಿರೀಶ್ ಸಾಥ್ ನೀಡಲಿದ್ದಾರೆ.